ဧပြီလအတွင်း ကုမ္ပဏီ ၇ ခုကို ဆက်သွယ်ရေး လိုင်စင် ချထားပေး

Update-News_5_0.jpg

ဆက်သွယ်ရေးညွှန်ကြားမှုဦးစီးဌာနသည် ဆက်သွယ်ရေးလိုင်စင် လာရောက်လျှောက်ထားသူများကို စိစစ်၍ လိုင်စင်များ ချထားပေးနေကြောင်း၊ ဧပြီလအတွင်း လိုင်စင်ချထားပေးခဲ့သည့် ကုမ္ပဏီအရေအတွက်မှာ ၇ ခုဖြစ်ကြောင်း သတင်းထုတ်ပြန်ခဲ့သည်။

ဆက်သွယ်ရေးဆိုင်ရာ လုပ်ငန်းလိုင်စင်များကို ၂၀၁၅ ခုနှစ် နှစ်အစပိုင်းမှ စတင်၍ လိုင်စင်များ ထုတ်ပေးနေခဲ့ခြင်းဖြစ်ပြီး ပြည်ပမှ ဝင်ရောက်လာသည့် ဆက်သွယ်ရေး အော်ပရေတာများ အပါအဝင် နည်း ပညာကုမ္ပဏီ အားလုံးကို လိုင်စင်သက်တမ်း ၁၅ နှစ်အကြာ ပေးအပ်ခဲ့ခြင်းဖြစ်သည်။

ပေးအပ်ခဲ့သော လိုင်စင်အမျိုးအစားများအရ Nationwide Telecommunications Licences ၊ Network Facilities Service Licence ( Individual and Class) ၊Application Services Licence ဟူ၍ သုံးမျိုးခွဲခြားကာ ပေးအပ်ခဲ့သည်ဟု သိရသည်။ ဆက်သွယ်ရေးဆိုင်ရာ လိုင်စင်များအနက် Nationwide Telecommunications Licences ကို လက်ရှိဝန်ဆောင်မှု ပေးအပ်နေသည့် ဆက်သွယ်ရေး အော်ပရေတာ သုံး ခုကိုသာ ပေးအပ်ထားခြင်းဖြစ်သည်။

ဆက်သွယ်ရေး အော်ပရေတာအဖြစ် သတ်မှတ်ထားသည့် တိုင်းရင်းသားရင်းနှီးမြှုပ်နှံမှု ပါဝင်သော ရတနာပုံတယ်လီပို့ ကုမ္ပဏီသည် လက်ရှိအချိန်၌ Network Facilities Service (Individual) အဆင့်လိုင်စင်သာဖြစ်ပြီး ဆက်သွယ်ရေး အော်ပရေတာတစ်ခုကဲ့သို့ ဝန်ဆောင်မှုလုပ်ငန်းများကို လုပ်ကိုင် နေသည့် Myanmar Economic Corporation (MEC) သည်လည်း အလားတူ လိုင်စင်အမျိုးအစားကိုသာ ကိုင်ဆောင်ထားသည်ဟု သိရသည်။

လိုင်စင်အမျိုးအစားအရ ဆက်သွယ်ရေး ဝန်ဆောင်မှုလုပ်ငန်းများ လုပ်ကိုင်ရာတွင် ကန့်သတ်ချက်များထားရှိပြီး လိုင်စင်ထုတ်ပေးခြင်းဆိုင်ရာ နည်းဥပဒေအရ လိုင်စင်များကို ၅ နှစ်မှ နှစ် ၂၀ အထိ သက်တမ်း သတ်မှတ်ပေးနိုင်ကြောင်း သိရသည်။

ဆက်သွယ်ရေးညွှန်ကြားမှု ဦးစီးဌာန၏ ထုတ်ပြန်ချက်အရ ဧပြီလ ၃၀ ရက်အထိ ၎င်းတို့ လိုင်စင်ထုတ်ပေးခဲ့သည့် အရေအတွက်မှာ ပြည်တွင်း၊ ပြည်ပ ကုမ္ပဏီစုစုပေါင်း ၂၆ ခုအထိ ရှိလာခဲ့ပြီဟု သိရသည်။