ဒစ္စနေမှ Google Play နှင့်စတင်ချိတ်ဆက်ပြီး ရုပ်ရှင်တစ်ကား အခမဲ့ပေး

Disney.jpg
သုံးစွဲသူများ၏ Disney account ကိုGoogle Play account ဖြင့် ချိတ်ဆက်လိုက်ပါက ဒစ္စနေ၏ Movies Everywhere ဝန်ဆောင်မှုမှ ရုပ်ရှင်တစ်ကား အခမဲ့ဖြန့်ချိပေးလျက် ရှိကြောင်းသိရသည်။
ဒစ္စနေ (Disney) မှ ယခုနှစ် ဖေဖော်ဝါရီလ အတွင်းက Movies Anywhere service နှင့် iOS app ကို မိတ်ဆက်ပေးခဲ့ပြီး account ကိုဖန်တီးပြီး အဆိုပါ account ကို ၎င်းတို့၏ iTunes account နှင့် ချိတ်ဆက်သူများကို The Incredibles ရုပ်ရှင် ဒစ်ဂျယ်တယ် ကော်ပီကို အခမဲ့ဖြန့်ဝေ ပေးခဲ့ပါသည်။ ယခုအခါ ဒစ္စနေမှ Movies Any where for the Android crowd အစီအစဉ်ကို မိတ်ဆက်ပေးခဲ့ပြီး ၎င်းတို့၏ Google Play account နှင့် အသစ်ဖွင့်ထားသော Disney account ကိုချိတ်ဆက် သူတိုင်းကို “Wreck-It Ralph” ဒစ်ဂျယ်တယ် ကော်ပီအခမဲ့ ရယူနိုင်သည်ဟု ကြေညာခဲ့သည်။ အဆိုပါ ဝန်ဆောင်မှုတွင် ဒစ္စနေ (Disney)၊ မာဘယ် (Marvel) နှင့် ပစ်ဇာ (Pixar) တို့၏ ဒီဂျစ်တယ် ရုပ်ရှင်ပေါင်း ၄၀၀ ကို ရယူနိုင်ပြီး ၎င်းတို့အထဲတွင် “Toy Story” ဇာတ်လမ်းတွဲတို့ကဲ့သို့ ရုပ်ရှင်များပါဝင်ပါသည်။ Google Play account ကိုချိတ်ဆက် လိုက်သည်နှင့် တစ်ပြိုင်နက်တည်းမှာပင် Disney Movies Anywhere library ကို ရယူရန် ဆွဲဆောင်နိုင်မည် ဖြစ်သော်လည်း Play Movies app မှတစ်ဆင့် ရုပ်ရှင်များကို stream ကြည့်ရှုခြင်းနှင့် download ပြုလုပ်နိုင်မည် ဖြစ်ပါသည်။
ဒစ္စနေမှ ရုပ်ရှင်များကို အခမဲ့ပေးဝေမည့် အချိန်မှာ မည်သည့် အချိန်ကာလအထိ ကြာမြင့်မည်ဟု သတ်မှတ်ပိုင်းခြား ထားခြင်းမရှိ သေးသော်လည်း အချိန်ကာလ တစ်ခုအထိသာ ပေးမည်ဖြစ်သည်။ ယခုအခါ အခမဲ့ပေးထားသော “Wreck It Ralph” မှာတန်ဖိုးအားဖြင့် ဒေါ်လာ ၂၀ ရှိသည်။
-စိုးထက်
Ref : CNET