ရန်ကုန်မြို့တွင် MPT ၏ ကိုယ်ပိုင်အမှတ်တံဆိပ် ဆိုင်တစ်ဆိုင်ထပ်မံဖွင့်

11168974_786621974785424_289822838_n.jpg

ရန်ကုန်မြို့တွင် MPT ၏ ကိုယ်ပိုင်အမှတ်တံဆိပ် ဆိုင်တစ်ဆိုင် ထပ်မံဖွင့်လိုက်ကြောင်း သိရသည်။

အဆိုပါ မြန်မာ့ဆက်သွယ်ရေးလုပ်ငန်း၏ အရောင်းဆိုင်ခွဲကို တောင်ဥက္ကလာပမြို့နယ်၊ သံသုမာလမ်းမတွင် မေလ ၃ ရက်က ဖွင့်လှစ်ခဲ့ခြင်းဖြစ်ကြောင်း သိရသည်။ အဆိုပါဆိုင်တွင် MPT Simcard နှင့်ပတ်သက်သော ဝန်ဆောင်မှုများ၊ Top up card နှင့်ပတ်သက်သော ဝန်ဆောင်မှုများ၊ Customer Care တို့ကို ဆောင်ရွက်သွားမည်ဖြစ်ကြောင်း သိရသည်။ြ မန်မာ့ဆက်သွယ်ရေးလုပ်ငန်း အရောင်းဆိုင်များ နိုင်ငံတစ်ဝန်းလုံး ဖွင့်လှစ်ရန်ဆောင်ရွက်သွားမည် ဖြစ်ကြောင်း သိရသည်။

အဆိုပါဆိုင် (Brand Shop) များကို ရန်ကုန်၊ မန္တလေး၊ နေပြည်တော်တို့တွင် ကနဦး ဖွင့်လှစ်သွားမည်ဖြစ်ပြီး ၎င်းနောက် အခြားပြည်နယ်နှင့် တိုင်းဒေသကြီးများတွင်ပါ ဆက်လက်တိုးချဲ့ သွားမည်ဖြစ်ကြောင်း သိရသည်။ လက်ရှိ ရန်ကုန်တွင် ငါးဆိုင်၊ မန္တလေးတွင် သုံးဆိုင်၊ နေပြည်တော်တွင် နှစ်ဆိုင် ဖွင့်သွားရန်စီစဉ်နေကြောင်း၊ နောက်ပိုင်း အခြားပြည်နယ်နှင့် တိုင်းဒေသကြီးများတွင် တစ်နေရာနှစ်ဆိုင်နှုန်း ဖွင့်သွားမည်ဖြစ်ကြောင်း သိရသည်။ ယင်းအပြင် ခရိုင်မြို့ကြီးများတွင်ပါ ဆက်လက်ဖွင့်လှစ်သွားမည်ဖြစ်ကြောင်း တာဝန်ရှိသူတစ်ဦး ထံမှသိရသည်။

အဆိုပါ မြန်မာ့ဆက်သွယ်ရေးလုပ်ငန်း Brand Shop များတွင် MPT မှထုတ်သော ထုတ်ကုန်များ (ဆင်းမ်ကတ်၊ ငွေဖြည့်ကတ်) များကို တိုက်ရိုက်ရောင်းချသွားမည် ဖြစ်ကြောင်း သိရသည်။ လက်ရှိ ရန်ကုန်မြို့ စာတိုက်ကြီးအနီးတွင်လည်း မြန်မာ့ဆက်သွယ်ရေးလုပ်ငန်း ကိုယ်ပိုင်အမှတ်တံဆိပ်ဆိုင် ဖွင့်လှစ်ခဲ့ပြီးဖြစ်သည်။