အလုပ်ချိန် ၈၂ နာရီတွင် ညစ်ညမ်းဗီဒီယို ၃၉ နာရီ ကြည့်ရှုခဲ့သော အစိုးရဝန်ထမ်းတစ်ဦး အလုပ်ထုတ်ခá

11038927_10152891522517825_8260012535901156460_n.jpg

အများပြည်သူလူထု အကျိုးပြု ဆောင်ရွက်ရေးဌာနမှ ဝန်ထမ်းတစ်ဦးသည် အလုပ်ချိန် ၈၂ နာရီတွင် ညစ်ညမ်းဗီဒီယို ၃၉ နာရီကြည့်ရှုခဲ့သောကြောင့် ၎င်းကို အလုပ်ဖြုတ်ခဲ့ကြောင်း ဘော်တီမိုး မြို့တော် အာဏာပိုင်များက ထုတ်ဖော် ပြောကြားခဲ့သည်။

စစ်ဆေးရေးအဖွဲ့ အကြီးအကဲဖြစ်သူ ရော့ဘ်ပီယာရီဂျူနီယာ၏ ပြီးခဲ့သည့် ရက်သတ္တပတ် ထုတ်ပြန်ကြေညာချက်အရ Back River ရေဆိုးသန့်စင်စက်ရုံမှ ပြုပြင်ထိန်းသိမ်းရေး ကြီးကြပ်ရေးမှူးသည် ၂၀၁၄ ခုနှစ် စက်တင်ဘာလတွင် ရာထူးမှ ရပ်ဆိုင်းခံရပြီး ဇန်နဝါရီလ ၂၀ ရက်တွင် အလုပ်မှ ထုတ်ပယ်ခဲ့ကြောင်း သိရသည်။

မြို့တော်အာဏာပိုင်များသည် အဆိုပါ ဝန်ထမ်းနှင့် ပတ်သက်သည့် တိုင်ကြားချက်များကို ပြီးခဲ့သည့် သြဂုတ်လက လက်ခံရရှိခဲ့ပြီးနောက် ၎င်း၏ လုပ်ငန်းသုံး ကွန်ပျူတာတွင် စောင့်ကြည့်စစ်ဆေးရေးဆော့ဖ်ဝဲ (monitoring software) ကို ထည့်သွင်းခဲ့သည်။ ထို့နောက်တွင် အဆိုပါ ဝန်ထမ်းသည် ၎င်း၏ နှစ်ပတ် အလုပ်လုပ်ချိန် ၈၂ နာရီတွင် ၃၉ နာရီကို ကွန်ပျူတာတွင် ညစ်ညမ်း ဗီဒီယိုကြည့်ရှုခြင်းဖြင့် အချိန်ကုန်ဆုံးခဲ့သည်ကို တွေ့ရှိခဲ့ကြသည်။

အာဏာပိုင်များ၏ ထုတ်ပြန်ကြေညာချက်တွင် အထက်ပါ ဝန်ထမ်းသည် တစ်နေ့ အလုပ်လုပ်ချိန် ၈ နာရီတွင် ၇ နာရီခန့်ကို ညစ်ညမ်းဗီဒီယိုကြည့်ရှုခြင်းဖြင့် အချိန်ကုန်ဆုံးခဲ့ကြောင်း၊ ၎င်းသည် DVD ကို full-screen mode ဖြင့် ကြည့်ရှုခဲ့ကြောင်း၊ အလုပ်ချိန်တွင် အလုပ်အနည်းငယ်မျှပင် မလုပ်ဘဲ ညစ်ညမ်းဗီဒီယိုကိုသာ ကြည့်ရှုသည်ကို စုံစမ်းစစ်ဆေးရေးအဖွဲ့က ရှာဖွေတွေ့ရှိခဲ့ကြောင်းနှင့် ၎င်းကို မြို့တော်၏ မူဝါဒ ချိုးဖောက်မှု၊ မြို့တော်နှင့် မသက်ဆိုင်သည့် လုပ်ဆောင်ချက်များ ဆောင်ရွက်မှုတို့ဖြင့် အလုပ်မှ ထုတ်ပယ်ခဲ့ကြောင်း ဖော်ပြခဲ့သည်။

အလုပ်ချိန်တွင် ညစ်ညမ်းဒီဗီဒီ ကြည့်ရှုကာ ကုန်ဆုံးခဲ့သည့်အချိန် ၃၉ နာရီသည် အဆိုပါ ဝန်ထမ်း၏ လုပ်ခလစာ အမေရိကန်ဒေါ်လာ ၁,၁၆၆ နှင့် ညီမျှကြောင်း ပီယာရီက ပြောကြားခဲ့သည်။

“တကယ်လို့ အလုပ်ချိန် ၈ နာရီမှာ ၄ နာရီလောက်က ကွန်ပျူတာမှာ အားကစားအစီအစဉ် ကြည့်ရှုရင်း အချိန်ကုန်ဆုံးခဲ့မယ်ဆိုရင် အလားတူ အခြေအနေမျိုးနဲ့ ကြုံတွေ့နိုင်ပါတယ်” ဟု ပီယာရီက ပြောကြားခဲ့သည်။

Ref: UPI