တရုတ်နိုင်ငံ၏ iPhone ရောင်းအားကြောင့် Apple ဒုတိယ သုံးလပတ်ဝင်ငွေ စံချိန်တင် မြင့်တက်

iPhone61.jpg

ပြီးခဲ့သည့်ရက် အနည်းငယ်က Apple သည် ၂၀၁၅ခုနှစ် ဒုတိယ သုံးလပတ်အတွက် ဘဏ္ဍာရေး ရလဒ်များကို ထုတ်ပြန်ရာတွင် အာရှ၌ iPhone များစွာ ရောင်းချခဲ့ရကြောင်း သိရသည်။

Apple ၏ဒုတိယ သုံးလပတ် ထုတ်ပြန်ချက်တွင် တရုတ်နိုင်ငံ၌ iPhone ရောင်းချခဲ့ရာမှ ကန်ဒေါ်လာ ၁၆.၈ သန်းရရှိခဲ့ပြီး (ယခင်နှစ်ကထက် ၇၇.၈ ရာခိုင်နှုန်း) တိုးတက်လာကြောင်း ဘဏ္ဍာရေး အမှုဆောင် အရာရှိ လူကာမေစရီက ထုတ်ပြန်ခဲ့သည်။ ထိုသို့ Apple ထုတ်ကုန်များ ရောင်းအား တိုးတက်လာခြင်းမှာ ဒုတိယ သုံးလပတ်အတွင်း တရုတ်နိုင်ငံရှိ ကုမ္ပဏီ၏ အခြေခံ အဆောက်အဦနှင့် စီးပွားရေး လုပ်ငန်းများကို အဆင့်မြှင့်တင် ထားခြင်းကြောင့် ဖြစ်ကြောင်း ကုမ္ပဏီ၏ အမှုဆောင် အရာရှိချုပ် တင်မ်ကွတ်ခ်က ပြောကြားခဲ့သည်။ ယခုနှစ်တွင် Apple သည် တရုတ်နိုင်ငံ၌ Apple store များစွာ ဖွင့်လှစ်ခဲ့သလို ဝယ်ယူသူများ Union-Pay ဖြင့် ငွေပေးချေရန် စီစဉ်ပေးသည့်အပြင် နိုင်ငံတွင်းရှိ ကုမ္ပဏီ၏အွန်လိုင်း စတိုးများကိုလည်း အဆင့်မြှင့်တင် မှုများပြုလုပ် ခဲ့သည်။

iPhone များသည် တရုတ်နိုင်ငံမှ ဝင်ငွေများစွာ ရရှိလာစေရန် ဦးဆောင်ခဲ့သလို iPad အတွက်လည်း အကောင်းဆုံး သုံးလပတ် ဖြစ်ခဲ့ကြောင်း တင်မ်ကွတ်က ပြောဆိုခဲ့သည်။ ထို့အပြင် Mac ရောင်းချမှု နှုန်းသည်လည်း ကွန်ပျူတာ ဈေးကွက်တစ်ခုလုံး ကျဆင်းနေချိန်တွင် ၃၁ ရာခိုင်နှုန်း တိုးတက်လာခဲ့သည်။ တရုတ်နိုင်ငံရှိ Apple app store အတွက် စံချိန်တင် သုံးလပတ်ဖြစ်ပြီး ယခင်နှစ်ကထက် ၁၀၀ ရာခိုင်နှုန်းကျော် တိုးတက်ခဲ့ကာ လွန်ခဲ့သည့် တစ်နှစ်ကျော်က တရုတ် app developer များအား ကန်ဒေါ်လာ ၂.၅ ဘီလီယံငွေ ပေးချေခဲ့ရကြောင်း တင်မ်ကွတ်က ပြောကြားခဲ့သည်။

Ref: TechInAsia