ထုတ်ကုန် ၁ ဘီလီယံခန့်တွင် Windows 10 အသုံးပြုလာရန် Microsoft ရည်မှန်း

windows10_tech-preview_start-menu-100464961-orig.jpg

Microsoft သည်လာမည့် ၂ နှစ်မှ ၃ နှစ်အတွင်း ထုတ်ကုန် ဘီလီယံ ပေါင်းများစွာတွင် Windows 10 အသုံးပြုလာရန် ရည်မှန်းထားကြောင်း သိရသည်။

Windows 10 ဖြန့်ချိအပြီး ၂ နှစ်သို့မဟုတ် ၃ နှစ်အတွင်း Windows 10 ကိုထုတ်ကုန် ၁ ဘီလီယံတွင် အသုံးပြုလာ ကြမည်ဖြစ်ကြောင်း Microsoft  ၏ operation systems ဆိုင်ရာ ဒုဥက္ကဋ္ဌ တယ်ရီမေရီဆန်က ဆန်ဖရန်စ္စကိုမြို့တွင် ပြုလုပ်ခဲ့သော Build developer ကွန်ဖရင့်၌ ပြောဆိုခဲ့သည်။ Microsoft သည် Windows 10 ကိုယခုနှစ် နွေရာသီတွင် ဖြန့်ချိသွားမည် ဖြစ်ကြောင်း မတ်လက ထုတ်ပြန်ခဲ့သော်လည်း Microsoft ၏စီးပွားဖက် ချစ်ပ်ကုမ္ပဏီ AMD  အမှုဆောင် အရာရှိချုပ်ကမူ Windows 10 မှာ ဇူလိုင်လ နှောင်းပိုင်းတွင် ထွက်ရှိလာမည် ဖြစ်ကြောင်း ပြောဆိုခဲ့သည်။

Windows 10 သည် Microsoft ၏ ဝေဖန်အခံရဆုံး ပြဿနာများအနက် အချို့ကို ဖြေရှင်းပေးနိုင်ဖွယ် ရှိသည်။ အဆိုပါ operating system သည် ထုတ်ကုန် အများအပြားတွင် အသုံးပြုနိုင်မည် ဖြစ်သလို အတွေ့အကြုံသစ်များ ခံစားရမည့် ခေတ်သစ်တစ်ခု ပေါ်ပေါက်လာမည် ဖြစ်ကြောင်း Microsoft ၏အမှုဆောင် အရာရှိချုပ် ဆက်ရာနာဒယ်လာက ပြောကြားသွားခဲ့သည်။

ထို့အပြင် Microsoft က Windows 10 သည် ထုတ်ကုန်များ အားလုံးပေါ်တွင် app များ အသုံးပြုနိုင်မည့် platform တစ်ခုဖြစ်ကြောင်း developer နှင့်သုံးစွဲမည့် သူများသို့ ပြောကြားသွားခဲ့သည်။ ထို့ကြောင့် developer များအနေဖြင့် အခြေခံ code base တစ်မျိုးတည်းကို ရေးဆွဲရမည် ဖြစ်သည်။ Developer များသည် ATM, tablet, Xbox One ဂိမ်းစက်များအပြင် ကွန်ပျူတာ၊ တီဗွီများအပြင် HoloLens virtualreality headset သစ်များတွင် Windows 10 အသုံးပြုထားကာ မည်သည့်ထုတ်ကုန် ပေါ်တွင်မဆို အသုံးပြုနိုင်မည့် universal app ကို ဖန်တီးနိုင်မည် ဖြစ်သည်။

Ref : CNET