ဧရာဝတီဘဏ်နှင့် VISA ကုမ္ပဏီတို့ပူးပေါင်း၍ World Travel Prepaid Card ကို စတင်ရောင်းချ

Update-News_5.jpg

ပြည်တွင်း ပုဂ္ဂလိကဘဏ်တစ်ခုဖြစ်သော ဧရာဝတီဘဏ်သည် နိုင်ငံတကာ ငွေကြေးဝန်ဆောင်မှု ကုမ္ပဏီတစ်ခုဖြစ်သော VISA နှင့် ပူးပေါင်း၍ World Travel Prepaid Card ကို ၎င်းတို့၏ ဘဏ်ခွဲအသီးသီး၌ စတင်ရောင်းချပေးနေသည်ဟု သိရသည်။

“ကတ်အရေအတွက်ကို ကန့်သတ်ပြီးရောင်းချမှာပါ။ ကတ်အရေအတွက် ၂ ထောင် ရောင်းပေးမှာဖြစ်ပါတယ်။ အရင်တုန်းကလည်း ကျွန်တော်တို့ ဒီလိုမျိုးကတ်တွေကို အရေအတွက် အကန့်အသတ်နဲ့ ရောင်းချပေးဖူးတယ်” ဟု ဧရာဝတီဘဏ်မှ အထွေထွေမန်နေဂျာဖြစ်သူ ဦးမန်းစိုးထွန်းဝင်းက ပြောသည်။

အဆိုပါ Prepaid Card များသည် မြန်မာနိုင်ငံအတွင်း အသုံးပြုမည်ဆိုပါက အွန်လိုင်းစနစ် ငွေပေးချေခြင်း တစ်ခုတည်းကိုသာ အသုံးပြုနိုင်မည် ဖြစ်သော်လည်း နိုင်ငံခြား တိုင်းပြည်များသို့ သယ်ဆောင် အသုံးပြုမည်ဆိုပါက VISA အမှတ်တံဆိပ် ရှိနေသော နေရာအသီးသီး တွင် ငွေပေးချေခြင်း များ၊ ငွေကြေး လွှဲပြောင်းခြင်းများကို ပြုလုပ်နိုင် မည်ဟု ဧရာဝတီဘဏ်က ကြေညာထားသည်။

“ပြည်ပမှာဆိုရင် e Commerce အပြင် POS တွေ ATM တွေမှာပါ အသုံးပြုလို့ရပါတယ်” ဟု ဦးမန်းစိုးထွန်းဝင်းက ဆိုသည်။

Prepaid Card အတွင်းသို့ စင်ကာပူဒေါ်လာ၊ အမေရိကန်ဒေါ်လာနှင့် ယူရိုငွေကြေးတို့ ထည့်သွင်းထားရှိနိုင်ပြီး အများဆုံး ထည့်သွင်းအသုံးပြုနိုင်သော ပမာဏနှင့် လစဉ် အများဆုံး အသုံးပြုနိုင်သော ပမာဏတို့ကို ကန့်သတ်ထားကြောင်း သိရသည်။

နိုင်ငံတကာ၌ အသုံးပြုနိုင်သော အဆိုပါ Prepaid Card ကို မြန်မာ U – 20 ဘောလုံးအသင်း အားကစား အင်္ကျီနှင့် တွဲဖက်ဝယ်ယူမည်ဆိုပါ က ငွေကျပ် ၃ သောင်း ကျသင့် မည်ဖြစ်ပြီး အင်္ကျီနှင့် တွဲဖက်ဝယ်ယူခြင်း မရှိဘဲ ကတ်သီးသန့် ဝယ်ယူမည်ဆိုပါက ကတ်တန်ကြေး ၁ သောင်းကျပ် သတ်မှတ်ထားကြောင်း ဧရာ ဝတီဘဏ်မှ စုံစမ်း သိရှိရသည်။

Prepaid Card များကို ဧပြီလ ၂၇ ရက်မှ စတင်၍ ဧရာဝတီဘဏ်ခွဲအားလုံး၌ လျှောက်လွှာများ လက်ခံ၍ ရောင်းချပေးနေခြင်းဖြစ်ပြီး အဆိုပါကတ်၏ သက်တမ်းကို ၂ နှစ် သတ်မှတ်ပေးထားကြောင်း ဦးမန်းစိုးထွန်းဝင်းက ပြောသည်။