ယာဉ်များအား အွန်လိုင်းမှ ကြီးကြပ်ကွပ်ကဲ မောင်းနှင်မည့် ပြည်တွင်း ပထမဦးဆုံး ယာဉ်လိုင်းြေá€

Update-News_5.jpg

ယာဉ်များအား အွန်လိုင်းမှကြီးကြပ်ကွပ်ကဲ မောင်းနှင်မည့် ပြည်တွင်းပထမဦးဆုံးယာဉ်လိုင်း ပြေးဆွဲသွား မည်ဖြစ်ကြောင်း စန်းရောင်နီ Road Transport ကုမ္ပဏီလီမိတက်မှ အထွေထွေမန်နေဂျာ ဦးစန်းထွန်းက ပြောသည်။

အဆိုပါယာဉ်လိုင်းကို ဗိုလ်တထောင်မှ အောင်မင်္ဂလာအဝေးပြေး ယာဉ်ရပ်နားဝင်းအထိ ပြေးဆွဲသွားမည်ဖြစ်ပြီး မေလ ၃ ရက်မှ စတင်မည်ဖြစ်ကြောင်း၊ ယာဉ်စီးခမှာ ခရီးစဉ် စ၊ ဆုံး ၂၀၀ ကျပ်၊ ခရီးစဉ် တစ်ဖြတ်အတွက် ၅၀ ကျပ် သတ်မှတ်ထားကြောင်း သိရသည်။

“လက်ရှိမှာတော့ ယာဉ်စီးခကို iPay ကတ်စနစ်နဲ့ပဲ ပြေးဆွဲသွားမှာဖြစ်ပါတယ်။ ယာဉ်စီးရေ ၂၅ စီးနဲ့ စတင်ပြေးသွားမယ်။ လမ်းတစ်လျှောက် ပြေးနေတဲ့ယာဉ်တွေကို အွန်လိုင်းကနေ ကြီးကြပ်ကွပ်ကဲနိုင်မယ့် Intelligence Transportation System (ITS) စနစ်ကို အသုံးပြုမှာဖြစ်ပါတယ်” ဟု ဦးစန်းထွန်းက ပြောကြားသည်။

ယာဉ်တစ်စီးလျှင် ခရီးသည် ၅၀ ဦးသာ တင်ဆောင်ပြေးဆွဲသွားမည်ဖြစ်ပြီး ရှေ့အပေါက်မှတက်၊ နောက် အပေါက်မှဆင်းစနစ် ကျင့်သုံးသွားမည်ဖြစ်ကြောင်း၊ SRT (1) ယာဉ်လိုင်းအမည်ဖြင့် ပြေးဆွဲသွားမည် ဖြစ်ကြောင်း သိရသည်။ ယာဉ်ပေါ်တွင် CCTV စနစ် တပ်ဆင်ထားကာ Central Control မှ ITS စနစ်ဖြင့် အွန်လိုင်းမှ တိုက်ရိုက်ကြီးကြပ် ကွပ်ကဲသွားမည်ဟု ဆိုသည်။

ယာဉ်များအား ဂိတ်ထွက်အမှတ်စဉ်လိုက် မောင်းနှင်စေခြင်းနှင့် ကန့်သတ်လူဦးရေအတိုင်းသာ တင်ဆောင်ခွင့်ပြုခြင်းကြောင့် လုမောင်း၊ ပြိုင်မောင်း မရှိစေရန် ဆောင်ရွက် ထားကြောင်း၊ ယာဉ်နောက်လိုက် (စပယ်ယာ) အစားယဉ်အကူ (ဝန်ဆောင်မှု) စနစ်ကိုသာ ဆောင်ရွက်ထားကြောင်း သိရသည်။

SRT (1) မြို့တွင်းခရီးသည် ပို့ဆောင်ရေးယာဉ်လိုင်း အနေဖြင့် မြန်မာနိုင်ငံ၏ ပထမဦးဆုံး ITS စနစ်နှင့် iPay (E-Ticket) စနစ်သုံး ရန်ကုန်မြို့တွင်း ခရီးသည် ပို့ဆောင်ရေး ယာဉ်လိုင်းအဖြစ် ပြေးဆွဲခြင်းဖြစ်ကြောင်း သိရသည်။ အဆိုပါယာဉ်လိုင်း စီးနိုင်ရန်အတွက် iPay ကတ်များကို သတ်မှတ်နေရာများတွင် ဝယ်ယူနိုင်မည်ဖြစ်သည်။