ယခုနှစ် နှစ်လယ်ခန့်တွင် မြန်မာ့ ဆက်သွယ်ရေး လုပ်ငန်း၏မိုဘိုင်းဆက်သွယ်ရေး ကွန်ရက်အားလုံး ရာ

Update-News_5.jpg

ယခုနှစ် နှစ်လယ်ခန့်တွင် မြန်မာ့ဆက်သွယ်ရေးလုပ်ငန်း၏ မိုဘိုင်းဆက်သွယ်ရေး ကွန်ရက်အားလုံး ရာနှုန်းပြည့် 3G ရောက်ရှိအောင် ဆောင်ရွက်နေကြောင်း မြန်မာ့ ဆက်သွယ်ရေး လုပ်ငန်းမှ ပြောကြားထားသည်။

ထိုသို့ရောက်ရှိပြီးပါက ပိုမိုမြန်ဆန်သည့် အင်တာနက်ကို အသုံးပြုနိုင်မည်ဖြစ်ကြောင်း မြန်မာ့ဆက်သွယ်ရေးလုပ်ငန်းမှ ပြောကြားထားသည်။

၂၀၁၆ ခုနှစ် အကုန်တွင် မြန်မာတစ်နိုင်လုံး၏ ၇၀ ရာခိုင်နှုန်းရှိသော နယ်မြေဧရိယာကို မြန်မာ့ဆက်သွယ်ရေးလုပ်ငန်း၏ ဆက်သွယ်ရေးကွန်ရက်ဖြင့် လွှမ်းခြုံနိုင်မည်ဖြစ်ကြောင်း၊ လက်ရှိ မြန်မာ့ဆက်သွယ်ရေးလုပ်ငန်း၏ DC- HSPA + ကွန်ရက်ကို ရန်ကုန်နှင့် တချို့ဒေသများတွင် ပထမဦးဆုံး တပ်ဆင်ခဲ့ကြောင်း သိရသည်။ ယင်းအပြင် မန္တလေးနှင့် ပုဂံတို့၌လည်း ထပ်မံ တပ်ဆင်ပြီးဖြစ်ကြောင်း ဆိုသည်။

မြန်မာ့ဆက်သွယ်ရေးလုပ်ငန်း၏ ဆက်သွယ်ရေးကွန်ရက်များကို DC-HSPA + အဆင့်သို့ ရောက်ရှိအောင် အဆင်မြှင့်တင် ဆောင်ရွက်သွားမည်ဖြစ်ကြောင်း၊ လုပ်ငန်းများ ဆောင်ရွက်ရာတွင် စီပွားရေးဆိုင်ရာ မိတ်ဖက် အဖွဲ့အစည်းနှစ်ခုတို့၏ အကူအညီဖြင့် ဆောင်ရွက်ခြင်းဖြစ်ကြောင်း သတင်းထုတ်ပြန်ထားသည်။ အဆိုပါ စီးပွားရေး ဆိုင်ရာ မိတ်ဖက်အဖွဲ့အစည်းနှစ်ခုမှာ KDDI နှင့် Sumitomo ကော်ပိုရေးရှင်းတို့ဖြစ်သည်။ ကွန်ရက် DC-HSPA + အဆင့်သို့ ရောက်ရှိသောဒေသများမှာ ယခင်ထက် အင်တာနက်မြန်နှုန်း ပိုမိုကောင်းမွန်စွာ သုံးစွဲနိုင်မည်ဟု သိရသည်။

မြန်မာ့ဆက်သွယ်ရေးလုပ်ငန်းနည်းတူ မြန်မာနိုင်ငံအတွက် ဆက်သွယ်ရေးဆိုင်ရာ ဝန်ဆောင်မှုများ ပေးနေသော အခြားအော်ပရေတာများလည်း ကွန်ရက် တိုးချဲ့ခြင်းများကို ဆောင်ရွက်လျက် ရှိသည်ဟု သိရသည်။

မြန်မာနိုင်ငံ၏ မိုဘိုင်းဆက်သွယ်ရေး ဝန်ဆောင်မှုအပါအဝင် အခြားဆက်သွယ်ရေးဆိုင်ရာ လုပ်ငန်းများကို အော်ပရေတာသုံးခုက ဝန်ဆောင်မှုပေးလျက်ရှိပြီး ၎င်းတို့ မှာ မြန်မာ့ ဆက်သွယ်ရေး လုပ်ငန်း၊ Ooredoo နှင့် Telenor တို့ဖြစ်သည်။ ထပ်မံ၍ Royal ရတနာပုံအမည်ရှိ အော်ပရေတာတစ်ခု ပေါ်ပေါက်လာမည်ဖြစ်ကြောင်း သိရသည်။ အဆိုပါ အော်ပရေတာလေးခု အနေဖြင့် မြန်မာ တစ်နိုင်ငံလုံးရှိ ဆက်သွယ်ရေးဆိုင်ရာ ဝန်ဆောင်မှုများကို ယှဉ်ပြိုင် ဝန်ဆောင်မှုပေးသွားမည် ဖြစ်သည်။