အမေရိကန်အခြေစိုက် ဆိုက်ဘာလုံခြုံရေးကုမ္ပဏီကို ကန်ဒေါ်လာသန်း ၈၁၀ ဖြင့် Singtel ဝယ်ယူ

10491257_10152831659672825_1450186612472498220_n.jpg

စင်ကာပူနိုင်ငံ၏ အကြီးဆုံးဆက်သွယ်ရေးကုမ္ပဏီ Singtel သည် အမေရိကန်အခြေစိုက် လုံခြုံရေးကုမ္ပဏီ Trustwave ၏ ရှယ်ယာ ၉၈ ရာခိုင်နှုန်းကို ကန်ဒေါ်လာသန်း ၈၁၀ ဖြင့် ဝယ်ယူခဲ့သည်။

Trustwave သည် ကုမ္ပဏီများစွာ၏ လုံခြုံရေးကို အကောင်းဆုံးလက်တွေ့နည်းများဖြင့် ကူညီပေးပြီး အားနည်းချက်များကို ခြေရာခံရန် database များကို စမ်းသပ်ပေးခြင်းနှင့် ကြိုတင်ကာကွယ်မှုများကိုလည်း ပြုလုပ်ပေးသည်။ Trustwave ၏ဥက္ကဋ္ဌနှင့် အမှုဆောင်အရာချုပ် ရောဘတ်မတ်ကူလန်သည် ကျန်ရှိနေသေးသည့် ကုမ္ပဏီ၏ ရှယ်ယာ၂ ရာခိုင်နှုန်းကို ဆက်လက် ရယူထားမည် ဖြစ်သည်။ အဆိုပါဝယ်ယူမှု အပြီးသတ်ရန်အတွက် third party များနှင့် စည်းကမ်းထိန်းသိမ်းသူများ၏ အသိအမှတ်ပြုမှုကို ၃ လမှ ၆ လအထိ စောင့်ဆိုင်းရမည် ဖြစ်ကြောင်း Singtel ကပြောဆိုခဲ့သည်။

ထို့အပြင် Trustwave ကုမ္ပဏီအနေဖြင့်လည်း သီးသန့် စီးပွားရေးလုပ်ငန်း တစ်ခုအဖြစ် အလုပ်များကို ဆက်လက် လုပ်ကိုင်သွားမည် ဖြစ်သည်။ လက်ရှိတွင် လုပ်ကိုင်လျက်ရှိသော Singtel ၏ IT နှင့် cloud ဝန်ဆောင်မှုများသည် ပုဂ္ဂလိကပိုင် စီးပွားရေး လုပ်ငန်း၊ အဖွဲ့အစည်းကြီးများနှင့် အသေးစား၊ အလတ်စားလုပ်ငန်းများကို ဦးတည်၍ လုပ်ကိုင်ပေးနေသည်။

Ref: TechInAsia