ဟိုက်ဒရိုဂျင် စွမ်းအင်သုံး ကမ္ဘာ့ပထမဆုံးရထား တရုတ်နိုင်ငံတွင် စတင်ပြေးဆွဲ

hydrogen-power.jpg

တရုတ်နိုင်ငံတွင် ဟိုက်ဒရိုဂျင် စွမ်းအင်သုံး ကမ္ဘာ့ပထမဆုံး ရထားကို သတ်မှတ်ထားသည့် ဧရိယာတစ်ဝိုက်တွင် ခရီးတိုပြေးဆွဲမှုများ ပြုလုပ်နေပြီဖြစ်ကြောင်း သိရသည်။ အဆိုပါ ဟိုက်ဒရိုဂျင် စွမ်းအင်သုံး ရထားကို China South Rail ကော်ပိုရေးရှင်း၏ ကုမ္ပဏီခွဲ Sifang က တည်ဆောက်ခဲ့ခြင်း ဖြစ်သည်။

အဆိုပါရထားကို တည်ဆောက်မည့် သုတေသနလုပ်ငန်း အကူအညီဖြင့်  နည်းပညာ အခက်အခဲများ ဖြေရှင်းရန် Sifang အတွက် နှစ်နှစ်ခန့် အချိန်ယူခဲ့ရကြောင်း ကုမ္ပဏီ၏ အင်ဂျင်နီယာ အကြီးအကဲ လင်ဂျန်ယင်က Xinhua သတင်းဌာနသို့ ပြောကြားခဲ့သည်။ ဟိုက်ဒရိုဂျင်သည် သန့်စင်ပြီးသား လောင်စာတစ်မျိုးဖြစ်ပြီး ရေဓာတ်ကို ပြန်လည် ထုတ်လုပ်ပေးကာ စွမ်းအား သိပ်သည်းမှုလည်း ရှိသည်။ Sifang ၏လျှပ်စစ်ရထားသည် ဟိုက်ဒရိုဂျင် စွမ်းအင်အား သုံးမိနစ်ခန့်အတွင်း ပြန်လည်ဖြည့်တင်းပါက မိုင်၆၀ (ကီလိုမီတာ ၁၀၀) အထိ သွားလာနိုင်သည်။  တရုတ်နိုင်ငံအတွင်းရှိ လျှပ်စစ်ရထား လမ်းကြောင်းအရှည်မှာ ပျှမ်းမျှ ၁၅ ကီလိုမီတာခန့်ရှိပြီး ၎င်းရထားကို စွမ်းအင်တစ်ကြိမ် ပြန်လည်ဖြည့်တင်းပြီးပါက ရထားလမ်းကြောင်း သုံးပတ်ခန့် ပြေးဆွဲနိုင်ကြောင်း လင်ကပြောဆိုခဲ့သည်။ အဆိုပါ ရထား၏ အမြင့်ဆုံးအရှိန်မှာ တစ်နာရီလျှင် ၄၃ မိုင်အထိ မောင်းနှင်နိုင်သည်။

ဟိုက်ဒရိုဂျင်၏ စွမ်းအင်ကို လူများအသုံးပြုနိုင်ရန် ထိန်းသိမ်း လာနိုင်ချိန်မှစ၍ ဆိုလာ (solar) ကဲ့သို့ ကမ္ဘာကြီးကို ပြောင်းလဲပစ်နိုင်ပြီး ပြန်လည်သန့်စင်နိုင်သော စွမ်းအင်တစ်မျိုးလည်း ဖြစ်လာသည်။ Sifang ၏ လျှပ်စစ်ရထားသည် စီးပွားဖြစ် ထုတ်လုပ်နိုင်ရန် အဆင်သင့် ဖြစ်နေသည့်အပြင် ကုမ္ပဏီအနေဖြင့် အခြားဟိုက်ဒရိုဂျင် စွမ်းအင်သုံးရထား စီမံကိန်းများကိုလည်း ဖန်တီးလျက်ရှိသည်။

Ref: Fastcoexist