မြန်မာအင်ဖိုတက်ခ်က ဆက်သွယ်ရေးအော်ပရေတာ အသစ်၌ ရှယ်ယာ ထည့်သွင်းမည်

IMG_6557.jpg

ရတနာပုံတယ်လီပို့ အပါအဝင် တိုင်းရင်းသားစီးပွားရေး လုပ်ငန်းရှင် အများအပြားပါဝင်သည့် ဆက်သွယ်ရေး အော်ပရေတာ အသစ်၌ မြန်မာအင်ဖိုတက်ခ်သည် အစုရှယ်ယာ ကျပ်သိန်းပေါင်း ၁ သောင်းခွဲ ထည့်သွင်းရန် စဉ်းစား ဆုံးဖြတ်ထားသည်ဟု သိရသည်။

နိုင်ငံတော်အစိုးရ၏ ပေါ်လစီအရ ပြည်တွင်းဆက်သွယ်ရေး အော်ပရေတာအရေအတွက်ကို လေးခုထားရှိရန် ဆုံးဖြတ်ထားပြီး လက်ရှိအချိန်၌ ဆက်သွယ်ရေး အော်ပရေတာသုံးခုကို လိုင်စင်ပေး အပ်ပြီး ဖြစ်သည်ဟု သိရသည်။

လိုင်စင်ပေးအပ်ရန် ကျန်ရှိနေသေးသည့် ဆက်သွယ်ရေးအော်ပရေတာတစ်ခုသည် အများပြောဆိုနေသည့် ရတနာပုံတယ်လီပို့ကုမ္ပဏီကို ပေးအပ်မည်မဟုတ်ကြောင်း၊ ရတနာပုံတယ်လီပို့ အပါ အဝင် တိုင်းရင်းသား စီးပွားရေးလုပ်ငန်းရှင်များ ပါဝင်သည့် ဆက်သွယ်ရေး အော်ပရေတာကို လိုင်စင်ပေးအပ်မည် ဖြစ်ကြောင်း ဆက်သွယ်ရေးညွှန်ကြားမှု ဦးစီးဌာနမှ ညွှန်ကြားရေးမှူး ဦးသန်းထွန်းအောင်က ပြောသည်။

လက်ရှိအချိန်၌ ဆက်သွယ်ရေး အော်ပရေတာအသစ်ကို ထူထောင်နိုင်ရန် ကော်မတီတစ်ခု ဖွဲ့စည်းပြီးစီးသည်မှလွှဲ၍ အော်ပရေတာနှင့် ပတ်သက်သည့် လုပ်ငန်းစဉ်များ လုပ်ကိုင်ဆောင်ရွက် ရသေးခြင်း မရှိ ကြောင်း၊ အသစ်ပေါ်ပေါက်လာမည့် ဆက်သွယ်ရေး အော်ပရေတာအသစ်အနေဖြင့် လက်ရှိအချိန်အထိ အဓိက ပူးပေါင်းဆောင်ရွက်ရမည့် နည်းပညာ ကုမ္ပဏီကိုလည်း ရွေးချယ် ရသေးခြင်း မရှိကြောင်း သိရသည်။

မြန်မာအင်ဖိုတက်ခ်အနေဖြင့် အများပိုင်ကုမ္ပဏီတစ်ခုဖြစ်ပြီး ၎င်းတို့၌ ပိုင်ဆိုင်ထားရှိသည့် ငွေကြေးများကို အသစ်ပေါ်ပေါက်လာမည့် ဆက်သွယ်ရေး အော်ပရေတာအသစ်၌ ပါဝင်ရင်းနှီးမြှုပ်နှံရန် ဆုံးဖြတ်ပြီးဖြစ်ပြီး အခြားသော အကျိုးအမြတ် ဖြစ်ထွန်းနိုင်မည့် နည်းပညာနှင့် ပတ်သက်သော စီးပွားရေးလုပ်ငန်းကြီးများ၌လည်း ရင်းနှီးမြှုပ်နှံမှုများ ဆက်လက်ပြုလုပ်သွားရန် စဉ်းစား ထားသည်ဟု သိရသည်။

ရတနာပုံတယ်လီပို့ကုမ္ပဏီကို ၂၀၀၃ ခုနှစ်၌ အများပိုင်အဖြစ် စတင်ဖွဲ့စည်းခဲ့ပြီး နည်းပညာနယ်ပယ်အတွက် အခြေခံအဆောက်အဦးများ ငှားရမ်းခြင်းလုပ်ငန်းဖြင့် ၁၀ နှစ်ကျော် ရပ်တည် လာခဲ့ခြင်း ဖြစ်ကြောင်း၊ အမြတ်ငွေအနေဖြင့် ၁၀ နှစ် ကြာမြင့်သည့်အထိ ရရှိခဲ့ခြင်း မရှိသော်လည်း ပြီးခဲ့သည့် ၂၀၁၄ ခုနှစ်မှ စတင်၍ အမြတ်အစွန်းများ စတင်ရရှိလာခဲ့ကြောင်း သိရသည်။