ရင့်သီးသည့် စကားအသုံးအနှုန်းများကို ဖယ်ရှားပေးမည့် feature ကို Twitter မိတ်ဆက်

11069925_10204411835795822_6980758571094810298_n.jpg

Twitter သည် ၎င်း၏ လူမှုရေးမီဒီယာအတွင်းရှိ ရင့်သီးရိုင်းစိုင်းသည့် နောက်ပြောင်မှုနှင့် သုံးစွဲသူများကို ပိတ်ပင်နိုင်ရန် feature သစ်တစ်မျိုးကို မိတ်ဆက်ခဲ့သည်။ အဆိုပါ tool သည် ရင့်သီးသည့် စကားလုံးများ ပါဝင်သည့် tweet များကို ဖယ်ထုတ်နိုင်မည် ဖြစ်သည်။

အဆိုပါ feature ကို Twitter အနေဖြင့် iOS မိုဘိုင်း app အတွက်သာ ဖြန့်ချိထားသေးပြီး အနာဂတ်တွင် နေရာအနှံ့အပြား၌ ထွက်ပေါ်လာဖွယ်ရှိသည်။ ထို့အပြင် လတ်တလောတွင် Twitter သည် Verified ပြုလုပ်ထားသော သုံးစွဲသူများကိုသာ ၎င်း feature အသုံးပြုခွင့်ပေးထားကြောင်း သိရသည်။ ၎င်း feature ၏အမည်မှာ Quality filter ဖြစ်ပြီး ခြိမ်းခြောက်မှုများ၊ စော်ကားပြောဆိုမှုများ သို့မဟုတ် ရင့်သီးရိုင်းစိုင်းသည့် အသုံးအနှုန်း၊ content အတု သို့မဟုတ် မသင်္ကာဖွယ်ရာ account များမှပေးပို့သည့် content များပါဝင်သည့် tweet များကို ပြုပြင်ကာ Twitter အရည်အသွေး တိုးတက်လာစေရန် ရည်ရွယ်ချက်ဖြင့် ဖန်တီးထားခြင်း ဖြစ်ကြောင်းသိရသည်။

သုံးစွဲသူများအနေဖြင့် အဆိုပါ tool အသုံးပြုကာ ပြုပြင်လိုက်သော tweet များကို မြင်တွေ့ရတော့မည် မဟုတ်ပေ။ ယခု feature သည် Twiitter က ဖြန့်ချိခဲ့သည့် tweet များကို report ပြုလုပ်ရ သည့် အခြား feature များနှင့် ခြားနားမှုရှိကြောင်း သိရသည်။ Twitter က အဆိုပါ feature ကို iOS တွင်အသုံးပြုနေသော verified သုံးစွဲသူအချို့အတွက် ဖြန့်ချိပေးခဲ့ကြောင်း Ars Technica သတင်းဌာနသို့ အတည်ပြုပြောကြားခဲ့သည်။

Ref: SlashGear