မိုဘိုင်းဂိမ်းများစွာ ထုတ်လုပ်ဖြန့်ချိရန် DeNA နှင့် Nintendo ပူးပေါင်း

mario.jpg

Nintendo သည် ဂျပန်ဂိမ်းကုမ္ပဏီ DeNA နှင့်ပူးပေါင်းခဲ့၍ ဂိမ်းအသစ်များစွာ ထုတ်လုပ် ဖြန့်ချိမည်ဖြစ်သလို အွန်လိုင်းဂိမ်း များကိုလည်း ဖန်တီးသွားမည် ဖြစ်ကြောင်းသိရသည်။

Nintendo နှင့် DeNA ပူးပေါင်းမှုသည် သုံးစွဲသူများကို အရည်အသွေးရှိသည့် ဂိမ်းအတွေ့အကြုံများ ပေးစွမ်းနိုင်ရန် Wii U သို့မဟုတ် Nintendo 3DS ဂိမ်းစက်အတွက် ဂိမ်းများဖန်တီးခြင်းထက် မူရင်းဂိမ်း ဇာတ်လမ်းသစ်များကို စမတ်ထုတ်ကုန် များအတွက် အဓိကဖန်တီး ပေးသွားမည် ဖြစ်ကြောင်း Nintendo မှထုတ်ပြန်ခဲ့သည်။ DeNA ကုမ္ပဏီသည် မိုဘိုင်းဂိမ်း များအတွင်း virtual item နှင့်ငွေကြေး ဝယ်ယူမှုများဖြင့် ငွေကြေးရှာဖွေသည့် freemium မိုဘိုင်းဂိမ်းများကို ဖြန့်ချိလျက်ရှိသည်။ ထို့ကြောင့် ယခုပူးပေါင်းမှုသည် Nintendo ၏ Mario နှင့် Zelda ကဲ့သို့ ဇာတ်ကောင်များ ပါဝင်သည့် မိုဘိုင်းဂိမ်း ထုတ်လုပ်သွားမည့် ခြေလှမ်းအစ ဖြစ်လာဖွယ်ရှိသည်။ Nintendo သည် ၂၀၁၄ ခုနှစ် အစောပိုင်းက 3DS ဂိမ်းတစ်မျိုး ဖြစ်သည့် freemium Steel Diver: Sub Wars ကိုစမ်းသပ် ထုတ်လုပ်ခဲ့သလို ၂၀၁၅ ခုနှစ်၌ puzzle ဂိမ်း Pokemon Shuffle ကိုလည်း ဖြန့်ချိထားသည်။

DeNA သည် ၎င်း Mobage မိုဘိုင်းဂိမ်း လူမှုအဖွဲ့အစည်းကြောင့် ထင်ပေါ် ကျော်ကြားလာပြီး Nintendo နှင့်ပူးပေါင်းမှုတွင် ၎င်းအချက်သည် အရေးပါလာမည် ဖြစ်သည်။

Ref: TheGuardian