ပြည်ပနိုင်ငံများမှ တရားမဝင် တင်သွင်းလာသော ၈ ပေစလောင်းများကို တည်ဆဲဥပဒေများနှင့်အညီ အရေးယူ

Equatorial-Satellite-Dish.jpg

ပြည်ပနိုင်ငံများမှတရားမဝင် တင်သွင်းလာသော (၈) ပေ စလောင်း၊ လိမ္မော်ရောင်ဗန်းနှင့် အမည်းရောင်ဗန်းများမှ ထုတ်လွှင့်မှုများသည် မြန်မာ့ယဉ်ကျေးမှုနှင့် မကိုက်ညီသော ဘာသာရေး ပဋိပက္ခဖြစ်စေရန် လှုံဆော်ခြင်း၊ နိုင်ငံတော်၏ အချုပ်အခြာအာဏာပိုင်ကို ထိပါးစော်ကားခြင်းများ ပါဝင်လာပါက နိုင်ငံတော်တည်ငြိမ်ရေးနှင့် အများပြည်သူလုံခြုံရေး တို့အတွက်ကို တည်ဆဲ ဥပဒေများနှင့်အညီ အရေးယူ ဆောင် ရွက်ကြီးကြပ်သွားမည်ဖြစ်ကြောင်း  ပြည်ထဲရေးဝန်ကြီးဌာန ဒုတိယ၀န်ကြီး ဗိုလ်မှူးချုပ်ကျော်ဇံမြင့်က ပြောကြားသည်။

ပထမအကြိမ်ပြည်သူ့လွှတ်တော် (၁၂) ကြိမ်မြောက်ပုံမှန် အစည်းအဝေး (၂၉) ရက်မြောက်နေ့ တွင်ပြောကြားခဲ့ခြင်းဖြစ်ကြောင်း သိရသည်။ ပြည်ပမှခိုးသွင်းလာ သည့် (၈) ပေစလောင်း၊ JPM ခေါ် လိမ္မော်ရောင်ဗန်း၊ PSI ခေါ်အမည်းရောင်ဗန်း စသည်ဖြင့် တရားမဝင် ဂြိုဟ်တုစလောင်းများနှင့်ပတ်သက်၍ မည်ကဲ့သို့အရေးယူ ဆောင်ရွက်သွားမည်ကို သိလိုခြင်းနှင့်စပ်လျဉ်း သည့် မေးခွန်းကိုဖြေကြားရာတွင် ထည့်သွင်းပြောကြားခဲ့ခြင်းဖြစ်သည်။ ပြည်ထဲရေးဝန်ကြီးဌာန ကွပ်ကဲမှုအောက်ရှိ တပ်ဖွဲ့/ဦးစီးဌာနများအနေဖြင့် ဂြိုလ်တုရုပ်မြင်သံကြားဖမ်း စက်ဆိုင်ရာ ပစ္စည်းများအား တရားမဝင် တင်သွင်းလာပါက ၂၀၁၂ ခုနှစ်၊ ပို့ကုန်သွင်းကုန်ဥပဒေဖြင့် ဖမ်းဆီးအရေးယူ ဆောင်ရွက်သွားမည်ဖြစ်ကြောင်း ကိုလည်း ထည့်သွင်း ပြောကြားခဲ့ကြောင်း သိရသည်။

နိုင်ငံတော်သို့ ကျသင့်သည့် အခွန်များတရားဝင်ပေးဆောင်၍ တည်ထောင် လုပ်ကိုင်လျက် ရှိသော ပြည်တွင်းရုပ်သံလိုင်းများကိုလည်း အကာအကွယ် ပေးနိုင်မည်ဖြစ်သည့် အပြင် ပြည်တွင်း ရုပ်သံလိုင်းများမှ ၎င်းတို့၏ နစ်နာချက်များကို တိုင်ကြားလာပါက တည်ဆဲဥပဒေများနှင့်အညီ အရေးယူဆောင်ရွက်ကာ အကာအကွယ်ပေးမှုများကိုလည်း ဆောင်ရွက်လျက်ရှိကြောင်း အစ ရှိသည်ဖြင့် ပြောကြားခဲ့ကြောင်း သိရသည်။

ဆက်သွယ်ရေးပစ္စည်းများ ပြည်ပမှတင်သွင်းခြင်းနှင့် ပတ်သက်၍ ဆက်သွယ်ရေးမူဝါဒဆိုင်ရာ ကြီးကြပ်မှုလုပ်ငန်းကော်မတီကို တင်ပြခွင့်ပြုချက်နှင့် ဆက်သွယ်ရေးညွှန်ကြားမှု ဦးစီးဌာန ၏ ထောက်ခံချက် ထုတ်ပေးသော ဆက်သွယ်ရေး စက်ပစ္စည်းများ စာရင်းတွင် ပါဝင်သော ဂြိုလ်တုရုပ်မြင်သံကြားဖမ်း (၈) ပေစလောင်း၊ JPM ခေါ်လိမ္မော်ရောင်ဗန်း၊ PSI ခေါ် အမည်းရောင် ဗန်းတို့ကို စီးပွားရေးနှင့် ကူးသန်းရောင်း ဝယ်ရေးဝန်ကြီးဌာနသို့ လုပ်ထုံးလုပ်နည်းနှင့် အညီ သွင်းကုန်လိုင်စင် လျှောက်ထား၍ ဝယ်ယူ တင်သွင်းနိုင်ကြောင်း၊ ရှမ်းပြည်နယ်၊ တာချီလိတ်နယ်စပ် အမှတ်(၁) ချစ်ကြည်ရေးတံတားတွင် ထိုင်းနိုင်ငံဘက်မှ တင်သွင်းလာ သော ဂြိုလ်တုရုပ်မြင်သံကြားဖမ်းစက်များဖြစ်သည့် (၈) ပေစလောင်း၊ လိမ္မော်ရောင်ဗန်း၊ အမည်းရောင်ဗန်းတို့ကို အခြား လူသုံး ကုန်ပစ္စည်းများနှင့်အတူ အခွန်သုံးရာခိုင်နှုန်း ကောက်ခံ၍လည်း ရှမ်းပြည်နယ် အစိုးရမှ တင်သွင်းခွင့်ပြုလျက် ရှိသည်ကိုလည်း သိရှိရကြောင်း အစရှိသည်တို့ကိုလည်း ထည့်သွင်း ပြောကြားခဲ့သည်ဟု သိရသည်။