နည်းပညာလုပ်ငန်းငယ်များ စတင် လည်ပတ်နိုင်ရေး MCC က ငွေကြေး ထောက်ပံ့ပေးရန် စီစဉ်

Update-News_5.jpg

Myanmar Computer Company (MCC) သည် စွန့်ဦးတီထွင် လုပ်ငန်းများ ပေါ်ထွက်လာစေရန် ရည်ရွယ်၍ နည်းပညာလုပ်ငန်းငယ်များ စတင်လည်ပတ်နိုင်ရန် ငွေကြေးထောက်ပံ့ပေး သွားမည်ဖြစ်ကြောင်း ကုမ္ပဏီ စီအီးအိုဖြစ်သူ ဒေါ်ချောခင်ခင်က ပြောသည်။

”စွန့်ဦးတီထွင် လုပ်ကိုင်ချင်သူတွေ၊ ပိုင်အိုးနီးယားဖြစ်ချင်သူတွေကို လုပ်ငန်းလည်ပတ်နိုင်ဖို့အတွက် စတင်ထောက်ပံ့ပေးမယ်ဆိုတဲ့ သဘောပါ။ အများကြီးရယ်လို့ မဟုတ်ပေမယ့် နောက်ပိုင်း မှာ ပြည်တွင်းက ကုမ္ပဏီကြီးတွေကလည်း ၀င်ရောက်ရင်းနှီးမြှုပ်နှံ သွားတာမျိုးလည်း ဖြစ်လာနိုင်တာပဲ” ဟု ဒေါ်ချောခင်ခင်က ဆိုသည်။

နည်းပညာလုပ်ငန်းငယ်များ စတင်နိုင်ရန် ငွေကြေးမည်မျှ ထောက်ပံ့ပေးသွားမည်ကို MCC အနေဖြင့် ထုတ်ပြန်ပြောဆိုခြင်း မရှိသော်လည်း အိုင်ဒီယာ အပေါ်မူတည် ရွေးချယ်ဆောင်ရွက် သွားမည်ဟု ဒေါ်ချောခင်ခင်က ဆိုသည်။

MCC အနေဖြင့် လက်ရှိအချိန်၌ အက်ပလီကေးရှင်းပြပွဲများကို ကျင်းပပေးခဲ့ပြီး နောက်ပိုင်းအစီအစဉ်များအနေဖြင့် ပြိုင်ပွဲများကိုလည်း ဆက်လက်ပြုလုပ်သွားမည်ဖြစ်ကြောင်း ထောက်ပံ့ငွေပေး အပ်မည့် နည်းပညာလုပ်ငန်းငယ်များ ရွေးချယ်ခြင်းကိုမူ အဆိုပါအစီအစဉ်များ၏ နောက်ဆက်တွဲ အစီအစဉ်အနေဖြင့် လုပ်ကိုင်သွားမည်ဖြစ်ကြောင်း သိရသည်။

နည်းပညာနှင့် ပတ်သက်၍ စွန့်ဦးတီထွင်လုပ်ငန်းများ လုပ်ကိုင်ကြမည့် လူငယ်များကို မြန်မာနိုင်ငံ ကွန်ပျူတာအသင်းချုပ်မှ ဦးစီး၍ ရုံးခန်းတည်နေရာများ ချထားပေးနိုင်ရန်လည်း စီစဉ်လျက်ရှိ သည်ဟု သိရသည်။