ဆင်းမ်ကတ် ၁.၇ သန်းခန့် အင်တာနက် အသုံးပြုနေသည်ဟု Telenor မှ သတင်း ထုတ်ပြန်

IMG_7367.jpg

၂၀၁၄ ခုနှစ် စက်တင်ဘာလ မှစတင်၍ မြန်မာနိုင်ငံ၌ မိုဘိုင်းဆင်းမ်ကတ်များ စတင်ရောင်းချပေးခဲ့သည့် နော်ဝေအခြေစိုက် Telenor ကုမ္ပဏီသည် ၎င်းတို့၏ ဆင်းမ်ကတ်ဖြင့် လူဦးရေ ၁.၇ သန်းခန့် မြန်မာနိုင်ငံ၌ အင်တာနက် အသုံးပြုနေသည်ဟု သတင်းထုတ်ပြန်ခဲ့သည်။

၂၀၁၄ ခုနှစ် ဒီဇင်ဘာလအထိ Telenor ၏ မိုဘိုင်းဖုန်းလိုင်း အသုံးပြုသူသည် ၃.၄ သန်းရှိခဲ့ပြီး အဆိုပါ မိုဘိုင်းဖုန်းလိုင်း အသုံးပြုသူများအနက်မှ လူဦးရေ ၁.၇ သန်းခန့်သည် အသံခေါ်ဆိုမှုအပြင် အင်တာနက်စနစ်ကိုပါ ပူးတွဲအသုံးပြုခဲ့ကြသည်ဟု သိရသည်။

Telenor ၏ ထုတ်ပြန်ချက်အရ ၎င်းတို့သည် မြို့နယ်ပေါင်း ၁၂၆ မြို့နယ်၌ ကွန်ရက်လွှမ်းခြုံထားပြီး ဈေးကွက်အတွင်းသို့ ဆင်းမ်ကတ်အရေအတွက် ၄.၅ သန်း ဖြန့်ချိ ထားသည်ဟု သိရသည်။ ၎င်းတို့အနေဖြင့် မိုဘိုင်းဖုန်း အင်တာနက်စနစ်အတွက် ယခင်က အင်တာနက် ဆက်ကြောင်းများကို ငှားရမ်းအသုံးပြု နေခဲ့သော်လည်း ၂၀၁၅ ခုနှစ် ဖေဖော်ဝါရီလမှ စတင်၍ ကိုယ်ပိုင် အင်တာနက်ဆက်ကြောင်းကို ချိတ်ဆက် နိုင်ခဲ့သည်ဟုလည်း သိရ သည်။

ထိုင်းနိုင်ငံဘက်မှ ကိုယ်ပိုင် အင်တာနက်ဆက်ကြောင်းကို Telenor က ၎င်းတို့၏ မိုဘိုင်းဖုန်းလိုင်း အသုံးပြုသူ ချိတ်ဆက်ခဲ့ခြင်းဖြစ်ပြီး Bandwidth ပမာဏမှာ 10 GB ရှိသည်ဟု သိရသည်။ ၂၀၁၅ ခုနှစ်၌ နိုင်ငံအတွင်းရှိ မြို့ နယ်အားလုံး၏ ၉၀ ရာခိုင်နှုန်းကို ကွန်ရက်လွှမ်းခြုံနိုင်မည်ဟု ခန့်မှန်းထားသည့် Telenor သည် လစဉ် ဆင်းမ်ကတ် အရေအတွက် ၁.၅ သန်းကိုလည်း ဈေးကွက် အတွင်း ဖြန့်ချိပေးသွားမည်ဟု ကတိပြုပြောဆိုထားသည်။

ပြည်တွင်း၏ တယ်လီကွန်းဈေးကွက်ကို ယခင်ကတည်းက လက်ဦးမှု ရရှိထားပြီးဖြစ်သည့် မြန်မာ့ ဆက်သွယ်ရေးလုပ်ငန်း၌ မိုဘိုင်းဖုန်း အသုံးပြုသူ အရေအတွက် ၁၁.၆ သန်းခန့် တည်ရှိနေပြီး အဆိုပါ အရေအတွက် အနက်မှ လူဦးရေ ၃ သန်းခွဲခန့်သည် အသံခေါ် ဆိုမှုအပြင် အင်တာနက်စနစ်ကိုပါ တွဲဖက်အသုံးပြုနေကြသည်ဟု သိရသည်။

Bandwidth ပိုင်ဆိုင်မှုအနေဖြင့် မြန်မာ့ဆက်သွယ်ရေးလုပ်ငန်းသည် 32.32 GB ရှိသည်ဟု သတင်းထုတ်ပြန် ထားသော်လည်း ပြည်တွင်း၏ မိုဘိုင်းဆက်သွယ်ရေး အော်ပရေတာ တစ်ခုဖြစ်သော Ooredoo သည် အဆိုပါ သတင်းများနှင့် ပတ်သက်၍ ထုတ်ပြန်ကြေညာခဲ့ခြင်း မရှိပေ။