စတုတ္ထတန်းနှင့် အဋ္ဌမတန်း အောင်စာရင်းကို Grade အဆင့်ဖြင့် သတ်မှတ်ထုတ်ပြန်မည်

umkfoundationyolasitecom.jpg

စတုတ္ထတန်းနှင့် အဋ္ဌမတန်း အတန်းတင်စာမေးပွဲ ဘာသာရပ် အောင်စာရင်းများကို Grade အဆင့် သတ်မှတ်ကာ ထုတ်ပြန်သွားမည်ဖြစ်ကြောင်းသိရသည်။

လာမည့် စတုတ္ထတန်းနှင့် အဋ္ဌမတန်း အတန်းတင်စာမေးပွဲများ အောင်စာရင်း ထုတ်ပြန်ရာတွင် ဘာသာရပ် အလိုက် ရမှတ်များပေါ် မူတည်ပြီး Grade အဆင့် သတ်မှတ်ထုတ်ပြန်သွားမည်ဟု အမှတ် ၃၊ အခြေခံပညာ ဦးစီးဌာနမှ တာဝန်ရှိသူတစ်ဦးက ပြောသည်။

အောင်စာရင်း ထုတ်ပြန်ရာတွင် ရမှတ် ၈၀ မှ ၁၀၀ အတွင်းကို Grade A ၊ ရမှတ် ၆၀ မှ ၇၉ မှတ်အတွင်း ရရှိလျှင် Grade B ၊ ရမှတ် ၄၀ မှ ၅၉ မှတ် ရရှိလျှင် Grade C နှင့် ရမှတ် ၃၉ မှတ်အောက်ကို Grade D ဟူ၍ သတ်မှတ်ထုတ်ပြန်သွားမည် ဖြစ်ကြောင်း သိရသည်။

Grade D ရရှိသည့် ကျောင်းသား၊ ကျောင်းသူများအနေဖြင့် စာမေးပွဲကို ပြန်လည် ဖြေဆိုရမည်ဖြစ်ပြီး အတန်းတင်စာမေးပွဲ ဖြေဆိုကြသော စတုတ္ထတန်းနှင့် အဋ္ဌမတန်း ကျောင်းသား၊ ကျောင်းသူ များ အနေဖြင့် ဘာသာစုံအောင်မှတ် တစ်ဘာသာ အနည်းဆုံး ရမှတ် ၄၀ ရရှိရမည် ဖြစ်သည်။

Grade D အဆင့် ဘာသာရပ်များအတွက် မေလအတွင်း ပြန်လည် သင်ကြားပေးကာ စာမေးပွဲ ပြန်လည် ဖြေဆိုရမည် ဖြစ်ကြောင်း သိရသည်။