လူကြည့်အများဆုံး ဝက်ဘ်ဆိုက် ၅၀ တွင် ပြည်တွင်း ဝက်ဘ်ဆိုက် ၇ ခုသာ ပါဝင်

Update-News_5.jpg

မြန်မာနိုင်ငံ၌ လူကြည့်အများဆုံးသော ဝက်ဘ်ဆိုက် ၅၀ စာရင်းကို Similarweb.com မှ ထုတ်ပြန်ကြေညာပေးခဲ့ကြောင်း၊ အဆိုပါစာရင်းအရ ဝက်ဘ်ဆိုက် ၅၀ တွင် ပြည်တွင်းဝက်ဘ်ဆိုက် ၇ ခုသာ ပါဝင်သည်ဟု သိရသည်။

Similarweb.com သည် ကမ္ဘာပေါ်၌ ဝက်ဘ်ဆိုက်အသုံးပြုခြင်း အရေအတွက်ကို တွက်ချက်ပေးနေခြင်း ဖြစ်ပြီး အသုံးပြုမှု အများဆုံးသော ဝက်ဘ်ဆိုက်များကို သုံးလလျှင်တစ်ကြိမ် ထုတ်ပြန်ပေးလေ့ ရှိသည်ဟု သိရသည်။

ယခင်သုံးလအကြာ စစ်တမ်း၌ ပြည်တွင်း၏ အသုံးပြုမှု အများဆုံးသော ဝက်ဘ်ဆိုက် ၅၀ တွင် ဒေသတွင်းမှ ဝက်ဘ်ဆိုက် ၁၀ ခု ပါဝင်ခဲ့သော်လည်း ယခုအခါ ၇ ခုသာ ပါဝင်ခဲ့သည့် အတွက် ပြည်တွင်း ဝက်ဘ်ဆိုက်များအပေါ် စိတ်ဝင်စားမှုနှုန်း လျော့ကျလာခြင်းဖြစ်သည်ဟု သိရသည်။

Similarweb.com မှ ယခုတစ်ကြိမ် ထုတ်ပြန်သည့် အသုံးပြုမှု အများဆုံးသော ပြည်တွင်းဝက်ဘ်ဆိုက် ၇ ခုတွင် သတင်းဝက်ဘ်ဆိုက်နှင့် ဝန်ဆောင်မှုဝက်ဘ်ဆိုက်တို့ ပါဝင်ကြောင်းသိရသည်။

ထို့အပြင် လူသုံးအများဆုံး ထိပ်တန်းဝက်ဘ်ဆိုက် ၅၀ ၌ Google.com က ပထမနေရာတွင်ရှိနေပြီး facebook.com က ဒုတိယနေရာတွင် ရပ်တည်လျက်ရှိကြောင်း သိရသည်။