၂၀၁၄ ခုနှစ် LCD TV တင်ပို့ရောင်းချမှုတွင် Samsung နှင့် LG ဦးဆောင်ခဲ့

10991247_10152729672842825_7729489324688745867_n.jpg

၂၀၁၄ ခုနှစ် LCD TV တင်ပို့ရောင်းချမှုတွင် Samsung နှင့် LG တို့သည် ကမ္ဘာ့ဈေးကွက်ရှယ်ယာ ၂၂.၈ ရာခိုင်နှုန်းနှင့် ၁၄.၉ ရာခိုင်နှုန်း အသီးသီး ပိုင်ဆိုင်ခဲ့ကြောင်း Witsview သုတေသနအဖွဲ့မှ အစီရင်ခံစာ တစ်ရပ်တွင် ဖော်ပြခဲ့သည်။

အဆိုပါ ကုမ္ပဏီနှစ်ခု၏ LCD TV တင်ပို့ရောင်းချမှုသည် ယမန်နှစ်ထက် မြင့်တက်လာခဲ့ခြင်း ဖြစ်သည်။ Samsung နှင့် LG တို့၏ တင်ပို့ရောင်းချမှုသည် ၂၀၁၃ ခုနှစ်တွင် ၁၄.၅ ရာခိုင်နှုန်းနှင့် ၁၄.၇ ရာခိုင်နှုန်း အသီးသီးရှိခဲ့သည်။

LCD TV တင်ပို့ရောင်းချမှုသည် ၂၀၁၄ ခုနှစ်တွင် ၅.၄ ရာခိုင်နှုန်း မြင့်တက်ခဲ့ပြီး အရေအတွက်အားဖြင့် စုစုပေါင်း ၂၁၅ သန်းရှိခဲ့သည်။ မြောက်အမေရိက၏ စီးပွားရေး ပြန်လည်ကောင်းမွန်လာခြင်းနှင့် သုံးစွဲသူများ၏ TV အဟောင်းများနှင့် plasma display များတွင် အစားထိုးမှုတို့ကြောင့် ဈေးကွက်ရှယ်ယာ မြင့်တက်လာရခြင်းဖြစ်ကြောင်း ဆိုသည်။

ကမ္ဘာ့ဈေးကွက်ရှယ်ယာတွင် Sony က အရေအတွက် ၁၄.၆ သန်းဖြင့် တတိယနေရာ၌ ရပ်တည်ခဲ့သည်။ တရုတ်ကုမ္ပဏီများ ဖြစ်သော TCL, Hisense, Skyworth နှင့် Konka တို့မှာ ထိပ်ဆုံး ၁၀ ခုစာရင်းတွင် ပါဝင်ခဲ့သည်။ ထို့အပြင် ကယ်လီဖိုးနီးယား အခြေစိုက် Vizio မှာလည်း ဈေးကွက်ရှယ်ယာ ၃.၅ ရာခိုင်နှုန်းဖြင့် အဆင့် ၈ တွင် လည်းကောင်း၊ ဂျပန်၏ Sharp မှာ ၃.၄ ရာခိုင်နှုန်းဖြင့် အဆင့် ၁၀ တွင်လည်းကောင်း ရပ်တည်နိုင်ခဲ့သည်။

Ref: CNET