မြန်မာဆော့ဖ်ဝဲနှင့် မိုဘိုင်း App များ တစ်နေရာတည်း မြင်တွေ့ရမည့် AppExpo 2015

appexpo_logo1.jpg

AppExpo 2015 ကို ဖေဖော်ဝါရီလ ၁၉ နှင့် ၂၀ ရက်နေ့များတွင် ရန်ကုန်မြို့ MICT park အတွင်းရှိ ပင်မဆောင်တွင် ကျင်းပသွားမည်ဖြစ်ကြောင်း သိရသည်။

AppExpo ဆိုသည်မှာ ယခုမှစတင်သည့်  မြန်မာ software house များ၊ developer များ၏ ထုတ်ကုန်သစ်၊ စိတ်ကူးသစ်များ ကို လူထု၊ မီဒီယာ၊ ဈေးကွက်၊ ရင်းနှီးမြှုပ်နှံလိုသူများနှင့် ပေါင်း  ကူးပေးရန်၊ မိတ်ဆက်ပေးရန်၊ တိုးတက်လာစေရန်ရည်ရွယ်ထားသည့် Software and mobile apps ပြပွဲသီးသန့်ဖြစ်ကြောင်း ဆိုထားသည်။ “လက်ရှိအချိန်မှာ AppExpo 2015 အဖြစ် တတိယအကြိမ် ပြုလုပ်ကျင်းပတော့မှာဖြစ်ပြီး ၂ နှစ်ဆက်တိုက် ရယူထားတဲ့ အောင်မြင်မှုတွေကို ဆက်လက်ထိမ်းသိန်းသွားနိုင်ဖို့အတွက် မျက်နှာသစ် လူငယ်တွေ လုပ်ငန်းတွေ ရဲ့ထုတ်ကုန်သစ်တွေကို ဆက်လက် စုစည်းပြသသွားမှာဖြစ်ပါတယ်။ အထူးသဖြင့် အင်အားကြီးမားတဲ့ IT လုပ်ငန်း တွေရဲ့ထုတ်ကုန်တွေရဲ့ဖြစ်ပေါ်တိုးတက်မှုတွေကိုလဲ တပါတည်းပေါင်း စပ်လေ့လာ နိုင်ဖို့အပြင် အသစ် အသစ်သော ထုတ်ကုန်သစ်တွေနဲ့လည်းကောင်းတို့ရဲ့ စွမ်းဆောင်ရည်တွေ၊ ကိုယ့်ရဲ့နေ့ စဉ်ဘ၀ရဲ့အစိတ်အပိုင်းတွေကို ဘယ်လို ပံ့ပိုးနိုင်မယ်ဆိုတဲ့ အကြောင်းတွေကိုလေ့လာရနိုင်ဖို့ပါ” ဟု AppExpo 2015 မှတာဝန်ရှိသူ ကပြောကြားသည်။

“ဘီလီယံဒေါ်လာ စိတ်ကူးတွေရဲ့စတင်ရာ၊ တီထွင်ဖန်တီးမှုတို့အတွက် အားပြုရာ၊ ရိုးသားတဲ့ စိတ်ကူးစိတ်သန်းတွေအတွက် အကောင်းဆုံး ပြသရာ ပြပွဲတစ်ခုအဖြစ် မြန်မာလူထုကို တစ်စိတ် တစ်ပိုင်း အကျိုးပြုနိုင်ဖို့အတွက်၊ industry attention ရရှိစေဖို့ အားထုတ်ကြိုးပမ်းသွားမှာ ဖြစ်ပါတယ်” ဟုဆက်လက်ပြောကြားသည်။  AppExpo ပြပွဲများကို YangonHeartz Media မှ ၂၀၁၃ ခုနှစ်မှစတင်ပြီး စီစဉ်ကျင်းပလာခဲ့ခြင်းဖြစ်သည်။