ဂျပန်နှင့် ပူးပေါင်း၍ မော်တော်ကား နည်းပညာ ဒီပလိုမာ တန်းခွဲသစ်များ ဖွင့်လှစ်မည်

OIST-Car-wrokshop.jpg

ဂျပန်နိုင်ငံမှ OIST (Okayama Institute of Science and Technology) နှင့် မြန်မာနိုင်ငံမှ Glory Career Training Centre တို့ ပူးပေါင်းကာ မော်တော်ကား နည်းပညာ ဒီပလိုမာ တန်းခွဲသစ်များကို ဆက်လက် ဖွင့်လှစ်သွားမည်ဖြစ်ကြောင်း သိရသည်။

သင်တန်းအပတ်စဉ် (၁) အဖြစ် မြန်မာကျောင်းသားများနှင့် မြန်မာဆရာများကို ဂျပန်ဆရာများမှ လေ့ကျင့်သင်ကြားပေးနေပြီး ၂၀၁၅ ခုနှစ် ဧပြီလတွင် နောက်ထပ်တန်းခွဲများ ဖွင့်လှစ်ရန် စီစဉ် နေကြောင်း သိရသည်။ အဆိုပါ သင်တန်းသည် သင်တန်းကာလ တစ်နှစ်ကြာမြင့်ကာ ဂျပန်နိုင်ငံ  ကုန်းလမ်းသယ်ယူပို့ဆောင်ရေး ဌာန၏ Third Class  အဆင့် သင်ရိုးညွှန်းတမ်းနှင့် Text Book များကို အသုံးပြုကာ သင်ကြားသွားမည် ဖြစ်ကြောင်း သိရသည်။

သင်တန်းတွင် စာတွေ့ ၄၀ ရာခိုင်နှုန်း၊ လက်တွေ့ ၆၀ ရာခိုင်နှုန်း စနစ်ဖြင့် ဂျပန်စံချိန်စံညွှန်းအတိုင်း တည်ဆောက်ထားသော အဆင့်မီ Workshop တွင် လက်တွေ့ပိုင်းကို လေ့ကျင့် သင်ကြား ရမည် ဖြစ်သည်။ သင်တန်းကာလအတွင်း ဂျပန်ဆရာနှင့် မြန်မာဆရာများ ပူးပေါင်းသင်ကြားပေးပြီး ဂျပန်နိုင်ငံ OIST မှ လာရောက်စာမေးပွဲ စစ်ဆေးကာ အောင်မြင်သူများကို အဆိုပါ ဂျပန်နည်းပညာတက္ကသိုလ်မှ ဒီပလိုမာအဆင့် အောင်လက်မှတ်ကို ချီးမြှင့်မည်ဖြစ်ကြောင်း သိရသည်။

သင်ကြားရမည့်အပိုင်းတွင် မော်တော်ကား တစ်စီးလုံးအ ကြောင်းပါဝင်ပြီး သင်ယူရမည့် ဘာသာရပ်များမှာ Disel Engine, Gasoline Engine, Chassis, Electrical and Electronic System, Maintenance တို့ ပါဝင်သည်။ သင်ခန်းစာများတွင် အခြေခံမှ စတင်သင်ကြားပေးပြီး အဆင့်မြင့်ကားများအကြောင်း အတိုင်းအတာတစ်ခုအထိ ပါဝင်မည်ဖြစ်သည်။ အဆိုပါ သင်တန်း ပြီးလျှင် ပြည်တွင်း၊ ပြည်ပ လုပ်ငန်းခွင်သို့ ဝင်ရောက်နိုင်သကဲ့သို့ ဘွဲ့အဆင့်ရှိ အဆင့်မြင့်ပညာရပ်များ ဆက်လက် သင်ယူလိုပါက ဂျပန်နိုင်ငံ OIST တွင် ဒုတိယနှစ်မှ စတင် တက်ရောက်ခွင့်ရမည် ဖြစ်သည်။

ယခုအခါ မြန်မာနိုင်ငံတွင် ကားစက်ရုံနှင့် ကားဆားဗစ်စင်တာများ ဖွင့်လှစ်ရန်ရှိသော Toyota, Nissan, Suzuki အပါအဝင် အခြားဂျပန်ကုမ္ပဏီများမှ  Glory သို့ လာရောက်ကာ သင်တန်းဆင်း သူများကို အလုပ်ခန့် ထားနိုင်မည့် အခြေအနေများအား မေးမြန်းဆွေးနွေးလျက်ရှိကြောင်း သိရသည်။ ထို့အပြင် ဂျပန်နိုင်ငံတွင်လည်း လူဦးရေ လျော့ပါးလာမှုနှင့်အတူ မော်တော်ကားပိုင်းဆိုင်ရာ ကျွမ်းကျင်သူများ ရှားပါးလာသောကြောင့် Glory မှ သင်တန်းပြီးသူများကို ထပ်မံလေ့ကျင့်ပေးကာ ထူးချွန်သူများကို ဂျပန်သို့ ခေါ်ယူခန့်ထားရန် စိတ်ဝင်စားလျက် ရှိသည့်အပြင် OIST အနေဖြင့် ထူးချွန် မြန်မာကျောင်းသားများကို ဂျပန်သို့ လေ့လာရေးခရီး ခေါ်ယူရန်နှင့် ကျောင်းဆက်တက်လိုသူ များအတွက် ပညာသင်ဆုများ ရွေးချယ်ပေးအပ်ရန် စီစဉ်ထားရှိကြောင်း သိရသည်။

စိတ်ပါဝင်စားသူများသည် GLORY Career Training Centre အမှတ် ၁၃၈/၁၄၀ ဒုတိယထပ်၊ ပန်းဆိုးတန်းနှင့် မဟာဗန္ဒုလလမ်းထောင့် ကျောက်တံတားမြို့နယ်၊ ရန်ကုန်မြို့၊ ဖုန်း-၀၉-၅၁၉၇ ၈၁၇၊ ၀၉-၇၃၁၂၁၇၁၇ သို့ ဆက်သွယ်နိုင်သည်။