ထိုင်းတော်ဝင်အစိုးရ မှ ထောက်ပံ့သော ပညာသင်ဆု

MIT.jpg

ထိုင်းနိုင်ငံရှိ Asian Institute of Technology (AIT) တွင် ထိုင်းနိုင်ငံနှင့် အခြားအာရှနိုင်ငံများမှ ထူးချွန် ကျောင်းသား၊ ကျောင်းသူများအတွက် ပညာသင်ကြားနိုင်စေရန် ထိုင်းတော်ဝင်အစိုးရ (RTG) မှ ထောက်ပံ့သော မဟာဘွဲ့ ပညာသင်ဆု ချီးမြှင့်မည်ဖြစ်ပြီး ဖေဖော်ဝါရီလ ၂၇ ရက် နောက်ဆုံးထား၍ လျှောက်ရမည်ဖြစ်သည်။

ပညာသင်ဆုတွင် မဟာဘွဲ့အထိ ၂၂ လတာ ကာလပတ်လုံး ကျောင်းဝင်းအတွင်း နေထိုင်ခွင့်နှင့် ကျောင်း လခကြေး၊ နေထိုင် စားသောက်စရိတ်များကိုပါ ပေးအပ်သွားမည် ဖြစ်သည်။ မည်သည့် အာရှတိုက်သားမဆို အရည်အသွေးပြည့်မီသော ထူးချွန်သူများကို ပညာသင်ဆု ရာနှုန်းပြည့် ချီးမြှင့်သွားမည်ဖြစ်သည်။

လျှောက်ထားသူသည် အသိအမှတ်ပြုတက္ကသိုလ်မှ သက်ဆိုင်ရာဘာသာရပ်ဖြင့် လျှောက်ထားသူ ဖြစ်ရမည်။ GPA 3.5 နှင့်အထက် ရရှိထားသူဖြစ်ရမည်။ အင်္ဂလိပ်ဘာသာစကား ကျွမ်းကျင်ရ မည့်အပြင် TOEFL 550 သို့မဟုတ် တူညီသောအဆင့် ဖြစ်ရမည်ဖြစ်သည်။ AIT ဘာသာစကားစင်တာမှ ကြီးမှူးကျင်းပသော အင်္ဂလိပ်စာ အစမ်းစာမေးပွဲကိုလည်း ဖြေဆိုရမည်ဖြစ်သည်။

အဆိုပါပညာသင်ဆုသည် အာရှနိုင်ငံများရှိ နယ်ပယ် ပေါင်းစုံမှကျောင်းသား၊ ကျောင်းသူများအား နိုင်ငံတကာ ကျောင်းဝင်းအတွင်း လေ့လာရင်း တစ်ပြိုင်နက် သုတေသနလုပ်ငန်းများ ပြု လုပ်နိုင်စေရန်၊ အာရှတိုက်သားအချင်းချင်း နားလည်မှုရရှိစေရန် ထောက်ပံ့ပေးခြင်းဖြစ်သည်။

အသေးစိတ် အချက်အလက်များကို http://www.ait.ac.th/admissions/Current_Scholarships/royal-thai-government/#.VNQrqy5qCSp တွင် ဝင်ရောက် လေ့လာနိုင်သည်။