စီးပွားရေးလုပ်ငန်းများအတွက် အင်တာနက်ဘဏ်စနစ်အား သမဝါယမဘဏ် မိတ်ဆက်

10978678_10204142602425156_3231098443075983150_n.jpg

စီးပွားရေးလုပ်ငန်းသုံး အင်တာနက်ဘဏ်စနစ် (Business Internet Banking) ကို သမဝါယမဘဏ်မှ စတင်မိတ်ဆက်လိုက်သည်။

အဆိုပါ ဝန်ဆောင်မှုမှာ ကုမ္ပဏီအဖွဲ့အစည်းများ အနေဖြင့် ကုမ္ပဏီ၏ ငွေစာရင်းများကို ရာထူးအဆင့်အလိုက် စီမံခန့်ခွဲနိုင်ခြင်း၊ အင်တာနက်ရရှိနိုင်သော နေရာဒေသမှ အချိန်မရွေး ဆောင် ရွက်နိုင်ခြင်း၊ ဝင်ငွေ ထွက်ငွေ စာရင်းများကို အလွယ်တကူကြည့်ရှုနိုင်ခြင်း၊ အခြားနိုင်ငံခြား ဘဏ်များအား အချိန်ကုန်သက်သာစွာဖြင့် ငွေလွှဲပို့နိုင်ခြင်း (non trade) တို့အား ဆောင် ရွက်နိုင်မည်ဖြစ်ကြောင်း သမဝါယမဘဏ်၏ အမှုဆောင် အရာရှိချုပ် ဦးကျော်လင်းက ပြောသည်။

“CB ဘဏ်မှာ စာရင်းတစ်ခုရှိရုံနဲ့ Business Internet Banking ကို CB ဘဏ် ဝက်ဘ်ဆိုက်ကနေတစ်ဆင့် ဝင်ရောက်ဆောင်ရွက်နိုင်မှာ ဖြစ်ပါတယ်” ဟု ဦးကျော်လင်းကပြောသည်။

အဆိုပါ Business Internet Banking မှာ အင်တာနက်ကို အခြေခံထားပြီး ကွန်ပျူတာ၊ မိုဘိုင်းဖုန်း၊ Tablet၊ Smart TV များအပြင် အခြား Electronic Device များတွင်ပါ အသုံးပြုနိုင် မည်ဖြစ်ကြောင်း သိရသည်။ “One Time Password (OTP) နဲ့ သုံးစွဲမှာဖြစ်လို့ လုံခြုံမှုပိုင်းဆိုင်ရာမှာ စာရင်းပိုင်ရှင်ကို အပြည့်အဝ ကာကွယ်ပေးမှာဖြစ်ပါတယ်” ဟု ပြောကြားသည်။

Business Internet Banking ကို အသုံးပြုခြင်းအားဖြင့် ကုမ္ပဏီရှိ ငွေလက်ကျန်ကို ၂၄ နာရီ စစ်ဆေးနိုင်ခြင်း၊ ကုမ္ပဏီငွေစာရင်းမှ ငွေပေးချေလိုသူများအား ကြိုတင်ငွေချေထားနိုင်ခြင်း၊ ကုမ္ပဏီငွေ စာရင်းမှ ငွေပေးချေလိုသူများအား အချိန်ကာလ သတ်မှတ်၍ Standing Order များ ပြုလုပ်နိုင်ခြင်းတို့ ဆောင်ရွက်နိုင်မည်ဖြစ်ကြောင်း သိရသည်။ ယင်းအပြင် ကုမ္ပဏီချေးငွေစာရင်း၊ စာရင်းသေအပ်ငွေများအားကြည့်ရှုနိုင်ခြင်း၊ ဝန်ထမ်းလစာ ပေးခြင်းဆိုင်ရာ ကိစ္စရပ်များ၊ Import လုပ်ငန်းအတွက် ငွေလွှဲပေးပို့ခြင်းအပြင် ကုန်သွယ်မှုမဟုတ်သော ကိစ္စရပ်များ အတွက် ငွေ လွှဲပေးပို့ခြင်း၊ အီမေးလ်၊ စာတိုပို့စနစ်တို့ဖြင့် ကုမ္ပဏီစာရင်း၏လုပ်ဆောင်ချက်များကို ရယူစောင့်ကြည့်နိုင်ခြင်း အစရှိသည်တို့ဆောင်ရွက်နိုင်မည်ဖြစ်ကြောင်း သိရသည်။

အဆိုပါစနစ်ကို ဖေဖော်ဝါရီလ ၁၁ ရက်တွင် စတင်မိတ်ဆက်ခဲ့ခြင်းဖြစ်ပြီး Business Internet Banking အသုံးပြုရန် လုပ်ငန်းများ၏ လိုအပ်ချက်နှင့် ကိုက်ညီမည့် package များကို ရွေးချယ်အသုံးပြုနိုင်ရန် ဆောင်ရွက် ထားကြောင်း ဆိုသည်။