တောင်သူများ ကြုံတွေ့ရသည့် အခက်အခဲများကို ဖုန်းဖြင့် ဆက်သွယ် မေးမြန်းနိုင်ရန် ဆောင်ရွက်ထား

10928995_10205703227561140_470230868676675751_n.jpg

တောင်သူများ ကြုံတွေ့ရသည့် အခက်အခဲများကို ဖုန်းဖြင့် ဆက်သွယ်မေးမြန်းနိုင်ရန် ဆောင်ရွက်ထားကြောင်း ပထမအကြိမ် ပြည်သူ့လွှတ်တော် (၁၂) ကြိမ်မြောက် ပုံမှန်အစည်းအဝေး (၁၅) ရက်မြောက်နေ့ ကျင်းပရာမှ သိရသည်။

လက်ရှိတွင် မိုဘိုင်းဖုန်းများကို ဝန်ထမ်းများနှင့် တောင်သူများပါ သုံးစွဲလာနိုင်၍ တောင်သူများမှ ၎င်းတို့တွေ့ကြုံရသော မျိုးစေ့လိုအပ်ချက်များ၊ ပိုးမွှား ရောဂါပြဿနာ များ၊ ဈေးကွက် သတင်းများ၊ ရေရ ရှိရေး လုပ်ငန်းများ၊ ရေကြီးခြင်း လုပ်ငန်းများ၊ မြေပြုပြင်ရေးအတွက် ထွန်စက်လိုအပ်ချက်များကို လက်ကိုင်ဖုန်းများနှင့် မေးမြန်းခြင်း၊ ဖြေကြားခြင်းတို့ကို အုပ်စုအလိုက်၊ ဆည်မြောင်း လက်တံ အလိုက် ဝန်ထမ်းများနှင့် ထိရောက်စွာ ဆက်သွယ်နိုင်ရန်အတွက် ဖုန်းနံပါတ်များကို သက်ဆိုင်ရာ အုပ်စုအလိုက်၊ ရေမြောင်းအလိုက် ဗွီနိုင်းများဖြင့် ရေးပြီး ‌ထောင်ထားလျက်ရှိကြောင်း လယ်ယာစိုက်ပျိုးရေးနှင့် ဆယ်မြောင်းဝန်ကြီးဌာန ဒုတိယ ဝန်ကြီးဦးအုန်းသန်းက ပြောကြားသည်။

Call Center များအား တစ်နိုင်ငံလုံး အတိုင်းအတာဖြင့် ဆောင်ရွက်ပေးနိုင်ခြင်းရှိ၊ မရှိနှင့် စပ်လျဉ်းသည့်မေးခွန်းကို ဖြေကြားခဲ့ခြင်းဖြစ်သည်။

ထို့သို့ ဆောင်ရွက်ပေးခြင်းအားဖြင့် တောင်သူလယ်သမားများသည် လိုအပ်ချက်များ၊ အခက်အခဲများကို ဖုန်းဆက်၍ မေးမြန်းသည့်အခါ ချက်ချင်းသွားရောက် ဖြေရှင်းဆောင်ရွက်ပေးနိုင် မည်ဖြစ်ကြောင်း၊ တောင်သူ လယ်သမားများ အတွက် ရေရရှိရေး လုပ်ငန်းများ၊ မျိုးကောင်းမျိုးသန့်ရရှိရေးနှင့် နည်းပညာဖြန့်ဖြူးရေးတို့အတွက် အိုင်တီနည်းပညာဖြစ်သော မိုဘိုင်းဖုန်းများနှင့် ဆက်သွယ် အသုံးပြုပြီး တစ်နိုင်ငံလုံး အတိုင်းအတာနှင့် ထူထောင် ဆောင်ရွက်လျက်ရှိပါကြောင်း ဒုတိယဝန်ကြီးက ဖြေကြားခဲ့သည်။