ကိုယ်ဝန်ဆောင် အမျိုးသမီးများ၏ ကျန်းမာရေး စောင့်ရှောက်မှုအတွက် Ooredoo Myanmar က Phay Phay App ကို ထပ်မံစမ်းသပ်

10955690_10205687434366320_7328418948927422333_n.jpg

မြန်မာအမျိုးသမီးများ၏ ကိုယ်ဝန်ဆောင် စောင့်ရှောက်မှုဆိုင်ရာ ကျန်းမာရေး အချက်အလက်များနှင့် ကလေးများ၏ ကျန်းမာရေး စောင့်ရှောက်မှုဆိုင်ရာ အခန်းကဏ္ဍများအတွက် Ooredoo Myanmar ဆက်သွယ်ရေးကုမ္ပဏီက Phay Phay App ကို စမ်းသပ်ကာလ စတင်ထုတ်လုပ် လိုက်ပြီဖြစ်ကြောင်း သတင်းရရှိသည်။

မြန်မာအမျိုးသမီးများနှင့် ကိုယ်ဝန်ဆောင်ချိန်အတွင်း ကျန်းမာရေးဆိုင်ရာ ကဏ္ဍအတွက် ၂၀၁၄ ခုနှစ်က သီးသန့်ထုတ် လုပ်ခဲ့သည့် May May App ကို အသုံးပြုသူများတွင် အမျိုးသားများ ပါဝင်လာခြင်းကြောင့် ယခုကဲ့သို့ Phay Phay App ကို ထပ်မံထုတ်လုပ် ရခြင်းဖြစ်ကြောင်း အဆိုပါ ကုမ္ပဏီ၏ တာဝန်ရှိသူ တစ်ဦးက ပြောကြားသည်။

ယခုစမ်းသပ် ထုတ်လုပ်လိုက်သည့် Phay Phay App သည် ကိုယ်ဝန်ဆောင် အမျိုးသမီးများနှင့် မီးဖွားပြီး အမျိုးသမီးများ၏ ကျန်းမာရေးဆိုင်ရာ ကိစ္စရပ်များကို အမျိုးသားများမှ ကူညီပေးနိုင်ရန်အတွက် ရည်ရွယ်ထုတ်လုပ် ထားခြင်းဖြစ်ကြောင်း သိရသည်။

Ooredoo Myanmar သည် မီးမဖွားမီနှင့် မီးဖွားပြီး မြန်မာအမျိုးသမီးများအား ကူညီစောင့်ရှောက်ပေးနိုင်မည့် ကျန်းမာရေး ဆိုင်ရာ အချက်အလက်များ ထည့်သွင်းထားသည့် Phay Phay App ကို Google Play Store တွင် အခမဲ့ download ရယူသုံးစွဲနိုင်ရန် စီစဉ်ပေးထားကြောင်း သိရသည်။