မြန်မာနိုင်ငံအတွက် ပထမဆုံး iPhone Authorised Reseller ရရှိ်

Apple ထုတ်ကုန်ဖြစ်သော iPhone များအား မြန်မာနိုင်ငံ အတွက်တရားဝင် ရောင်းချခွင့် AAR (Apple Authorised Reseller) ကို ပြည်တွင်းရှိ Wai Yan Electronics မှပထမဆုံး ရရှိခဲ့ကြောင်းသိရသည်။

ပြည်တွင်းရှိ iPhone အသုံးပြုသူများအတွက် Apple Authorised Reseller ဖြစ်သော Wai Yan Electronics မှ Official iPhone များရောင်းချပေးမည့် Apple ကောင်တာများနှင့်အတူ ပြုပြင်ထိန်းသိမ်းခြင်း ဝန်ဆောင်မှုများကိုပါ ပြုလုပ်ပေးမည့် ဆားဗစ်ကောင်တာ များကိုပါ တစ်ပါတည်း ဖွင့်လှစ်ပေးသွား မည်ဖြစ်ကြောင်း သိရသည်။

Wai Yan Electronics မှ ၎င်းတို့၏ iPhone အရောင်းစင်တာများကို ဖေဖော်ဝါရီ တတိယပတ်ခန့်တွင် ရန်ကုန်နှင့် မန္တလေးမြို့တို့၌ စတင်ဖွင့်လှစ် ရောင်းချပေး သွားမည်ဖြစ်ပြီး ပြုပြင်ခြင်း ဝန်ဆောင်မှု ဆားဗစ်ကောင်တာ များကိုလည်း ရန်ကုန်မြို့တွင် ၂ ခုနှင့် မန္တလေးမြို့တွင် ၁ ခုအသီးသီး ဖွင့်လှစ် ပေးသွားမည်ဖြစ်ကြောင်း သိရသည်။

 

 

ဝယ်ယူနိုင်မည်ဖြစ်သော အရောင်းစင်တာများ အနေဖြင့် ရန်ကုန်မြို့တွင် ကမ္ဘာအေးဘုရား လမ်းရှိ Wai Yan Electronics, ပန်းဆိုးတန်း Wai Yan Electronics နှင့် ဗိုလ်အောင်ကျော်လမ်း အောက်ဘလောက်ရှိ Wai Yan Electronics တို့တွင် ဖွင့်လှစ်သွားမည်ဖြစ်ပြီး မန္တလေးမြို့တွင် TMW Tower ရှိ Wai Yan Electronics ၌ ဖွင့်လှစ်သွားမည် ဖြစ်ကြောင်း သိရသည်။ ပြုပြင်ခြင်း ဝန်ဆောင်မှု ဆားဗစ်စင်တာ များကိုလည်း ရန်ကုန်မြို့ ကမ္ဘာအေးဘုရားလမ်း Wai Yan, ပန်းဆိုးတန်း Wai Yan နှင့် မန္တလေး TMW Tower ရှိ Wai Yan အစရှိသော နေရာ သုံးခုတွင် ဆားဗစ်စင်တာ သုံးခုဖွင့်လှစ်ကာ ဝန်ဆောင်မှုပေးသွား မည်ဖြစ်ကြောင်း သိရသည်။

Wai Yan Electronics မှ ရောင်းချမည်ဖြစ်သော iPhone များမှာ Apple ၏ တရားဝင် တစ်နှစ်အာမခံ Official ဖုန်းများဖြစ်ပြီး ပြုပြင်ခြင်း ဆားဗစ်ဝန်ဆောင်မှု ပိုင်းတွင်လည်း တရားဝင်ဆား ဗစ်ကောင်တာများဖြင့် ပြုလုပ်ပေးမည် ဖြစ်ခြင်းကြောင့် ၎င်းတို့ ပြုပြင်ပေးသော iPhone များမှာ Apple ၏တရားဝင် တစ်နှစ်အာမခံအတိုင်း အာမခံပျက်ယွင်းမှု မရှိနိုင်ကြောင်း သိရသည်။