Raspberry Pi 2 အတွက် Windows 10 ကို Microsoft အခမဲ့ ထောက်ပံ့ပေးမည်

10959878_10152700035337825_8209387942094987802_n.jpg

၂၀၁၂ ခုနှစ်က ပထမဦးဆုံး မိတ်ဆက်ပေးခဲ့သည့် Raspberry Pi တန်ဖိုးနည်း ကွန်ပျူတာ၏ ဒုတိယမြောက် မျိုးဆက်ဖြစ်သော Raspberry Pi 2 တွင် စွမ်းဆောင်ရည် ပိုမိုကောင်းမွန်သည့် ပရိုဆက်ဆာနှင့် နှစ်ဆပိုမိုသည့် RAM တို့ ပါဝင်လာမည်ဟု Raspberry Pi Foudation မှ ထုတ်ပြန်ပြီးနောက်တွင် အဆိုပါ ထုတ်ကုန်အတွက် Windows 10 ကို အခမဲ့ ထောက်ပံ့ပေးသွားမည် ဖြစ်ကြောင်း Microsoft မှ ပြောကြားခဲ့သည်။

Raspberry Pi 2 အတွက် ထောက်ပံ့ပေးမည့် Windows 10 ဗားရှင်းကို အတိအကျ မသိရှိရသေးသော်လည်း Microsoft အနေဖြင့် အဆိုပါ operating system ကို Windows Developer Program for IoT မှတစ်ဆင့် Pi ထုတ်လုပ်သူများထံ ယခုနှစ်ကုန်ပိုင်းတွင် အခမဲ့ပေးအပ်သွားမည်ဟု ဆိုခဲ့သည်။

Raspberry Pi Foundation သည် Raspberry Pi 2 ထုတ်ကုန်အတွက် ၃၅ ဒေါ်လာသာ သတ်မှတ်ထားသောကြောင့် Windows 10 အသုံးပြုနိုင်သည့် အဆိုပါထုတ်ကုန်ကို ဈေးသက်သက်သာသာဖြင့် အသုံးပြုနိုင်မည် ဖြစ်သည်။ Raspberry Pi 2 တွင် Windows 10 က မည်ကဲ့သို့ အလုပ်လုပ်ဆောင်မည်ကို Microsoft မှ မရှင်းပြခဲ့သော်လည်း လာမည့် လအနည်းငယ်အတွင်း အစီအစဉ်များကို ယခုထက်ပိုမို ထုတ်ပြန်သွားမည်ဟု ကုမ္ပဏီမှ ပြောကြားခဲ့သည်။

လက်ရှိတွင် Microsoft သည် Windows 10 preview များကို ပိုမိုတိုးတက် ကောင်းမွန်လာစေရန် လုပ်ဆောင်လျက်ရှိပြီး ယခုနှစ်ကုန်ပိုင်းတွင် ကွန်ပျူတာများ၊ tablet များ၊ ဖုန်းများနှင့် Raspberry Pi ကဲ့သို့သော အသေးစား ထုတ်ကုန်များ အတွက် တင်ပို့သွားဖွယ်ရှိသည်။

Ref: TheVerge