စမတ်ဖုန်းအား အကျိုးရှိရှိသုံးစွဲခြင်း

safari.jpg

ယခုအခါတွင် လူငယ်များ၏ စမတ်ဖုန်းရူးသွပ်မှုမှာ အမြင့်မား ဆုံးသောအချိန်သို့ရောက်ရှိနေပြီဟု ဆိုရပေမည်။ လူငယ်တိုင်း၏ စိတ်ကူးအိပ်မက်မှာစမတ်ဖုန်း ကောင်းကောင်းတစ်လုံး ပိုင်ဆိုင်နိုင် ရေးဟုဆိုလျှင် မှားနိုင်မည် မထင်ပါ။

ဖြစ်နိုင်လျှင်တော့ လေးငါးခြောက် သိန်းတန်စမတ်ဖုန်းများကို ဝယ်ယူလိုကြသော်လည်း တကယ်တမ်းတွင်  အများစုမှာတစ်သိန်းဝန်းကျင် စမတ်ဖုန်းများကိုသာ  အဓိကထားသုံးစွဲနေကြသည်။ ဖုန်းဆက်ဖို့အတွက်ဆိုလျှင် ခလုတ်ဖုန်းလောက်ဆိုသင့်လျော်သော်လည်း လူငယ်များအဖို့ ဖုန်းဆက်ရန်ထက် ဂိမ်းဆော့ရန်၊ apps တွေသုံးရန်၊ အင်တာနက်သုံးစွဲဖို့အတွက် အဓိက ထားသောကြောင့် စမတ်ဖုန်းတစ်လုံးကို ပိုင်ဆိုင်လိုကြခြင်းဖြစ်သည်။

ကျွန်တော်နယ်ဘက်သို့ ရောက်သောအခါ စမတ်ဖုန်းသုံးစွဲသော လူငယ်များကိုလေ့လာမိပါသည်။ အများစုမှာဆိုခဲ့သလို တစ်သိန်း၊ တစ်သိန်းခွဲဝန်းကျင် စမတ်ဖုန်းများကိုသုံးစွဲကြသည်။ တစ်ခုသတိထားမိတာက အင်တာနက်လိုင်းသုံးစွဲသည့်အခါ 3G ဝန်ဆောင်မှုကို ရရှိနေပါလျက် အချို့မှာ 2G စမတ်ဖုန်းများကိုဝယ်ယူထားမိလျက်သားဖြစ်နေသောကြောင့် 3G စနစ် ကိုသုံးစွဲနိုင်ခြင်းမရှိဘဲ စိတ်သောကရောက်နေကြသည်ကိုတွေ့ရသည်။ အဘယ့်ကြောင့်ဆိုသော် အများစုမှာ အဆိုပါဗဟုသုတမရှိ ဘဲဝယ်ယူလိုက်သဖြင့် ယင်းဒုက္ခကိုကြုံတွေ့ရခြင်းဖြစ် သည်။ နောက်တစ်ချက်မှာ Branded မဟုတ်သော စွမ်းဆောင်ရည်ညံ့ စမတ်ဖုန်းများကိုဝယ်ယူမိလျက်သားဖြစ်နေကြသည်။ အများစုမှာဝယ်ယူရန် ဆန္ဒစောသောကြောင့် လက်ထဲ၌ စမတ်ဖုန်းဝယ်ယူနိုင်သည့် ငွေပမာဏစုမိလျင် ချက်ချင်းဝယ်ယူကြသောကြောင့် မလိုလားအပ်သော အဝယ်မှားမှုများကြုံတွေ့ရခြင်းဖြစ်သည်။

အသိတစ်ယောက်က စမတ်ဖုန်းဝယ်ဖို့လာတိုင်ပင်သည်။ တန်ဖိုးမှာတစ်သိန်းဝန်းကျင်ဖြစ်သည်။ ထို့ကြောင့် မဝယ်သေးရန်သူ့ကို အကြံပြုလိုက်ပါသည်။ တစ်လ၊ နှစ် လစောင့်ပြီး ငွေငါးသောင်း တစ်သိန်းထပ်စုလိုက်လျင်  အလတ်တန်းစားစမတ်ဖုန်းကောင်းကောင်းတွေ များစွာရှိကြောင်းပြောဆိုအကြံပြုသော်လည်း  ထုံးစံအတိုင်း တစ်လုံးဝယ်ယူလိုက်ပါသည်။ သူ့ အတိုင်းသူ့ အထွာနှင့်တော့ သုံးဖြစ်ပါသည်။ သို့သော်လည်း အင်တာနက်လိုင်းဆွဲအား၊ စီပီယူစွမ်းဆောင်ရည်စသည်တို့ မှာနိမ့်သောကြောင့် ဂိမ်းအမြင့်များဆော့မရခြင်း၊ စက်လေးနေခြင်းများကြုံ တွေ့ရ မည်ဖြစ်ပါသည်။

အဆိုပါအချက်များမှာ တစ်ကဏ္ဍဖြစ်သည်။  စမတ်ဖုန်းဝယ်ယူမှုနှင့်ပတ်သက်သောအပိုင်းများ ဖြစ်သည်။ စမတ်ဖုန်းသုံးစွဲရာမှာ အများစု (အထူးသဖြင့်လူငယ်များ) က အင်တာနက်သုံးစွဲသည် ဆိုသော်လည်း တကယ်တမ်းမှာတော့ Facebook နှင့် Viber တို့ကိုသာသုံးစွဲလျက်ရှိကြသည်။ ထို့နောက်သီချင်းနားထောင်မည်၊ ဂိမ်းဆော့မည်၊ ဗီဒီယိုကြည့်မည်။

ထိုနေရာ၌ စမတ်ဖုန်းသုံးစွဲသူများ၏ ပင်မအားနည်းချက်တစ်ခုကို သွားတွေ့သည်။ အင်္ဂလိပ်စာအားနည်းခြင်းပင်ဖြစ်သည်။ အင်္ဂလိပ်စာအားနည်းသောကြောင့် အင်တာနက်လိုင်းက ကိုယ့်လက်ထဲကစမတ်ဖုန်းထဲရောက်နေသော်လည်း

အသုံးချနိုင်စွမ်းမရှိဘဲဖြစ်နေကြသည်။ အင်္ဂလိပ်စာလေ့လာလိုပါက အင်တာနက်မှာကောင်းမွန်စွာ လေ့လာနိုင်မည်ဖြစ်သည်။ ရှေးယခင်က အင်တာနက်လိုင်းဆိုသည်မှာ မြို့ပြမှာသာလျှင် အင် တာနက်ဆိုင်မှာသုံးစွဲနိုင်သောကြောင့် ကျေးလက်နေလူငယ်များအဖို့ အလှမ်းကွာဝေးခဲ့သည်။  ယခုတော့ ကျေးလက်မှာပါ အင်တာနက်သုံးစွဲနိုင်ခြင်းက လူငယ်များ အတွက် ကြီးမားသော အခွင့်အလမ်းကြီးတစ်ရပ်ဖြစ်နေပါသည်။ ယင်းအခွင့်အလမ်းကို ထိရောက်စွာ အသုံးချနိုင်ပါက အသုံးချနိုင်သလောက် အကျိုးများမည်မှာသေချာသည်။

ကျွန်တော်လေ့လာကြည့်ရသလောက်  အများစုသောလူငယ်များအတွက် စမတ်ဖုန်းထက်စာလျှင် အနည်ဆုံး ၇ လက်မမျက်နှာပြင်ရှိသော ဆင်းမ်ကတ်ထည့်သွင်း သုံးစွဲနိုင်သည့် Tablet များကပိုမို သင့်လျော်မည်ဖြစ်သည်။ နံပါတ်၁ အချက်ကစာဖတ်ဖို့အတွက်ဖြစ်သည်။ စာဖတ်ရာတွင်လတ်တလောအနေဖြင့် မြို့နယ်ပြန်ဆက် စာကြည့်တိုက်များတွင်ပေးထားသော e-Library များမှ မြန်မာစာ အုပ်များကိုသွားရောက်ရယူနိုင်မည်ဖြစ်သည်။ အင်္ဂလိပ်စာလေ့လာမည်ဆိုပါက ကောင်းမွန်သော အင်္ဂလိပ်စာလေ့လာရေး apps များစွာရှိနေသည်။ အင်္ဂလိပ်စာအုပ်များဖတ်ရှုလိုပါက အင်္ဂလိပ် စာအုပ်သန်းနှင့်ချီပြီး အခမဲ့ရယူနိုင်သည့် Wattpad ကဲ့သို့သော apps များကိုအသုံးချနိုင်ပါသည်။ အင်္ဂလိပ်စာနားထောင်စွမ်းရည် တိုးတက်လိုပါက Tune In  ကဲ့သို့သော ကမ္ဘာတစ်လွှားတွင် ရှိသော ရေဒီယိုလိုင်းများကိုစုစည်းပေးထားသည့် apps များကိုအသုံးပြုနိုင်ပါသည်။ ဗြိတိသျှကောင်စီမှ အင်္ဂလိပ်စာသင်ခန်းစာများကို မြန်မာလိုရေးသားပို့ချထားသည့် Myanmarnetwork.net ကဲ့သို့သော website တွင် အင်္ဂလိပ်စာသင်ခန်းစာဆောင်းပါးပေါင်းထောင်ချီပြီးရှိနှင့် နေသလို အမြဲတမ်းဆောင်းပါးအသစ်များစွာတင်ပေးနေသည်။ YouTube တွင်လည်း မိမိတို့ဝါသ နာပါရာ ပညာရပ်များအလိုက် သင်ခန်းစာများကို download ချပြီးလည်းလေ့လာနိုင်မည်ဖြစ်သည်။

ဆိုခဲ့သလိုအင်္ဂလိပ်စာလေ့လာရန်အတွက် အင်တာနက်ကိုထိရောက်စွာအသုံးချပြီးလေ့လာနိုင်သည်။ Facebook တွင်လည်း အင်္ဂလိပ်စာလေ့လာရေးအတွက်ဖွင့်ထားသော Page များစွာ ရှိ နေသည်။ Flipboard, Zite နှင့် Google News Reader စသည့် သတင်းများကို စုစည်းပေးထားသော apps များကိုသုံးစွဲကာ နေ့စဉ်ဖြစ် ပျက်နေသမျှအကြောင်းအရာများကို မျက်ခြည် မပြတ်လေ့လာနိုင်မည်ဖြစ်သည်။

ကျောင်းသူကျောင်းသားများ အနေဖြင့် မိမိတို့သင်ခန်းစာများ နှင့်ပတ်သက်၍ အသေးစိတ်ပိုမို လေ့လာလိုပါက  အင်တာနက်တွင်လေ့လာနိုင်မည်ဖြစ်သည်။ ဥပမာဆိုပါစို့။ အခြေခံပညာအထက် တန်းကျောင်းသားများသင်ကြားရသည့် ဇီဝဗေဒဘာသာရပ်နှင့် ပတ်သက်သော အကြောင်းအရာများကို ဗီဒီယိုဖိုင်များ၊ ဓာတ်ပုံများဖြင့်   ရှာဖွေကာလေ့လာမည်ဆိုပါက  သင်ခန်းစာကိုပိုမို စိတ်ဝင်စားမှုရှိလာကာ ပိုမိုလည်းနားလည်လာနိုင်မည်ဖြစ်သည်။ ကျောင်းတွင်သင်ကြားရသည့်အကြောင်းအရာများကို ယင်းကဲ့သို့လေ့လာခြင်းဖြင့် သင်ခန်းစာများအပေါ်ပိုမိုစိတ်ပါဝင်စားလာနိုင် မည်ဖြစ်ပြီး စစ်မှန်သောပညာရေး၏အနှစ်သာရကိုလည်း ဖော်ဆောင်နိုင်မည် ဖြစ်သည်။

အိုင်တီ၊ အင်ဂျင်နီယာနှင့် စီးပွားရေးပညာရပ်များကိုလေ့လာနေသူများအဖို့ ကမ္ဘာ့အကြီးဆုံး Professional စာအုပ်များကိုငှား ရမ်းပေးနေသည့် Safaribook- sonline.com သည် ရတနာတစ် ပါးပင်ဖြစ်ကြောင်း လက်တို့လိုက်ချင်ပါသည်။ ယင်းဝက်ဘ်ဆိုက်တွင်ဝင်ရောက်လေ့လာနိုင်သကဲ့သို့ စမတ်ဖုန်း၊ Tablet များတွင် Safaribooksonline apps ကိုတင်ကာအသုံးပြုနိုင်ပါသည်။ လတ် တလောတွင် Android အတွက် apps မရှိသေးဘဲ iOS အတွက်သာရှိသေးသည်။ လစဉ်ကြေးမှာ အမေရိကန်ဒေါ်လာ ၃၆ ဒေါ်လာ ဖြစ်သည်။ အဆိုပါငွေကြေးပမာဏမှာ များသည်ဟု ဆိုနိုင်သော်လည်း ကျွန်တော်တို့အနေဖြင့်အဆိုပါ ebook များကိုဝယ်ယူမည် ဆိုပါက တစ်အုပ်တည်းတင်ပင်ဒေါ်လာများစွာပေးဝယ်ရမည်ဖြစ်သည်။ ငွေပေးသွင်းလိုပါက Online  ငွေ သွင်းပေးသော ကုမ္ပဏီများနှင့်ချိတ်ဆက်ကာပေးသွင်းနိုင်မည်ဖြစ်သည်။ ebooks များကို အခမဲ့download ချနိုင်သည်ဆိုသော်လည်း အမှန်တကယ်ကောင်းမွန်သောစာအုပ်များကိုမူ download ချနိုင်ဖို့ခက်ခဲပါသည်။ Safaribooksonline မှာမူ ကမ္ဘာကျော်စာအုပ်တိုက်ကြီးများမှ နောက်ဆုံးထွက်စာအုပ်များကိုဖတ်ရှုနိုင်ရုံမျှမက ဗီဒီယိုသင်ခန်းစာများကိုလည်း လေ့လာနိုင်မည်ဖြစ်သည်။

MIT, Harvard, Standford တို့ကဲ့သို့သော ကမ္ဘာကျော်ထိပ် တန်းတက္ကသိုလ်ကြီးများမှ အခမဲ့ အွန်လိုင်းသင်ခန်းစာများကိုပို့ချ လျှက်ရှိပြီး Register လုပ်ကာ မိမိတို့ဝါသနာပါရာသင်ခန်းစာများ ကို လေ့လာနိုင်မည်ဖြစ်သည်။  သို့သော် သင်ခန်းစာများနှင့်ပတ်သက်သည့် Materials များဖြစ်သော Video ဖိုင်များ၊ Lecture Notes များအား download ချဖို့ရန် အတွက်မူ Gigabyte များစွာရှိသော ကြောင့် mobile data plan ဖြင့်ပေးထားသော အင်တာနက်လိုင်းများအတွက် ကုန်ကျစရိတ်များနိုင်မည်ဖြစ်သည်။

ကမ္ဘာကျော်မဂ္ဂဇင်းများကို ဖတ်ရှုလိုပါကလည်း လစဉ်ကြေး ပေးကာဖတ်ရှုနိုင်မည်ဖြစ်သည်။ စာရေးသူအနေဖြင့် ဖြစ်နိုင်လျင် iPad ကိုဝယ်ယူရန်ညွှန်းဆိုလိုပါသည်။ မြန်မာပြည်အနေဖြင့် iTunes ကတ်ဝယ်ယူကာ မိမိတို့နှစ်သက်ရာ apps များ၊ စာအုပ်များကို လွယ်လင့်တကူဝယ်ယူနိုင်ပြီး   ငွေပေးချေမှုများကိုလုပ်ဆောင်နိုင်သောကြောင့် iPad တစ်လုံး ပိုင်ဆိုင်ထားလျှင် အားလုံး အဆင်ပြေ နိုင်မည်ဖြစ်သည်။ တကယ်တမ်းကောင်းမွန်သော apps များစွာကiOS မှာအစုံအလင်ရှိနေပါသည်။

ယခုစာရေးသူရေးသားခဲ့သည်များမှာ သိရှိပြီးသားဖြစ်ကောင်း ဖြစ်နေမည်ဖြစ်သည်။ အနှစ်ချုပ်အားဖြင့်ဆိုရလျှင် မိမိတို့လက်ထဲကိုရောက်ရှိနေသောစမတ်ဖုန်း တစ်လုံး၏အသုံးချနိုင်စွမ်း က သုံးနိုင်သလောက်၊ အသုံးချသလောက် အကျိုးရှိမှာအမှန်ပဲဖြစ်သည်။ စာရေးသူအနေဖြင့် စမတ်ဖုန်းတစ်လုံး၏ အသုံးချနိုင်မှုဒီထက်မကဆက်လက်ရေးသားချင်ပါသေးသည်။  ယခုလောက် ဆိုလျှင်လည်း မိမိတို့ရဲ့စမတ်ဖုန်းရဲ့ အဖိုးတန်မှုတွေကို သိရှိရိပ်မိလောက်ပြီဟု ထင်ပါသည်။