ပြည်တွင်း၌ စမတ်ဖုန်းဖြင့် Facebook လူမှုကွန်ရက် အသုံးပြုသူ ၂.၈ သန်းရှိ

IMG_8894.jpg

ပြည်တွင်း စမတ်ဖုန်းဈေးကွက်သည် နှစ်အနည်းငယ်အတွင်း ကျယ်ပြန့်လာပြီးနောက် ယခုလက်ရှိတွင် စမတ်ဖုန်းဖြင့် Facebook အသုံးပြုသူ အရေအတွက်မှာ ၂.၈ သန်းရှိလာပြီဖြစ်ကြောင်း Amara Digital Agency မှသတင်းရရှိသည်။

ယခုလက်ရှိ မြန်မာ့ဆက်သွယ်ရေးလုပ်ငန်း၏ ဆက်သွယ်ရေးကွန်ရက်တွင် မိုဘိုင်းဖုန်းဖြင့် အင်တာနက် အသုံးပြုနေသူ ဦးရေမှာ ၃ သန်း ၄ သိန်းကျော် ရှိနေပြီဖြစ်ပြီး ပြည်ပဆက်သွယ်ရေး ကုမ္ပဏီနှစ်ခု၏ ဆင်းမ်ကတ်များဖြင့် မိုဘိုင်းအင်တာနက် အသုံးပြုနေသူ အရေအတွက်မှာ ၃ သန်းကျော်ရှိပြီဖြစ်သည်။

ထို့ကြောင့် ပြည်တွင်း၌ မိုဘိုင်းဖုန်းပေါ်မှ အင်တာနက်အသုံးပြုနေသူ စုစုပေါင်းအရေအတွက်မှာ ၆ သန်းကျော် ရှိနေပြီဖြစ်ပြီး ယင်းအနက်မှ စမတ်ဖုန်းဖြင့် Facebook အသုံးပြုသူ အရေအတွက်မှာ ၂.၈ သန်းဖြစ်သည်။