အထူးလုံခြုံမှုအတွက် လိုအပ်သော ဆက်သွယ်ရေးဆိုင်ရာများကို နိုင်ငံတော် ကသာ ဆောင်ရွက်မည်

Update-News_5.jpg

နိုင်ငံတော်ကသာ ဆောင်ရွက်ရမည့် ဆက်သွယ်ရေးဆိုင်ရာ ဆောင်ရွက်ချက်များကို ပထမအကြိမ် ပြည်ထောင်စုလွှတ်တော် (၁၂) ကြိမ်မြောက် ပုံမှန်အစည်းအဝေး ဒုတိယနေ့တွင် ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာန ဒုတိယဝန်ကြီးဦးသောင်းတင်က ပြောကြားခဲ့ကြောင်း သိရသည်။

ဆက်သွယ်ရေး ပြုပြင်ပြောင်းလဲရေး အစီအစဉ်အရ မိုဘိုင်းဖုန်းဆက်သွယ်ရေး ဝန်ဆောင်မှုများကို ပုဂ္ဂလိက အော်ပရေတာများက ဆောင်ရွက်နေပြီဖြစ်ကြောင်း၊ သို့ရာတွင် ကြိုးဖုန်းနှင့်ဖက်စ်၊ အထူးလုံခြုံမှုအတွက် လိုအပ်သော ဘဏ်နှင့် အထူးစီးပွားရေးဇုန်လုပ်ငန်းများ၊ အင်တာနက်နှင့် သက်ဆိုင်သောလုံခြုံရေး၊ နိုင်ငံတကာ အဖွဲ့အ စည်းများဖြစ်သည့် ITU/APNIC တို့နှင့် ဆက်သွယ်ပြီး စံသတ်မှတ်ခြင်းများကို နိုင်ငံတော်ကသာ ဆောင်ရွက်ရမည်ဖြစ်ကြောင်း ဒုတိယဝန်ကြီးက ပြောကြားခဲ့သည်။

ဂျပန်နိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီမှ ချေးငွေချေးယူခွင့်နှင့် စပ်လျဉ်း၍ ရှင်းလင်းတင်ပြရာတွင် ထည့်သွင်းပြောကြားခဲ့ခြင်းဖြစ်ကြောင်း သိရသည်။