ရွေးချယ်ရ ခက်ခဲနေဆဲ MPT ရဲ့ထူးမခြားနားသည့် ဝန်ဆောင်မှုများ

IMG_1615.jpg

လွန်ခဲ့သည့် သုံးနှစ်ခန့်မ စတင်၍ ကိုင်ဆောင် အသုံးပြုလာခဲ့သည့် ကျပ်နှစ်သိန်း ငါးသောင်းတန် WCDMA  ဆင်းမ်ကတ်ကို ဆက်လက်အသုံး မပြုတော့ရန် သူမစဉ်းစား နေရပြီဖြစ်သည်။ ၂၀၁၅၊ ဇန်နဝါရီ ၁၂ ရက်တွင် စတင်မည့် MPT ၏ ဆွေသဟာ အမည်ရှိ ဝန်ဆောင်မှု အသစ်ကို ပြောင်းလဲ သုံးစွဲမည်ဆိုလျှင် ဖုန်းခေါ်ဆိုခနှင့် စာတိုပေးပို့ခများ သက်သာသွားသည်မှအပ သူမလက်ခံနိုင်မည့် ဝန်ဆောင်မှုများ ထပ်မံပါဝင်လာခြင်း မရှိခဲ့ပေ။ အဆိုပ ဆွေသဟာ အစီအစဉ်သည် အင်တာနက် မြန်နှုန်း ၆ ဆပိုမို ကောင်းမွန်သွားမည်ဟု MPT က တရားဝင် ပြောကြားထားသော်လည်း ကုမ္ပဏီဝန်ထမ်း မသဉ္ဇာကျော်က လက်တွေ့ မဖြစ်လာမည်ကိုလည်း စိုးရိမ်နေသည်။

MPT ၏ ဝန်ဆောင်မှုအသစ် ဆွေသဟာကို မသုံးစွဲပါက သူမအသုံးပြုနေသည့် မိုဘိုင်း ဆင်းမ်ကတ်၏  မိုဘိုင်းဖုန်း ခေါ်ဆိုခနှင့် စာတိုပေးပို့ခများ၊ အင်တာနက် အသုံးပြုခများသည် ယခင်နှုန်းထား များအတိုင်းသာ ဖြစ်နေမည်ဖြစ်သည်။ ထို့အပြင် မိုဘိုင်းအင်တာနက် မြန်နှုန်းများမှာ လက်ရှိထက် ပိုမိုကျဆင်း သွားမည်ဖြစ်သည်။

ထိုသို့ဆိုလျင်  အခြားသော နိုင်ငံခြားဆက်သွယ်ရေး ကုမ္ပဏီများထက် ဝန်ဆောင်မှု နှုန်းထားများမှာ ပိုမိုကြီးမြင့်နေဆဲ ဖြစ်သည့်အပြင် အင်တာနက် မြန်နှုန်းများသည်လည်း ယခင်ထက် ကျဆင်းတော့မည် ဖြစ်သည်။

ထို့ကြောင့် တစ်ရက်လျှင် မိုဘိုင်းဖုန်းဖြင့် အင်တာနက် အသုံးပြုချိန်ပျမ်းမျှ သုံးနာရီခန့်ရှိသည့် မသဉ္ဇာကျော် တစ်ယောက် နိုင်ငံခြား ဆက်သွယ်ရေး ကုမ္ပဏီတစ်ခု၏ ဝန်ဆောင်မှုကို ပြောင်းလဲအသုံးပြု တော့မည်ဟု ဆုံးဖြတ်ချက် ခိုင်ခိုင်မာမာ ချလိုက်ပြီဖြစ်သည်။

ပြည်တွင်း မိုဘိုင်းဖုန်း သုံးစွဲသူများအနက် MPT ၏ဝန်ဆောင်မှုများကို သုံးစွဲနေသူ အများစုသည် ယင်းဝန်ဆောင်မှုများကို ဆက်လက်သုံးစွဲသင့်၊ မသင့်နှင့် ပတ်သက်၍ ဆုံးဖြတ်ချက် ချရန်ခက်ခဲသည့် ပြဿနာများနှင့်လည်း ကြုံတွေ့နေရပြီဖြစ်ပြီး  မြန်မာ့ဆက်သွယ်ရေး လုပ်ငန်းပေါ်တွင် 

မကျေနပ်မှုများလည်း ပိုမိုပြင်းထန်လာခဲ့သည်ဟု ရန်ကုန်မြို့နေ မိုဘိုင်းဖုန်း အသုံးပြုသူများက တညီတညွတ်တည်း ဆိုလာကြသည်။

တချိန်တည်းမှာပင် မသဉ္ဇာကျော်ကဲ့သို့ MPT ၏ဝန်ဆောင်မှုများနှင့် ပတ်သက်၍  ဆက်လက်သုံးစွဲမည်၊  မသုံးစွဲမည်ကို စဉ်းစားလာကြသည့်  မိုဘိုင်းဖုန်း အသုံးပြုသူများ ရန်ကုန်မြို့တွင် အများအပြား ရှိလာပြီဖြစ်သည်။

ပြည်တွင်း ဆက်သွယ်ရေး ဈေးကွက်၌ ဆယ်စုနှစ် တစ်စုကျော် ပြိုင်ဘက်မရှိ  တစ်ဦးတည်း ရပ်တည်လာသည့်  မြန်မာ့ဆက်သွယ်ရေး လုပ်ငန်းသည် ၂၀၁၄၊ စက်တင်ဘာလတွင် MPT ဟူသော အမှတ်တံဆိပ်သစ်၊

ပြောင်းလဲမှု အနည်းအကျဉ်းတို့နှင့် အတူထွက်ရှိလာပြီး နောက်တွင်လည်း   မိုဘိုင်းဖုန်း သုံးစွဲသူ အများစု၏ ကျေနပ်လက်ခံမှုကို အပြည့်အဝ မရှိသေးပေ။

ဂျပန်နိုင်ငံမှ KDDI, Sumitomo Corporation အစရှိသည့် ဆက်သွယ်ရေး ကုမ္ပဏီနှစ်ခုနှင့် ပူးပေါင်းပြီး နောက် ၂၀၁၄၊ စက်တင်ဘာ ၁ ရက်တွင် စတင်ထွက်ရှိလာသည့် MPT အမှတ်တံဆိပ် အသစ်နှင့် မိုဘိုင်းဖုန်း ဝန်ဆောင်မှုများသည် ဆင်းမ်ကတ်တစ်ခုလျှင် တရားဝင် ရောင်းချဈေး ကျပ် ၁၅၀၀ သတ်မှတ် လိုက်သည်မှလွဲ၍ ထူးခြားပြောင်းလဲမှု တစုံတရာ မရှိခဲ့ခြင်းကြောင့် ထိုအချိန်ကာလအတွင်း သုံးစွဲသူများ၏ ဝေဖန်သံများ ပိုမိုကျယ်လောင်စွာ ထွက်ပေါ်ခဲ့သည်။

မိုဘိုင်းဖုန်း သုံးစွဲသူများ၏ ဝေဖန်မှုများကိုသာ အမြဲမပြတ် လက်ခံရရှိနေသော မြန်မာ့ဆက်သွယ်ရေး လုပ်ငန်းအနေဖြင့် ၂၀၁၅၊ ဇန်နဝါရီ ၁၂ တွင် ဝန်ဆောင်မှု အသစ်များကို ထပ်မံမိတ်ဆက် လာပြန်သည်။ ဆွေသဟာ အမည်ရှိ ဝန်ဆောင်မှုကို စတင်မိတ်ဆက်ခဲ့သည့်နေ့တွင်ပင် လူမှုကွန်ရက် စာမျက်နှာပေါ်တွင် MPT ကို ပြစ်တင်ဝေဖန်မှုများ အဆက်မပြတ် ထွက်ပေါ်လာခဲ့သည်။

အဆိုပါ ဝန်ဆောင်မှု အသစ်သည် ဖုန်းပြောဆိုခနှင့် စာတိုပေးပို့သည့် နှုန်းထားများအား လျှော့ချခြင်း ဖြစ်သော်လည်း အခြားနိုင်ငံခြား ဆက်သွယ်ရေး ကုမ္ပဏီနှစ်ခုက ကောက်ခံနေသော ဈေးနှုန်းများထက် ပိုမိုများပြား နေဆဲဖြစ်သည်။ ထို့အပြင် MPT ၏ဆွေသဟာ ဝန်ဆောင်မှုတွင် ပါဝင်လာသော မိုဘိုင်း အင်တာနက် အသုံးပြုခ များသည်လည်း Ooredoo Myanmar, Telenor Myanmar ဆက်သွယ်ရေး ကုမ္ပဏီများမှ ကောက်ခံနေသော နှုန်းထားများထက် ပိုမိုများပြားနေပြန်သည်။

ယင်းအချက်များကြောင့် MPT ၏ဝန်ဆောင်မှု အဟောင်းသာမက အသစ်ကိုပါ မသုံးစွဲတော့ရန် ဆုံးဖြတ်လိုက်သည့် အသုံးပြုသူများလည်း အများအပြား ထွက်ပေါ်လာခဲ့ခြင်း ဖြစ်သည်။

“ဆွေသဟာဆိုတဲ့ ဝန်ဆောင်မှု အသစ်ကိုယူမှ မိုဘိုင်းအင်တာနက်တွေ ပိုမြန်လာမယ်။ ဖုန်းခေါ်ခတွေ ပိုသက်သာလာမယ် ဆိုပေမယ့် ဈေးနှုန်းက တခြားအော်ပရေတာ တွေထက်ပိုကြီးနေတယ်ဗျ။ နိုင်ငံခြားအော်

ပရေတာတွေတောင် ဒီဈေးယူနိုင်ရင် မြန်မာ့ဆက်သွယ်ရေးက ဘာလို့မပေး နိုင်ရတာလည်း။ သိသိသာသာကြီး ကောင်းနေလို့ ဈေးနည်းနည်း ပိုပေးရတာ အဆင်ပြေပေမယ့် အမှန်အတိုင်း ပြောရရင် သူတို့ကောင်းပါမယ် ဆိုတာကို မယုံရဲသေးဘူးဗျ” ဟု ရန်ကုန်မြို့နေ မိုဘိုင်းအင်တာနက် အသုံးပြုသူ ကိုဝေဖြိုးဟန်က ဆိုသည်။

ဂျပန်ဆက်သွယ်ရေး ကုမ္ပဏီနှစ်ခု၏ ရင်းနှီးမြှုပ်နှံငွေများဖြင့် လည်ပတ်လာပြီး နိုင်ငံပိုင်ဆက်သွယ်ရေး ကုမ္ပဏီတစ်ခုဖြစ်သည့် MPT က ၎င်းတို့၏ ဝန်ဆောင်မှုအသစ်တွင် ပါဝင်လာမည့် မိုဘိုင်းအင်တာနက် အမြန်နှုန်းများသည် ယခင်ထက် ခြောက်ဆထိ ပိုမိုမြင့်တက်လာမည်ဟု ယခုလ ၉  ရက်နေ့က ပြည်တွင်း၊ ပြည်ပ မီဒီယာမှတစ်ဆင့် ကတိပေး ပြောကြားခဲ့ပြန်သည်။

ယခုကဲ့သို့ ဝန်ဆောင်မှု ဈေးနှုန်းများ ကြီးမြင့်နေရဆဲနှင့် ယခင်နှုန်းထားများကို မပြုပြင်ပဲ မိုဘိုင်းအင်တာနက် အမြန်နှုန်းများကိုလည်း ကန့်သတ်လိုက်ရခြင်းမှာ   အခြားနိုင်ငံခြား ကုမ္ပဏီများ၏ ဈေးကွက်ကို မထိခိုက်စေ လိုခြင်းကြောင့်ဟု မြန်မာ့ဆက်သွယ်ရေး လုပ်ငန်း၏ တာဝန်ရှိသူတစ်ဦးက ဆိုလာသည်။

ထိုသို့ကတိပေး ပြောကြားပြီးနောက် MPT ၏ ဆွေသဟာ အစီအစဉ်ကို ပြောင်းလဲအသုံးပြု သူများအနက်မှ အချို့သည် မိုဘိုင်းအင်တာနက် မြန်နှုန်းများမှာ ထူးထူးခြားခြား မြန်ဆန်ခြင်း မရှိကြောင်း လူမှုကွန်ရက် စာမျက်နှာ များပေါ်တွင် ရေးသားဖော်ပြ လာကြသည်။

“ဝန်ဆောင်မှု အသစ်ကို ယူလိုက်လို့ ဈေးပိုကြီးသွားတယ် ဆိုပေမယ့် အင်တာနက် အမြန်နှုန်းက ခြောက်ဆလောက် ပိုမြန်လာပါမယ်ဆိုလို့ ချက်ချင်းပဲ ယူလိုက်တယ်။ Mobile app တစ်ခုကို download ဆွဲတာ နာရီဝက်လောက်အထိမပြီးသေးလို့ တခြားအော်ပရေတာက ဆင်းမ်ကတ်နဲ့ ပြောင်းလုပ်မှ ငါးမိနစ် ကျော်ကျော်အတွင်း ပြီးသွားတယ်”ဟု မန္တလေးမြို့တွင် နေထိုင်သည့် မိုဘိုင်းဖုန်း အသုံးပြုသူ အမျိုးသမီးတစ်ဦးက ဆွေသဟာ ဝန်ဆောင်မှုနှင့် ပတ်သက်၍ သူမ၏အတွေ့အကြုံကို ပြောပြသည်။

MPT ဆင်းမ်ကတ်ဖြင့် ယင်းဝန်ဆောင်မှုကို အသုံးပြုနေကြ သူများအနက်မှ အချို့သော မိုဘိုင်းဖုန်း အသုံးပြုသူများသည် ယခုရက်ပိုင်းအတွင်း၌ပင် နိုင်ငံခြား အော်ပရေတာ နှစ်ခုကိုပြောင်းလဲ အသုံးပြုမှုများရှိ

လာပြီဖြစ်သည်။ ဆွေသဟာ ဝန်ဆောင်မှုကို ပြောင်းလဲအသုံးပြုသူ အရေအတွက်သည် ရက်ပိုင်းအတွင်း တစ်သန်းနှင့်အထက် ရှိခဲ့သည်။