ဝန်ကြီးဌာန ၈ ခုမှ အရာရှိ ၈၀ ခန့်အား ဗြိတိသျှသံရုံးနှင့် ဗြိတိသျှကောင်စီမှ အင်္ဂလိပ်ဘာသာ သင်တá

မြန်မာနိုင်ငံ အစိုးရဝန်ကြီး ဌာနများမှ အရာရှိများ၏ အင်္ဂလိပ်ဘာသာ အရည်အသွေး မြှင့်တင်ပေးရန်နှင့် နိုင်ငံခြား အဖွဲ့အစည်းများနှင့် လက်တွဲပူးပေါင်း ဆောင်ရွက်ရာတွင် ပိုမိုအဆင်ပြေ ချောမွေ့စေရန် လိုအပ်ချက်များအား အထောက်အကူဖြစ်စေရန် ရည်ရွယ်၍ ဗြိတိသျှသံရုံးမှ ထောက်ပံ့ကာ ဗြိတိသျှကောင်စီမှ စီစဉ်ပြုလုပ်သည့် နာရီ ၆၀ ကြာမည့် အင်္ဂလိပ်ဘာသာ အရည်အသွေး မြှင့်တင်ရေးသင်တန်း (English Language Enrichment Programme) ကို ဖွင့်လှစ်ပို့ချသွားမည်ဖြစ်ကြောင်း သိရသည်။

အဆိုပါ အင်္ဂလိပ်ဘာသာ အရည်အသွေးမြှင့်တင်ရေး သင်တန်းသို့ အမျိုးသားစီမံကိန်းနှင့်စီးပွားရေး ဖွံ့ဖြိုး တိုးတက်မှုဝန်ကြီးဌာန၊ နိုင်ငံခြားရေးဝန်ကြီးဌာန၊ ဘဏ္ဍာရေး ဝန်ကြီးဌာန၊ ပတ်ဝန်းကျင် ထိန်းသိမ်းရေးနှင့် သစ်တောရေးရာဝန်ကြီးဌာန၊ စွမ်းအင်ဝန်ကြီးဌာန၊ လျှပ်စစ်စွမ်းအားဝန်ကြီးဌာန၊ ကျန်းမာရေးဝန်ကြီးဌာနနှင့် ပညာရေး ဝန်ကြီးဌာနမှ အရာရှိ ၈၀ ခန့် တက်ရောက်မည်ဖြစ်ကာ ရက်သတ္တပတ် ၁၀ ပတ် ကြာမြင့်မည်ဖြစ်ပြီး ၂၀၁၅ ခုနှစ် ဇန်နဝါရီလမှ မတ်လအထိ ပြုလုပ်သွားမည်ဖြစ်ကြောင်း သိရသည်။

သင်တန်းသား၊ သင်တန်းသူများသည် သင်တန်းမစတင်မီ ဗြိတိသျှကောင်စီမှ ပြုလုပ်သည့် APTIS (အင်္ဂလိပ်ဘာသာ အဆင့်အတန်း စစ်ဆေးသည့် စာမေးပွဲ) ဖြေဆိုခဲ့ပြီး သင်တန်းပြီးဆုံးသောအခါ နောက်ထပ်တစ်ကြိမ် ထပ်မံစစ်ဆေးကာ တိုးတက်မှု အစီရင်ခံစာကို သက်ဆိုင်ရာ ဝန်ကြီးဌာနများသို့ ပေးပို့မည်ဖြစ်ကြောင်း သိရသည်။ သင်တန်းတွင် နိုင်ငံတကာနှင့် ဆက်ဆံရာ၌ အထောက်အကူပြုစေမည့် လက်တွေ့အသုံးချ အင်္ဂလိပ်ဘာသာ သင်ခန်းစာများကို ပို့ချပေးသွားမည်ဖြစ်ကြောင်း သိရသည်။

အင်္ဂလိပ်ဘာသာ အရည်အသွေး မြှင့်တင်ရေးသင်တန်း ဖွင့်ပွဲအခမ်းအနားကို ဇန်နဝါရီလ ၉ရက်၊ နံနက် ၉ နာရီခွဲက နေပြည်တော်ရှိ အမျိုးသားမော်ကွန်းတိုက်၌ ကျင်းပပြု လုပ်ခဲ့ပြီး ဗြိတိသျှကောင်စီမှ အင်္ဂလိပ်ဘာသာဌာန ညွှန်ကြားရေးမှူး Ginny Rowlands က ဗြိတိသျှကောင်စီမှ နေပြည်တော်တွင် ဝန်ကြီးဌာနများစွာ အတွက် တစ်ချိန်တည်း သင်တန်းပို့ချခြင်းသည် ယခု ပထမဆုံး အကြိမ်ဖြစ်ကြောင်း၊ ဌာနပေါင်းစုံမှ ဝန်ထမ်းများ တက်ကြွစွာပါဝင်သည် ကိုတွေ့ရ၍ အားရမိကြောင်း ပြောကြားခဲ့သည်။

ဗြိတိသျှကောင်စီမှ English for Education Systems ဌာန တာဝန်ခံ ဒေါက်တာခိုင်ဖြူထွဋ်မှ သင်တန်းသား၊ သင်တန်းသူများ သင်တန်းမစမီနှင့် ပြီးဆုံးချိန်တွင်  ဗြိတိ သျှကောင်စီ၏ APTIS စာမေးပွဲဖြင့် စစ်ဆေးအကဲဖြတ်မည်ဖြစ်ရာ ထူးခြားချက်တစ်ရပ်ဖြစ်ကြောင်း၊ နောင်တွင်လည်း ယခုကဲ့သို့ သင်တန်းအစီအစဉ်များ ပြု လုပ်ပေးသွား မည် ဖြစ်ကြောင်း ပြောကြားခဲ့သည်။