လုပ်ငန်းခွင်တွင် အသုံးပြုနိုင်မည့် Facebook at Work ကို Facebook စတင်မိတ်ဆက်

10929032_10152657500977825_2867513769688897242_n.jpg

ကောလာဟလသတင်းများ ထွက်ပေါ်လာပြီး လအနည်းငယ် အကြာတွင် Facebook က Facebook at Work ကို တရားဝင် မိတ်ဆက်ပေးခဲ့သည်။

ကုမ္ပဏီများတွင်သာ အသုံးပြုနိုင်ရန် ရည်ရွယ်ဖန်တီးထားသည့် အဆိုပါ လူမှုရေးကွန်ရက်ကို ရွေးချယ်ထားသည့် သုံးစွဲသူအချို့မှ အသုံးပြုနိုင်ရန် Facebook က စီစဉ်ခဲ့သည်။

Facebook at Work ကို web အပြင် Android နှင့် iOS ဖြင့်ပါ အသုံးပြုနိုင်မည်ဖြစ်ပြီး ၎င်းသည် ကုမ္ပဏီဝန်ထမ်းများအား Facebook tool များကို အသုံးပြုကာ ချိတ်ဆက်မှုများနှင့် ပူးပေါင်းဆောင်ရွက်မှုများကို အကျိုးရှိရှိ ပြုလုပ်စေနိုင်မည်ဟု သိရသည်။

သတင်းဖော်ပြချက်များအရ Facebook at Work တွင် မူလ လူမှုရေးကွန်ရက်ကဲ့သို့ပင် News Feed, Groups, Messages နှင့် Events တို့ပါဝင်မည် ဖြစ်သည်။ သို့သော်လည်း Facebook at Work ကို ကုမ္ပဏီတစ်ခုရှိ ဝန်ထမ်းများသာ အသုံးပြုနိုင်မည် ဖြစ်သည်။ ကုမ္ပဏီတစ်ခုရှိ ဝန်ထမ်းများအနေဖြင့်လည်း ၎င်းတို့၏ ကုမ္ပဏီက Facebook at Work ကို အသုံးပြုရန် လိုအပ်မည် ဖြစ်သည်။

နည်းပညာကုမ္ပဏီကြီးကမူ ဝန်ထမ်းတစ်ဦး၏ Facebook at Work အချက်အလက်သည် လုံခြုံမှုရှိမည် ဖြစ်ပြီး ၎င်းတို့၏ personal profile များဖြင့် လုံးဝကွဲပြားခြားနားမည် ဖြစ်ကြောင်း ပြောကြားခဲ့သည်။

နိုဝင်ဘာလက ကောလာဟလ သတင်းစတင် ထွက်ပေါ်ခဲ့စဉ်က အဆိုပါ site တွင် ကြော်ငြာများ ပါဝင်ဖွယ်မရှိကြောင်း ဆိုခဲ့သည်။

သို့သော်လည်း Facebook သည် app အသုံးပြုသည့် ကုမ္ပဏီများကို ငွေကြေးကောက်ခံခြင်းဖြင့် ဝင်ငွေရရှိအောင် ပြုလုပ်ဖွယ်ရှိသည်။ အဆိုပါ site ၏ enterprise version ကို မိတ်ဆက်ခြင်းဖြင့် Facebook သည် LinkedIn နှင့် Microsoft ၏ Yammer ဖြင့် ယှဉ်ပြိုင်ဖွယ်ရှိသည်။

သက်တမ်း ၁၀ နှစ်ရှိပြီ ဖြစ်သည့် Facebook သည် လက်ရှိတွင် ကမ္ဘာတစ်ဝန်းမှ လစဉ်သုံးစွဲသူ ၁.၃၅ ဘီလီယံရှိပြီး LinkedIn တွင် နိုင်ငံပေါင်း ၂၀၀ ကျော်မှ သုံးစွဲသူ ၃၃၂ သန်းကျော်ရှိကြောင်း သိရသည်။

Ref: DailyMail