အိုင်စီတီစီးတီးအတွက်မြေနရာ အသစ်ကို ပြန်လည်ရှာဖွေ

Update News_5_10.jpg

ရန်ကုန်တိုင်း ဒေသကြီးအတွင်း အိုင်စီတီး စီးတီးတစ်ခုထူထောင်ရန် မြေနေရာအသစ်ကို ပြန်လည်ရှာဖွေ နေသည်ဟု မြန်မာနိုင်ငံ ကွန်ပျူတာ လုပ်ငန်းရှင်အသင်း အတွင်းရေးမှူး ဦးမျိုးမြင့်ထွန်းက ပြောသည်။

ရန်ကုန်တိုင်းဒေသကြီး အစိုးရအဖွဲ့သည် အိုင်စီတီစီးတီး ထူထောင်ရန်အတွက် မြေဧက ၃၀၀ ကို ရန်ကုန်တောင်ပိုင်းခရိုင်အတွင်း သန်လျင်မြို့နယ်၌ သတ်မှတ်ပေးခဲ့သော်လည်း အဆိုပါမြေနေရာသည် သင်္ဘောကျင်းတစ်ခု တည်ဆောက်ရန် လျာထားပြီးဖြစ်သည့်အတွက် မြေနေရာအသစ်ကို ပြန်လည်ရှာဖွေ ပေးမည်ဟု သိရသည်။

“ဘယ်လိုအကောင်အထည် ဖော်ဆောင်ရမယ်ဆိုတဲ့ အိုင်ဒီယာတွေ ကတော့ ရှိနေပြီ။ ရရှိတဲ့မြေနေရာ အကျယ်အဝန်းပေါ်မူတည်ပြီး ဘယ်လိုဆောင်ရွက်ရမယ်ဆိုတာ ပြန်စဉ်းစားရမှာပဲ။ မြေနေရာသစ်က ဘယ် နေရာမှာ ရမယ်ဆိုတာလည်း မသိသေးဘူး” ဟု ဦးမျိုးမြင့်ထွန်းက ပြောသည်။

နိုင်ငံတော်သမ္မတ ဦးသိန်းစိန်နှင့် မြန်မာနိုင်ငံကွန်ပျူတာအသင်းချုပ်မှ တာဝန်ရှိသူများ တွေ့ဆုံစဉ်က အိုင်စီတီစီးတီးတစ်ခု ထူထောင်ရန် သဘောတူညီခဲ့ပြီး သမ္မတမှ အိုင်စီတီစီးတီးအတွက် မြေဧက ၅၀၀ ပေးအပ်ရန် ရန်ကုန်တိုင်းဒေသကြီး အစိုးရအဖွဲ့ထံသို့ ညွှန်ကြားခဲ့သည်ဟု သိရသည်။

လက်ရှိအချိန်၌ ရန်ကုန်တိုင်းဒေသကြီးအပြင် ဧရာဝတီတိုင်းဒေသကြီး အတွင်း၌လည်း အိုင်စီတီဇုံ တစ်ခုတည်ဆောက်ရန် စီစဉ်ဆောင်ရွက်နေပြီး အဆိုပါအစီအစဉ်မှာ သေချာသောအဆင့်သို့ ရောက်ရှိ မလာသေးကြောင်း မြန်မာနိုင်ငံကွန်ပျူတာအသင်းချုပ်မှ တာဝန်ရှိသူက ပြောသည်။

မြန်မာနိုင်ငံကွန်ပျူတာအသင်းချုပ်နှင့် ပြည်ပလုပ်ငန်းကြီးတစ်ခုတို့သည် သဘောတူညီမှု စာချုပ်အရ ဧရာ ဝတီတိုင်းဒေသကြီး မအူပင်မြို့နယ်အတွင်း အိုင်စီတီဇုံတစ်ခု တည်ဆောက်ရန် လျာထားသော်လည်း အစီအစဉ်မှာ သေချာမှုမရှိသေးကြောင်း သိရသည်။ မြေဧက ၁,၅၀၀ ပါဝင်သည့် စီမံကိန်း၌ အခြားသော ကဏ္ဍပေါင်းစုံအတွက် သီးခြားဇုံများပါဝင်ပြီး အဆိုပါစီမံကိန်း၌ အိုင်စီတီဇုံတစ်ခု ထည့်သွင်းထူထောင်ရန် သဘောတူညီထားခြင်း ဖြစ်သည်ဟု သိရသည်။

မအူပင်မြို့နယ်ရှိ အိုင်စီတီဇုံနှင့် ပတ်သက်၍ တိုင်းဒေသကြီးအစိုးရနှင့် ဆွေးနွေးပြီးဖြစ်သော်လည်း အကောင်အထည် ဖော်ဆောင်မှုနှင့် ပတ်သက်၍ တိကျသည့်အစီအစဉ်များ မရှိသေးကြောင်း မြန်မာနိုင်ငံ ကွန်ပျူတာအသင်းချုပ်မှ တာဝန်ရှိသူက ပြောသည်။