အမေရိကန်စစ်ဘက်ဆိုင်ရာ လူမှုရေးမီဒီယာ account များ တိုက်ခိုက်ခံရ

10906142_10152654120642825_7897685965494596099_n.jpg

အမေရိကန် စစ်ဘက်ဆိုင်ရာဌာနချုပ်သည် ၎င်းတို့၏ YouTube နှင့် Twitter account များကို ISIS ထောက်ခံသူများက တိုက်ခိုက်ခဲ့မှုအပေါ် စုံစမ်းစစ်ဆေးနေလျက်ရှိကြောင်း ထုတ်ပြန်ခဲ့သည်။

ပြီးခဲ့သည့် တနလာင်္နေ့က Centcom ဟု အမည်ရသည့် အမေရိကန်စစ်ဘက်ဆိုင်ရာ၏ YouTube နှင့် Twitter account profile ဓာတ်ပုံများကို CyberCaliphate ဟုခေါ်ဆိုသည့် ISIS ထောက်ခံသူများက ပြောင်းလဲခဲ့သည်။ အဆိုပါ Centcom အဖွဲ့အစည်းသည် လက်ရှိတွင် အာရှအလယ်ပိုင်းနှင့် အရှေ့အလယ်ပိုင်း အပါအဝင် အာဖဂန်နစ္စတန်နှင့် အီရတ်ရှိ အမေရိကန် စစ်ဘက်ဆိုင်ရာ တပ်ဖွဲ့များကို ကြီးကြပ်လျက် ရှိသည်။ ယနေ့အစောပိုင်းအချိန်တွင် Centcom Twitter နှင့် YouTube account များ တိုက်ခိုက်ခံခဲ့ရသည်ကို အဖွဲ့အစည်းမှ အတည်ပြုကြောင်း၊ ၎င်းဖြစ်ရပ်နှင့် ပတ်သက်၍ သက်ဆိုင်ရာ လုပ်ငန်းဆောင်တာများ ဆောင်ရွက်နေကြောင်း၊ လတ်တလောတွင် မည်သည့်အကြောင်းအရာကိုမျှ ပြောဆိုနိုင်ခြင်း မရှိသေးကြောင်း Centcom မှ ဖော်ပြခဲ့သည်။ ထိုတိုက်ခိုက်မှုကို အများပြည်သူဆိုင်ရာ အဆောက်အအုံများကို ဖျက်လိုဖျက်ဆီး ဆန္ဒဖြင့် ဆိုက်ဘာတိုက်ခိုက်ခဲ့ခြင်း ဖြစ်ကြောင်း Centcom က ဝေဖန်သွားခဲ့သည်။

ဆက်လက်ပြီး တိုက်ခိုက်မှုအတွင်း လျှို့ဝှက်သည့် အချက်အလက်များ မပေါက်ကြားခဲ့သလို ကွန်ပျူတာ ဆာဗာများလည်း ထိခိုက်ခြင်းမရှိခဲ့ကြောင်း Centcom မှထုတ်ပြန်ခဲ့သည်။ လတ်တလောတွင် ဆိုက်ဘာတိုက်ခိုက်မှုများသည် နိုင်ငံရေးဆိုင်ရာ လှုပ်ရှားမှုများအနေဖြင့် ဝက်ဘ်ဆိုက်နှင့် လူမှုရေးမီဒီယာ account များကို တိုက်ခိုက်လျက်ရှိသည်။

Centcom ၏ YouTube account များကို တိုက်ခိုက်ခဲ့ရာတွင်လည်း ဆွန်နီမွတ်စလင် အကြမ်းဖက်အဖွဲ့ဖြစ်သည့် ISIS ကို အားပေးအားမြှောက်သည့်အနေဖြင့် ၎င်း account တွင် ဗွီဒီယိုနှစ်ခု တင်ခဲ့သည်။ Centcom ၏ Twitter account သည်လည်း တိုက်ခိုက်ခံရပြီးနောက်တွင် လူမှုရေးမီဒီယာမှ ရပ်ဆိုင်းခြင်းခံခဲ့ရသည်။

ဆိုက်ဘာတိုက်ခိုက်သူများက Centcom Twitter account တွင် “အမေရိကန်စစ်သားများ ကျွန်ုပ်တို့ ရောက်လာပြီ။ သတိသာထားနေကြ ISIS” ဟုသည့် စာသားကိုလည်း တင်ခဲ့ကြသည်။

Ref: CNET