လက်ရှိဖွင့်လှစ်နေသော သိပ္ပံ၊ ကျောင်း၊ သင်တန်းများ လက်တွေ့လုပ်ငန်းခွင်သို့ တိုက်ရိုက် ဝင်ရေ

လက်ရှိ ဖွင့်လှစ်နေသော သိပ္ပံ၊ ကျောင်း၊ သင်တန်းများအား လက်တွေ့လုပ်ငန်းခွင်သို့ တိုက်ရိုက် ဝင်ရောက်နိုင်ရန် ကျွမ်းကျင်လုပ်သား ဈေးကွက်များနှင့် ချိတ်ဆက်၍ ညှိနှိုင်း လေ့ကျင့်ပေးရန် လိုအပ်ကြောင်း သိပ္ပံနှင့် နည်းပညာဝန်ကြီးဌာန၊ ပြည်ထောင်စုဝန်ကြီး ဒေါက်တာကိုကိုဦးက ပြောသည်။

နည်းပညာကျွမ်းကျင်မှုနှင့် အသက်မွေးဝမ်းကျောင်း ပညာကဏ္ဍ တိုးချဲ့မြှင့်တင် အကောင်အထည်ဖော်ရေး အထူးလုပ်ငန်းအဖွဲ့အစည်းအဝေးသို့  ပြည်ထောင်စုဝန်ကြီးက  တက်ရောက် အမှာစကားပြောကြားရာတွင် ထည့်သွင်းပြောကြားခဲ့ခြင်းဖြစ်ကြောင်း သတင်းထုတ်ပြန်ချက်အရ သိရသည်။ အမျိုးသားပညာရေး နည်းဥပဒေကို ပြ ဋ္ဌာန်းနိုင်ရေး အတွက် ရေးဆွဲလျက်ရှိကြောင်း၊ အမျိုးသားပညာရေး နည်းဥပဒေတွင် ပါဝင်မည့် နည်းပညာနှင့် သက်မွေးဝမ်းကျောင်းဆိုင်ရာ ကိစ္စရပ်များကို မူဝါဒ၊ ဥပဒေ များနှင့် အညီ ထည့်သွင်းရေးဆွဲ လုပ်ဆောင်သွားရန် လိုအပ်မည်ဖြစ်ကြောင်းကိုလည်း ပြည်ထောင်စုဝန်ကြီးက ပြောကြားခဲ့သည်ဟု သိရသည်။

တိုင်းဒေသကြီး၊ ပြည်နယ်အသီးသီးတွင် လူ့စွမ်းအား အရင်းအမြစ်များ လေ့ကျင့် သင်ကြားပေးနိုင်စေရေးအတွက် ကျွမ်းကျင်ဘာသာရပ်များကို ဦးစားပေးရွေးချယ် သင် ကြားလေ့ ကျင့်ပေးနိုင်ရန်နှင့် Demand လိုအပ်ချက်အပေါ် မူတည်ပြီး အစိုးရဌာနအချင်းချင်း၊ အစိုးရနှင့် ပုဂ္ဂလိကပူးပေါင်း၍ဖြစ်စေ၊ ပုဂ္ဂလိကဏ္ဍမှဖြစ်စေ၊ နိုင်ငံ တကာအဖွဲ့အစည်းနှင့် ပူးပေါင်း၍ဖြစ်စေ တိုးချဲ့ဖွင့်လှစ်ရန်ဖြစ်ကြောင်း၊ နည်းပညာနှင့် သက်မွေးပညာသင်ကျောင်း၊ သိပ္ပံများ စုပေါင်းဖွင့်လှစ်ရန်နှင့် အချိန်ပိုင်းသင်တန်း များပါ ပေါင်းစပ်ဖွင့်လှစ်ရန်လိုအပ်ကြောင်းကိုလည်း ပြည်ထောင်စုဝန်ကြီးက ပြောကြားခဲ့သည် ဟုသိရသည်။

ကျွမ်းကျင်လုပ်သားများ လေ့ကျင့်သင်ကြားပေးရန်သက်ဆိုင်ရာ ဝန်ကြီးဌာနများအနေဖြင့် Vocational Training School နှင့် Vocational High School များကို တိုင်းဒေသကြီးနှင့် ပြည်နယ်ဒေသများတွင် ဒေသလိုအပ်ချက်များအလိုက် လူ့စွမ်းအားအရင်းအမြစ် ဖွံ့ဖြိုးတိုးတက်ရေးအတွက် ဖွင့်လှစ်ရန်လိုအပ်ကြောင်း ကိုလည်း ပြောကြားခဲ့သည်ဟုသိရသည်။