ဇန်နဝါရီလ အတွင်း မော်တော် ယာဉ် ဆိုင်ရာများ နယ်လှည့် ဆောင်ရွက်မည့် အစီအစဉ်

DSC_0278.jpg

ဇန်နဝါရီလအတွင်း မော်တော်ယာဉ်ဆိုင်ရာများ နယ်လှည့်ဆောင်ရွက်မည့် အစီအစဉ်ကို ပြည်နယ်နှင့်တိုင်းဒေသကြီး ၁၃ ခုတွင် ဆောင်ရွက်သွားမည်ဖြစ်ကြောင်း သိရသည်။

ရထားပို့ဆောင်ရေးဝန်ကြီးဌာန၊ ကုန်းလမ်းပို့ဆောင်ရေးညွှန်ကြားမှုဦးစီးဌာနမှ ၂၀၁၅ ခုနှစ်၊ ဇန်န၀ါရီလအတွင်း နယ်လှည့်၍ မော်တော်ယာဉ်၊ မော်တော်ဆိုင်ကယ်နှင့် ယာဉ်မောင်းလိုင်စင် သက်တမ်းတိုးခြင်း လုပ်ငန်းများ ဆောင်ရွက်သွားမည်ဖြစ်၍ ကြိုတင်ပြင်ဆင်နိုင်ရန် အသိပေးကြေညာထားခြင်းဖြစ်သည်။ ဆောင်ရွက်မည့်နေရာများအဖြစ် နေပြည်တော်တွင် လယ်ဝေး၊ ကချင်ပြည်နယ်တွင် တနိုင်း၊ မိုးကောင်း၊ ကရင်ပြည်နယ်တွင် ဖာပွန်၊ စစ်ကိုင်းတိုင်းဒေသကြီးတွင် ချောင်းဦး၊ မြောင်၊ ကျွန်းလှ၊ မြို့သစ်တို့ဖြစ်ကြောင်း သိရသည်။

တနင်္သာရီတိုင်းဒေသကြီးတွင် တနင်္သာရီ၊ ပဲခူးတိုင်းဒေသကြီးတွင် ပေါင်းတည်၊ မိုးညို၊ မကွေးတိုင်းဒေသကြီးတွင် ရေနံချောင်း၊ နတ်မောက်၊ ရေစကြို၊ ပွင့်ဖြူ၊ အောင်လံ၊ မန္တလေးတိုင်းဒေသကြီးတွင် မိုးကုတ်၊ မွန်ပြည်နယ်တွင် မုဒုံ၊ ရခိုင်ပြည်နယ်တွင် ကျောက်တော်၊ မြောက်ဦး၊ မင်းပြား၊ အမ်းတို့တွင် ဆောင်ရွက်မည် ဖြစ်သည်။ ရန်ကုန်တိုင်းဒေသကြီးတွင် လှည်းကူး၊ ဒလ၊ ရှမ်းပြည်နယ်တွင် ညောင်ရွှေ၊ နောင်ကား၊ မိုင်းပျင်း၊ တာလေ၊ ဧရာဝတီတိုင်းဒေသကြီးတွင် လပွတ္တာ၊ ဓနုဖြူ၊ ဖျာပုံ၊ အင်္ဂပူတို့တွင် ဆောင်ရွက်မည်ဖြစ်ကြောင်း ကုန်းလမ်းပို့ဆောင်ရေးညွှန်ကြားမှုဦးစီးဌာနမှ ကြေညာထားသည်။