စမတ်နာရီ အသုံးပြု၍ စက်နှိုးနိုင်သော ကားကို Audi မိတ်ဆက်

audi-concept-cockpit-3237.jpg

Audi သည် LG စမတ်နာရီကို အသုံးပြု၍ ၎င်း၏အလိုအလျောက် မောင်းနှင်နိုင်သည့် ကားကိုစက်နှိုးနိုင်ပြီး ထိန်းချုပ်နိုင်သော virtual cockpit ကိုထုတ်ဖော် ပြသခဲ့သည်။

ကားများသည် မိုဘိုင်း ဆက်သွယ်ရေးတွင် အရေးပါသည့် စင်တာများ ဖြစ်လာမည်ကို သိရှိကြောင်း Audi အီလက်ထရွန်နစ် ဖွံ့ဖြိုးတိုးတက်မှုဆိုင်ရာ ဒုဥက္ကဋ္ဌရစ်ကီဟူဒီ ကပြောဆိုခဲ့သည်။ အဆိုပါ Android-platform အသုံးပြုထားသည့် virtual cockpit ကို Q7 concept မော်ဒယ်ကားတွင် ထည့်သွင်းပြသ ထားသည်။ ၎င်းတွင် မြန်နှုန်းမြင့် LED အချက်အလက်နှင့် Google Earth feature အပြင် street view များနှင့် cloud music ဝန်ဆောင်မှုများလည်း ပါဝင်လာသည်။ ၎င်း virtual cockpit အတွင်း ပါဝင်သည့် function များကို အသံဖြင့် ထိန်းချုပ်နိုင်မည် ဖြစ်ကြောင်းသိရသည်။ Audi ကအလိုအလျောက် မောင်းနှင်နိုင်သည့် Q7 ကားသည် နောက်ဆုံးပေါ် သတင်းအချက် အလက်များကို cloud ဖြင့် ချိတ်ဆက်ထားပြီး သတင်းအချက် အလက်များ သင်ယူနိုင်သည့်  ကမ္ဘာပေါ်ရှိ ပထမဆုံး ကားဖြစ်ကြောင်း ထုတ်ပြန်ခဲ့သည်။

အဆိုပါကား၏ ခရီးသည်များ စီးနင်းနိုင်သည့် နေရာတွင်  အလွယ်တကူ ဖြုတ်ယူသုံးစွဲနိုင်သည့်  Android tablet များ ပါဝင်လာပြီး ၎င်းထုတ်ကုန်များပေါ်တွင် ဗွီဒီယို၊ ရုပ်ရှင်၊ ဂီတနှင့် ကား၏အသေးစိတ် အချက်အလက်များအပြင် လမ်းကြောင်းများကို ကြည့်ရှုနိုင်မည် ဖြစ်သည်။

Ref : CNET