ကမ္ဘာ့ဘဏ်အဖွဲ့အစည်းက ထောက်ပံ့မှုပေးမည့် Data Center တည်ဆောက်မှုကို ယခုနှစ်အတွင်း စတင်နိုင်ရန် စီစဉ်

Update News_5.jpg

မြန်မာနိုင်ငံ၏ ဆက်သွယ်ရေးကဏ္ဍကို ကမ္ဘာ့ဘဏ်အဖွဲ့အစည်းက ကူညီထောက်ပံ့မှုများ ပေးသွားမည်ဆိုသည့် သဘောတူညီထားချက်အရ ပြည်တွင်းဆက်သွယ်ရေး ကဏ္ဍအတွက် Data Center တည်ဆောက်မှုကို ယခုနှစ်အတွင်း စတင်အကောင်အထည် ဖော်သွားရန် စီစဉ်နေကြောင်း ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာနမှ စုံစမ်းသိရသည်။

ကမ္ဘာ့ဘဏ်အဖွဲ့အစည်းသည် မြန်မာနိုင်ငံ၏ ဆက်သွယ်ရေးကဏ္ဍအတွက် နည်းပညာဆိုင်ရာ Data Center တစ်ခုကို တည်ဆောက်ပေးရန်အတွက် ပြီးခဲ့သည့်နှစ် အတွင်းက သက်ဆိုင်ရာ ဝန်ကြီးဌာနမှ တာဝန်ရှိသူအချို့နှင့် သဘောတူညီခဲ့ကြခြင်း ဖြစ်သည်။

ပြည်တွင်း၌ နည်းပညာဆိုင်ရာ Data Center တစ်ခု တည်ဆောက်ရန်အတွက် အဆိုပါ အဖွဲ့အစည်းနှင့် သက်ဆိုင်ရာ ဝန်ကြီးဌာနတို့သည် ပြည်တွင်း ကွန်ပျူတာ ပညာရှင်များ၊ ကွန်ပျူတာအသင်းအဖွဲ့များနှင့် ပူးပေါင်းအကောင်အထည် ဖော်သွားမည်ဖြစ်ကြောင်း သိရသည်။

အဆိုပါ Data Center တည်ဆောက်ပြီးစီးပါက တစ်နိုင်ငံလုံး၏ စီးပွားရေး၊ လူမှုရေး၊ ပညာရေး၊ ကျန်းမာရေး အစရှိသည့် ကဏ္ဍများအပြင် အခြားအရေးကြီး ကဏ္ဍ တစ်ခုချင်းစီ၏ အသေးစိတ် အချက်အလက်များကို တစ်နေရာတည်းတွင် စုစည်းသိမ်းဆည်း ထားနိုင်မည်ဖြစ်ပြီး သက်ဆိုင်ရာ ကဏ္ဍများ၏ လုပ်ငန်းများကိုလည်း ကူညီထောက်ပံ့ ပေးနိုင်မည်ဖြစ်ကြောင်း သိရသည်။

အဆိုပါ အဖွဲ့အစည်းသည် Data Center တည်ဆောက်မှုနှင့် တွဲဖက်၍ မြန်မာနိုင်ငံ၏ နယ်စပ်ဒေသများတွင် နေထိုင်သည့် ဒေသခံများအနေဖြင့် ဆက်သွယ်ရေး ဝန်ဆောင်မှုများကို တွင်တွင်ကျယ်ကျယ် အသုံးပြုလာနိုင်စေရန်အတွက်လည်း ယခုနှစ်အတွင်း၌ပင် ထောက်ပံ့မှုများကို တစ်ဆက်တည်း ပြုလုပ်ပေးသွားမည်ဖြစ်ကြောင်း သိရသည်။

ပြည်တွင်းဆက်သွယ်ရေးကဏ္ဍကို ပိုမိုဖွံ့ဖြိုးလာစေရန်နှင့် မြို့ကြီးများနှင့် အလှမ်းဝေးသည့် ဒေသများ၏ ဆက်သွယ်ရေးကဏ္ဍ တိုးတက်လာစေရန်အတွက် ကမ္ဘာ့ဘဏ် အဖွဲ့အစည်းက ယခုကဲ့သို့ ကူညီထောက်ပံ့မှုများ ပေးလာခြင်းဖြစ်ကြောင်း အထက်ပါ ဝန်ကြီးဌာနမှ တာဝန်ရှိသူတစ်ဦးက ပြောကြားသည်။

ကမ္ဘာတစ်ဝန်းရှိ ဖွံ့ဖြိုးတိုးတက်မှု နည်းပါးနေသေးသည့် နိုင်ငံများကို ကူညီထောက်ပံ့ပေးနေသော အဆိုပါ အဖွဲ့အစည်းသည် မြန်မာနိုင်ငံ၏ အစိုးရရုံးဌာနများတွင် e-Government စနစ်ကို စနစ်တကျ အသုံးပြုလာစေရန်အတွက်လည်း သင်ကြားရေး အစီအစဉ်အချို့ကို ပေးသွားဦးမည်ဖြစ်ကြောင်း သတင်းရရှိသည်။