ပြည်တွင်းနည်းပညာနယ်ပယ်မှ စွန့်ဦးတီထွင် လူငယ်များဦးစီးသည့် နည်းပညာကုမ္ပဏီများအနေဖြင့် ပြည်ပရင်းနှီးမြှုပ်နှံမှုများ ဆက်တိုက်ရရှိလာကြကြောင်း အဆိုပါ ကုမ္ပဏီများထံမှ စုံစမ်းသိရှိရသည်။
ပြည်တွင်းကွန်ပျူတာနယ်ပယ်မှ လူငယ်ပညာရှင်များ ဦးစီးသည့် နည်းပညာဆိုင်ရာ ကုမ္ပဏီများသည် ၂၀၁၄ ခုနှစ်အတွင်း ဆက်တိုက် ပေါ်ထွက်လာပြီးနောက် ပြည်ပနိုင် ငံများမှ ရင်းနှီးမြှုပ်နှံမှုများကို ပြီးခဲ့သည့် နှစ်လယ်ပိုင်းမှ စတင်ကာ ရရှိလာကြခြင်းဖြစ်ကြောင်း သိရသည်။
မြန်မာနိုင်ငံ၏ ဆက်သွယ်ရေးကဏ္ဍတွင် နိုင်ငံခြားကုမ္ပဏီများနှင့် နိုင်ငံတကာရင်းနှီးမြှုပ်နှံမှုများ ဆက်တိုက်ဝင်ရောက်လာပြီး နောက်ပိုင်းတွင် အဆိုပါ ပြည်ပကုမ္ပဏီများ က ပြည်တွင်းမှ အရည်အသွေးရှိသည့် လူငယ်ပညာရှင်များကို နည်းပညာဆိုင်ရာပြိုင်ပွဲများ ပြု လုပ်ပေးခြင်းဖြင့် မြေတောင်မြှောက် ထောက်ပံ့မှုများကို ပြုလုပ်ပေး လာကြသည်။ ထိုအချိန်နောက်ပိုင်းမှ စတင်၍ ပြည်တွင်းနည်းပညာနယ်ပယ်မှ လူငယ်ပညာရှင်များသည် စုပေါင်းကုမ္ပဏီငယ်များကို စတင်တည်ထောင်လာကြခြင်းဖြစ်ပြီး တစ်ဆက်တည်းမှာပင် နိုင်ငံတကာ၏ စိတ်ဝင်စားမှုကို ရရှိလာကြခြင်းဖြစ်ကြောင်းသိရသည်။
“အခု မြန်မာနိုင်ငံရဲ့ အနေအထားကို ကြည့်မယ်ဆိုရင် နည်းပညာကုမ္ပဏီတွေရဲ့ အနာဂတ်က ပိုပြီးကောင်းမွန်လာတဲ့ အနေအထားကို ရောက်ရှိလာနေပြီလို့ ထင်ပါတယ်။ ဒါကြောင့် ပြည်တွင်း၊ ပြည်ပက ရင်းနှီးမြှုပ်နှံသူတွေဟာ ဒီလို နည်းပညာကုမ္ပဏီတွေမှာ ရင်းနှီးမြှုပ်နှံဖို့ စိတ်ဝင်စားလာကြတာလို့ မြင်ပါတယ်” ဟု ပြည်ပရင်းနှီးမြှုပ်နှံမှု အချို့ကို ရရှိထားသည့် ပြည်တွင်း နည်းပညာနယ်ပယ်မှ စွန့်ဦတီထွင် လူငယ်များ ဦးစီးသည့် MyanmarCars DB အမည်ရှိ အွန်လိုင်းကားရောင်းဝယ်ရေး လုပ်ငန်းတစ်ခု၏ အမှုဆောင်အရာရှိချုပ် ကိုဝေယံလင်းက ဆိုသည်။
ပြည်တွင်း ကွန်ပျူတာနယ်ပယ်မှ လူငယ် developer အများစုဖြင့် ဖွဲ့စည်းတည်ထောင်လာသည့် အဆိုပါ နည်းပညာကုမ္ပဏီငယ်များသည် ယခုလက်ရှိအချိန်တွင် အစိုးရ၏ ပံ့ပိုးမှုများကို မရရှိသေးဘဲ ပြည်တွင်းအခြေစိုက် ဆက်သွယ်ရေး ကုမ္ပဏီအချို့နှင့် နိုင်ငံတကာ ရင်းနှီးမြှုပ်နှံမှု ကုမ္ပဏီများ၏ ကူညီထောက်ပံ့မှုများနှင့် ကိုယ်ပိုင်ရပ်တည်လာနေကြခြင်းဖြစ်သည်။
“မြန်မာနိုင်ငံမှာ နည်းပညာနဲ့ ပတ်သတ်တဲ့ စွန့်ဦးတီထွင် လုပ်ငန်းတွေက ရင်းနှီးမြှုပ်နှံမှုကို ရရှိသင့်တဲ့ လုပ်ငန်းတွေ ဖြစ်ပါတယ်။ သိပ်မကြာခင်မှာ မြန်မာနိုင်ငံမှာက မိုဘိုင်းဖုန်း သိပ်သည်းဆက အရမ်းမြင့်တက်လာဖို့ ရှိနေတဲ့တွက် ဒီလို နည်းပညာနယ်ပယ်က စွန့်ဦးတီထွင် လုပ်ငန်းတွေမှာ ပြည်တွင်း၊ ပြည်ပက ရင်းနှီးမြှုပ်နှံသူတွေအတွက် အခွင့်အရေးကောင်းတစ်ခုပါပဲ” ဟု ပြည်တွင်းလူငယ် ကွန်ပျူတာလုပ်ငန်းရှင်တစ်ဦးက သုံးသပ်ပြောကြားသည်။
မြန်မာနိုင်ငံ၏ နည်းပညာနယ်ပယ်တွင် ၂၀၁၄ ခုနှစ်အတွင်း၌ နိုင်ငံတကာ ရင်းနှီးမြှုပ်နှံမှု ရရှိခဲ့သော နည်းပညာဆိုင်ရာ ကုမ္ပဏီအချို့မှာ MyanmarCars DB နှင့် mobile application များကို ရေးသားနေသည့် NEX Co.,Ltd တို့ဖြစ်ကြသည်။