တရုတ်နိုင်ငံတွင် Gmail အသုံးပြုခွင့် အနည်းငယ် ပြန်လည်ရရှိ

gmail.jpg

တရုတ်နိုင်ငံတွင် လေးရက်ခန့် Gmail ပြတ်တောက်ခဲ့ပြီးနောက် ယခုအခါတွင် အဆိုပါ email ဝန်ဆောင်မှုကို အနည်းငယ်ပြန်လည် အသုံးပြုနိုင်ပြီ ဖြစ်ကြောင်းသိရသည်။

Google ၏ e-mail ဝန်ဆောင်မှုသည် တရုတ်နိုင်ငံအတွင်း အနည်းငယ် ပြန်လည်အသုံးပြုခွင့် ရနေပြီဖြစ်ကြောင်း ကုမ္ပဏီ၏ Transparency အစီရင်ခံစာတွင် ဖော်ပြထားသည်။ ထိုသို့ တရုတ်နိုင်ငံတွင် Gmail ပြန်လည် အသုံးပြုခွင့်ရခြင်းကို Financial Times သတင်းစာက စတင် သတိပြုမိခဲ့ခြင်း ဖြစ်သည်။ တရုတ်နိုင်ငံတွင် Gmail လေးရက်ကြာခန့် ပြတ်တောက်မှု အပြီးတွင် မေးခွန်းများစွာ ကျန်ရှိခဲ့ပြီး တရုတ်အခြေစိုက် ဆင်ဆာဖြတ်တောက်မှုကို ဆန့်ကျင်သည့် အဖွဲ့အစည်း Greatfire.org က Gmail ပြတ်တောက်မှုမှာ အစိုးရတွင် တာဝန်ရှိနိုင်ကြောင်း ပြောကြားထားသည်။ Google က Gmail   ပြတ်တောက်မှုတွင် ကုမ္ပဏီ၏ နည်းပညာဆိုင်ရာ အကြောင်းအချက်များ မည်သို့မျှ မသက်ဆိုင်ကြောင်း CNET သို့ပြောကြား ထားသည်။ ထို့အပြင် တရုတ်နိုင်ငံခြားရေး ဝန်ကြီးဌာနမှ ပြောရေးဆိုခွင့် ရှိသူက Gmail ပြတ်တောက်ခြင်းကို ဂရုမပြုမိကြောင်း Reuters သို့ ပြောဆိုခဲ့သည်။

Google သည် တရုတ်နိုင်ငံတွင် နှစ်ပေါင်းများစွာ လုပ်ကိုင်ခဲ့ရာ ပြဿနာများစွာနှင့် ကြုံတွေ့ခဲ့ရပြီး ပြီးခဲ့သည့် ဇွန်လက ၂၅ နှစ်မြောက် တိန်အန်မင်ရင်ပြင် အရေးအခင်း မတိုင်မီတွင်လည်း တရုတ်အာဏာ ပိုင်များက browser များ၌ Gmail အသုံးပြုခွင့်ကို ပိတ်ပင်ခဲ့သေးသည်။ ယခုအခါ လေးရက်ကြာ Gmail ပြတ်တောက်မှုတွင် သုံးစွဲသူများ အနေဖြင့် Microsoft ၏ Outlook သို့မဟုတ် Apple ၏ email client မှတစ်ဆင့် Gmail ကို အသုံးပြုခွင့် ရခဲ့ခြင်းဖြစ်သည်။

Ref : CNET