၂၀၁၄-၂၀၁၅ ပညာသင်နှစ် အတွက် A.G.T.I ပထမနှစ် ဝင်ခွင့် လျှောက်လွှာများ ခေါ်ယူ

၂၀၁၄-၂၀၁၅ ခုနှစ် ပညာသင်နှစ် အတွက် A.G.T.I ပထမနှစ် သင်တန်းသားများခေါ်ယူမည်ဖြစ်ကြောင်း နိုင်ငံပိုင် သတင်းစာတွင် ဖော်ပြထားချက်အရ သိရသည်။

အစိုးရနည်းပညာကောလိပ် (ရွှေဘို၊ မြင်းခြံ၊ မိုးညှင်း) နှင့် အစိုးရစက်မှုလက်မှုသိပ္ပံ (ကျောက်ပန်းတောင်း၊ ချောက်၊ ရေနံချောင်း၊ ၀ါးခယ်မ၊ သရက်၊ ကျောက်ဆည်၊ ဟားခါး၊ ပူတာအို၊ ခန္တီး၊ သံတွဲ၊ ဂန့်ဂေါ၊ ကန့်ဘလူ၊ မကွေး၊ မော်လမြိုင်၊ လက်ပံတန်း) တို့အတွက်ခေါ်ယူခြင်းဖြစ်သည်။

မြို့ပြအင်ဂျင်နီယာ၊ အီလက်ထရွန်နစ်အင်ဂျင်နီယာ၊ လျှပ်စစ်စွမ်းအား အင်ဂျင်နီယာ၊ စက်မှုအင်ဂျင်နီယာ သင်တန်းများကို ဖွင့်လှစ်သင်ကြားပေးသွားမည်ဖြစ်ပြီး သင်တန်း ကာလမှာ ၃ နှစ်ဖြစ်သည်။

လျှောက်ထားသူများသည် ပြည်ထောင်စု မြန်မာနိုင်ငံသားဖြစ်ရမည်ဖြစ်ပြီး အကျင့်စာရိတ္တကောင်းမွန်ကာ ကိုယ်လက်အင်္ဂါ သန်စွမ်းသူများ ဖြစ်ရမည် ဖြစ်သည်။ လျှောက်ထား သူများသည် ၀ိဇ္ဇာ၊ သိပ္ပံ၊ ၀ိပ္ပံ၊ စိတ်ကြိုက် မြန်မာစာ ဘာသာတွဲများဖြင့် အောင်မြင်ထားသူများဖြစ်ရမည် ဖြစ်သည်။ တက္ကသိုလ်ဝင်စာမေးပွဲတွင် အင်္ဂလိပ်စာနှင့် သင်္ချာ စုစုပေါင်းရမှတ်များပေါ် မူတည်ကာရွေးချယ်မည် ဖြစ်ပြီး မြန်မာနိုင်ငံတစ်နိုင်ငံလုံးရှိ တက္ကသိုလ်ဝင်စာမေးပွဲ ဖြေဆိုခဲ့သည့် စာစစ်ဌာနများမှ အောင်မြင်ထားသူများ၊ အစိုးရနည်းပညာ အထက်တန်း ကျောင်းများမှ အောင်မြင်ထားသူများလည်း လျှောက်ထားနိုင်ကြောင်း သိရသည်။

ဝင်ခွင့်လျှောက်လွှာများကို အစိုးရနည်းပညာကောလိပ်နှင့် အစိုးရ စက်မှုလက်မှုသိပ္ပံများတွင် ထုတ်ယူနိုင်ပြီး ဇန်န၀ါရီလ ၁၁ ရက် နောက်ဆုံးထားလျှောက်ထားနိုင် မည်ဖြစ်သည်။

လျှောက်ထားလိုသူများသည် လျှောက်လွှာနှင့်အတူ နိုင်ငံသားစိစစ်ရေး ကတ်ပြား မိတ္တူ၊ အကျင့်စာရိတ္တ ကောင်းမွန်ကြောင်း ထောက်ခံစာမူရင်းနှင့် မြို့နယ် ရဲ တပ်ဖွဲ့ စခန်း မှ ထောက်ခံစာမူရင်း၊ သက်ဆိုင်ရာမှ တရားဝင် ထုတ်ပေးထားသော တက္ကသိုလ်ဝင်စာမေးပွဲ အောင်မြင်သည့် အမှတ်စာရင်း (မူရင်းနှင့်မိတ္တူ)၊ ပတ်စပို့ဓာတ်ပုံ  ၃ ပုံနှင့်အတူ ပူးတွဲတင်ပြရမည်ဖြစ်သည်။

အသေးစိတ်အချက် အလက်များကို ထပ်မံသိရှိလိုပါက အစိုးရနည်းပညာကောလိပ် (ရွှေဘို၊မြင်းခြံ၊ မိုးညှင်း) နှင့် အစိုးရစက်မှုလက်မှုသိပ္ပံ (ကျောက်ပန်းတောင်း၊ ချောက်၊ ရေ နံချောင်း၊ ၀ါးခယ်မ၊ သရက်၊ ကျောက်ဆည်၊ ဟားခါး၊ ပူတာအို၊ ခန္တီး၊ သံတွဲ၊ ဂန့်ဂေါ၊ ကန့်ဘလူ၊ မကွေး၊ မော်လမြိုင်၊ လက်ပံတန်း) တို့သို့ဆက်သွယ် မေးမြန်းနိုင်မည် ဖြစ်သည်။