တရုတ်နိုင်ငံ၏ ပထမဦးဆုံး ပုဂ္ဂလိက အင်တာနက်ဘဏ် WeBank ကို Tencent စတင်

WeBank.jpg

ပြီးခဲ့သည့်ရက် အနည်းငယ်ခန့်က Tencent သည် တရုတ်နိုင်ငံတွင် ပထမဦးဆုံး ပုဂ္ဂလိက အင်တာနက် ဘဏ်လုပ်ငန်းကို လုပ်ဆောင်မည့် ဝက်ဘ်ဆိုက်ကို လွှင့်တင်ခဲ့သည်။  တရုတ်နိုင်ငံတွင် ယခုနှစ် အစောပိုင်းတွင် ပုဂ္ဂလိက ဘဏ်သစ်ငါးခုကို စမ်းသပ်အစီအစဉ်ဖြင့် ခွင့်ပြုချက် ချသွားပေးမည် ဖြစ်သည်။

ထိုကုမ္ပဏီများတွင် e-com-merc ကုမ္ပဏီ Alibaba နှင့် Tencent ကုမ္ပဏီတို့ ပါဝင်လျက်ရှိကြောင်း သိရသည်။ Tencent မှလွှင့်တင်ခဲ့သော WeBank ဝက်ဘ်ဆိုက်တွင် QR code ကိုတွေ့မြင်ရမည် ဖြစ်သည်။ အဆိုပါ QR code ကို မိုဘိုင်းဖုန်းဖြင့် scan ပြုလုပ်သည့်အခါ သုံးစွဲသူများ အနေဖြင့် Webank  အကြောင်းနှင့် ပတ်သက်သည့် ယေဘုယျ သတင်းအချက် အလက်များကို ရှင်းလင်းပြသ ပေးမည်ဖြစ်သည်။ ထို့အပြင် အွန်လိုင်း ဘဏ်အတွက် Tencent ၏အစီအစဉ်များကို သိရှိလိုသူများအား လမ်းညွှန်ပေးသွားမည် ဖြစ်သည်။ WeBank ကို Tencent မှ ၃၀ ရာခိုင်နှုန်း ပိုင်ဆိုင်ပြီး ရင်းနှီးမြှုပ်နှံမှု ကုမ္ပဏီများဖြစ်သော Baiyeyuan Investment နှင့် Live Group တို့မှ ၂၀ ရာခိုင်နှုန်း အသီးသီး ပိုင်ဆိုင်ကြသည်။ လက်ကျန်ရှယ်ယာ ၃၀ ရာခိုင်နှုန်းကို အခြား ရှယ်ယာရှင် ခုနှစ်ဦးမှ ပိုင်ဆိုင်ကာ ၎င်းရှယ်ယာ များအားလုံး၏ တန်ဖိုးမှာ ယွမ် ၃ ဘီလီယံ (ကန်ဒေါ်လာ ၄၈၂ သန်း) ခန့်ရှိကြောင်း သိရသည်။ အဆိုပါ WeBank သည် အောက်တိုဘာလ ၂၂ ရက်တွင် လိုအပ်သည့် ခွင့်ပြုချက်များစွာကို ရရှိထားပြီး ဇူလိုင်လတွင် ဘဏ်လုပ်ငန်း လုပ်ကိုင်ရန် ခွင့်ပြုချက်လည်း ရရှိထားသည်။

အင်တာနက် ကုမ္ပဏီများစွာသည် ငွေကြေးရရှိမှု မြင့်မားသော ဘဏ်ချေးငွေများ ပေးသည့် ဘဏ်လောကအတွင်း ဝင်ရောက်လာပြီး Baidu နှင့် Alibaba ကုမ္ပဏီများသည်လည်း ဘဏ်တစ်ခုစီ ပိုင်ဆိုင်ထားကြသည်။

Ref: TechInAsia