နိုဝင်ဘာအကုန်အထိ မြို့နယ် ၉၀ နီးပါးသို့ Ooredoo 4G ကွန်ရက်လွှမ်းခြုံပြီး ဖြစ်ဟုဆို

ပြီးခဲ့တဲ့ နိုဝင်ဘာအကုန်အထိ မြို့နယ် ၉၀ နီးပါးကို Ooredoo 4G ကွန်ရက်လွှမ်းခြုံပြီး ဖြစ်တယ်လို့ သိရပါတယ်။

တိုင်းဒေသကြီးအလိုက် 4G ကွန်ရက်လွှမ်းခြုံ ထားမှုအနေနဲ့ ရန်ကုန်တိုင်းဒေသကြီး မှာ ၃၃ မြို့နယ်၊ မန္တလေးတိုင်းဒေသကြီးမှာ ၁၁ မြို့နယ်၊ နေပြည်တော်မှာ ၆ မြို့နယ်၊ မကွေးမှာ ၇ မြို့နယ်၊ ဧရာဝတီတိုင်းဒေသကြီးမှာ ၈ မြို့နယ်၊ စစ်ကိုင်းတိုင်းဒေသကြီးမှာ ၅ မြို့နယ်နဲ့ ပဲခူးတိုင်းဒေသကြီးမှာ ၆ မြို့နယ်တို့ ဖြစ်တယ်လို့ သိရပါတယ်။ ဒါ့အပြင် ရှမ်းပြည်နယ်မှာ ၅ မြို့နယ်၊ မွန်ပြည်နယ်မှာ ၆ မြို့နယ်၊ ကရင်ပြည်နယ်မှာ ၁ မြို့နယ်၊ ကချင်ပြည်နယ်မှာ ၁ မြို့နယ် ဖြစ်တယ်လို့ ဆိုပါတယ်။

၂ဝ၁၇ ခုနှစ်၊ မေလက လှိုင်းနှုန်းစဉ် ၁၈ဝဝ MHz အတွက် ပို့ဆောင်ရေးနှင့် ဆက်သွယ်ရေး ဝန်ကြီးဌာနမှ ခွင့်ပြုချက်ရရှိပြီးနောက်မှာ 4G Plus ကွန်ရက်ကို ဆက်လက်ချဲ့ထွင်တာတွေကို ဆောင်ရွက်ခဲ့တာဖြစ်ပါတယ်။ ရန်ကုန်တိုင်းဒေသကြီးမှာရရှိတဲ့ Ooredoo ရဲ့ 4G ကွန်ရက်နေရာတွေ ကတော့ အလုံ၊ ဗဟန်း၊ ဗိုလ်တစ်ထောင်၊ ဒဂုံ၊ ဒဂုံမြို့သစ် (မြောက်ပိုင်း)၊ ဒေါပုံ၊ လှိုင်၊ လှိုင်သာယာ၊ အင်းစိန်၊ ကမာရွတ်၊ ကျောက်တံတား၊ ကြည့်မြင့်တိုင်၊ လမ်းမတော်၊ လသာ၊ မရမ်းကုန်း၊ မင်္ဂလာဒုံ၊ မင်္ဂလာတောင်ညွှန့်၊ မြောက်ဥက္ကလာပ၊ ပန်းဘဲတန်း၊ ပုစွန်တောင်၊ စမ်းချောင်း၊ ဆိပ်ကမ်း၊ တောင်ဥက္ကလာပ၊ တာမွေ၊ သန်လျင်၊ သင်္ကန်းကျွန်း၊ ရန်ကင်း၊ သာကေတ၊ ဒဂုံမြို့သစ် (တောင်ပိုင်း)၊ လှည်းကူး၊ ဒဂုံမြို့သစ် (အရှေ့ပိုင်း)၊ မှော်ဘီ၊ တိုက်ကြီး တို့ဖြစ်တယ်လို့ သိရပါတယ်။

-ထွန်းထွန်း