နိုင်ငံတကာ ကတ်ဝန်ဆောင်မှု

ပြည်တွင်း ဈေးကွက်သို့ ဝင်ရောက်လာသည့် နိုင်ငံတကာငွေပေးချေမှုကတ် အမျိုးအစားများကို ဘဏ်အသီးသီးမှ ဝန်ဆောင်ပေးနေကြောင်း တွေ့ရသည်။

Master Card

ပြည်တွင်းဘဏ်အချို့တွင် ဝန်ဆောင်မှုပေးနေသည့် နိုင်ငံတကာသုံးကတ် အမျိုးအစားဖြစ်သည်။ အဆိုပါ ကတ်မှာ Prepaid ကတ် အမျိုးအစားဖြစ်ပြီး နိုင်ငံရပ်ခြားတွင် မိမိဝယ်ယူလိုသော ကုန်စည်နှင့် ဝန်ဆောင်မှုများကို Master Card Reader များတွင်
ထိကပ်ရုံဖြင့် ငွေပေးချေနိုင်မည်ဖြစ်ကြောင်း၊ ပေးချေရာတွင် Pin နံပါတ်ကို ရိုက်ထည့်ရန်မလိုဘဲ ဝယ်ယူလိုသော ငွေသားပမာဏကို အတည်ပြုနိုင်မည်ဖြစ်ကြောင်း သိရသည်။ Master Card ဖြစ်သည့်အတွက် ကုန်စည်နှင့် ဝန်ဆောင်မှုများကို အွန်လိုင်းတွင်လည်း ဝယ်ယူနိုင်မည်ဖြစ်သည်။

ပြည်ပနိုင်ငံများရှိ အေတီအမ်များတွင်လည်း ငွေသားထုတ်ယူနိုင်မည် ဖြစ်သည်။ အဆိုပါ Master Card မှာကမ္ဘာ့နိုင်ငံပေါင်း ၂၁၀ ကျော်ရှိ အေတီအမ်များတွင် ငွေသားထုတ်ယူခြင်းနှင့် စားသောက်ဆိုင်များ၊ ဟိုတယ်များ၊ ရှော့ပင်း စင်တာများ၊ ဆေးရုံများတွင် ငွေပေးချေနိုင်ကြောင်း သိရသည်။ လျှောက်ထားရန်အတွက် နိုင်ငံသားမှတ်ပုံတင် သို့မဟုတ် နိုင်ငံကူး
လက်မှတ်၊ ကတ်စတင် လျှောက်ထားခ (လျှောက်လွှာကြေး) တို့ကို ဝန်ဆောင်မှုပေးသည့် ဘဏ်မှသတ်မှတ် ထားသည့် နှုန်းထားအတိုင်း ပေးချေရမည်ဖြစ်သည်။

VISA Credit Card

VISA Credit Card ကို သုံးစွဲသူများအနေဖြင့် နိုင်ငံတကာရှိ VISA အမှတ်တံဆိပ်ပါ ATM များ၊ POS များအပြင် e-Commerce (Online Shopping) များတွင်လည်း အသုံးပြုနိုင်မည်ဖြစ်သည်။ ပြည်တွင်းနှင့် ပြည်ပနှစ်ခုစလုံးတွင် အသုံးပြုနိုင်ပြီး လက်ရှိတွင် နိုင်ငံတကာနှင့် မြန်မာနိုင်ငံအတွင်း အသုံးပြုနိုင်သည့် Visa Credit Card (အကြွေးဝယ်ကတ်) များကို ပြည်တွင်း ဘဏ်များဖြစ်သည့် ဧရာဝတီဘဏ်၊ သမဝါယမဘဏ်၊ ကမ္ဘောဇဘဏ်၊ ယူနိုက်တက် အမရာဘဏ် အစရှိသည်တို့တွင် ပြုလုပ်နိုင်မည် ဖြစ်သည်။

Visa လက်ခံသည့် အရောင်းဆိုင် ပေါင်းသန်း ၄၀ ကျော် (မြန်မာ နိုင်ငံရှိဆိုင် ၇၀၀၀) ထံတွင် ငွေပေးချေမှုပြုလုပ်နိုင်မည်ဖြစ်ပြီး သတ်မှတ် အချက်အလက်များဖြင့် သက်ဆိုင်ရာ ဘဏ်များတွင် လျှောက်ထားနိုင်မည်ဖြစ်သည်။ Visa လုပ်ငန်းစုသည် နိုင်ငံနယ်နိမိတ်ပေါင်း ၂၀၀ ကျော်မှ customer များ၊ စီးပွားရေးလုပ်ငန်းများ၊ ငွေကြေးဆိုင်ရာ အဖွဲ့အစည်းများနှင့် အစိုးရလုပ်ငန်းများအား လျှပ်စစ်ငွေပေး ချေမှုဖြင့် ချိတ်ဆက်ပေးနေသည့် နိုင်ငံတကာ ငွေပေးချေမှုနည်းပညာကုမ္ပဏီဖြစ်သည်။ ၎င်းသည် တစ်စက္ကန့်တွင် သတင်း အချက်အလက်ဖလှယ်မှုအကြိမ် ၆၅,၀၀၀ ကျော် ထိန်းချုပ်စီမံနိုင်သည်ဟု ဆိုသည်။

Visa သည် ဘဏ်လုပ်ငန်း မဟုတ်သလို၊ ကတ်များ၊ သက်တမ်းတိုးကတ်များ ထုတ်လုပ်ခြင်း (သို့) သုံးစွဲသူများအတွက် ဝန်ဆောင်ခကောက်ခံခြင်းများ ပြုလုပ်ခြင်းလည်းမရှိဟု ဆိုသည်။ Visa သည် ၎င်း၏ ငွေကြေးဆိုင်ရာ လုပ်ငန်းဖောက်သည်များ ဝန်ဆောင်မှုပေးနေသော customer များကို ငွေထုတ်ယူကာ ငွေပေးချေစေခြင်း၊ ကြိုတင်ငွေ ပေးချေစနစ်အသုံး ပြုစေခြင်း၊ (သို့) ငွေချေးဝန်ဆောင်မှုဖြင့် ဝယ်ယူပြီး မှ ငွေပေးချေစေခြင်းများပြုလုပ် ပေးခြင်းတို့ကို ဆောင်ရွက်ပေးလျက်ရှိသည်ဟု ဆိုသည်။

JCB Card

JCB ကတ်မှာ ကမ္ဘာတစ်ဝန်း အသုံးပြုလျက်ရှိသော ငွေပေးချေကတ် အမျိုးအစားတစ်ခု ဖြစ်သည်။ ဂျပန်နိုင်ငံအခြေစိုက် ကတ်အမျိုးအစားဖြစ်ပြီး ဂျပန်နိုင်ငံတွင် ၁၉၆၁ ခုနှစ်မှ စတင်အသုံးပြုခဲ့သည်။ ကမ္ဘာတစ်ဝန်းလုံးတွင် ၁၉၈၁ ခုနှစ်တွင် ချိတ်ဆက်
အသုံးပြုနိုင်ခဲ့ကြောင်း သိရသည်။ JCB ကွန်ရက်ကို အသုံးပြုသူပေါင်း၂၇ သန်း ချိတ်ဆက်ထားပြီး နိုင်ငံပေါင်း ၁၉၀ မှ နေရာ သန်းပေါင်းများစွာတွင် အသုံးပြုနေသည်ဟု ဆိုသည်။ လက်ရှိတွင် MPU ကတ်များအား JCB များ ယူဆောင်အသုံးပြုနိုင်သော နေရာများ
တွင် သုံးစွဲနိုင်ရန် စတင်ဆောင်ရွက်ခဲ့သည်။

UnionPayInternational Card

UnionPay International (UPI)သည် UnionPay ၏ ကွန်ရက်အောက်ရှိ ကမ္ဘာလုံးဆိုင်ရာ ငွေပေးချေမှု လုပ်ငန်းကို ဆောင်ရွက်နေသော လုပ်ငန်းဖြစ်သည်။ လက်ရှိ အချိန်အထိ UnionPay ကွန်ရက်ကို နိုင်ငံပေါင်း ၁၆၀ တွင် လက်ခံအသုံးပြုနေပြီး ၃၅ သန်းသော အရောင်းဆိုင်များ၊ ၂ သန်းကျော်သော ATM စက်များတွင် အသုံးပြုနေပြီဖြစ်ပါသည်။ UnionPay သည် နိုင်ငံပေါင်း ၄၀ ကျော်တွင် ၅.၄ ဘီလီယံကျော်သော UnionPay ကတ်များကို ထုတ်ပေးပြီးဖြစ်သည့်အတွက် ကမ္ဘာပေါ်တွင် ကတ်အသုံးပြုသူ အများဆုံး ဖြစ်သည်ဟုဆိုသည်။ ငွေပေးချေမှု ဝန်ဆောင်မှုလုပ်ငန်းအဖြစ် ရပ်တည်ကာ တစ်ဖက်တွင်လည်း အရောင်းဆိုင်များအတွက် ဒေသအလိုက် ဝန်ဆောင်မှုပေးလျက်ရှိသည်ဟု သိရသည်။

UnionPay သည် မြန်မာနိုင်ငံ၏ ပြည်တွင်းစီးပွားရေးလုပ်ငန်းများကို ဆောင်ရွက်ပေးနေသည်ဟု ဆိုသည်။ UnionPay ကတ်များကို AGD ဘဏ်၊ AYA ဘဏ်၊ CB ဘဏ်၊ KBZ ဘဏ်နှင့် MOB ဘဏ်တို့မှ လက်ခံအသုံးပြုလျက်ရှိသည်။ ယင်းကတ်များကို နိုင်ငံတစ်ဝှမ်းရှိ ၈၀% ကျော်သောဒေသတွင်း လက်လီ အရောင်းဆိုင်များ၊ စားသောက်ဆိုင်နှင့် အဖျော်ယမကာဆိုင်များနှင့် ATM စက်များ အားလုံးနီးပါးတွင် အသုံးပြုနိုင်သည်ဟုဆိုသည်။

UPI နှင့်ပတ်သက်ပြီး အသေးစိတ် သိရှိလိုပါက www.unionpayintl.com တွင် ဝင်ရောက် လေ့လာနိုင်သလို Facebook၊ Sina Weibo၊ Wechat စသည့် လူမှုကွန်ရက် စာမျက်နှာများတွင်လည်း UnionPay International ကို Follow လုပ်ပြီး သတင်းများ ကြည့်
ရှုနိုင်သည်ဟု ဆိုသည်။ UnionPay International မိုဘိုင်း အက်ပလီကေးရှင်းကို Apple Store နှင့် Google’s Playstore တို့တွင် download ပြုလုပ်နိုင်ကြောင်း ဆိုထားသည်။

-ထွန်းထွန်း