နိုင်ငံတကာအဆင့်မီ ဝိုင်ဖိုင်စနစ် တပ်ဆင်နိုင်

စီးပွားရေးလုပ်ငန်းများ၊ ဟိုတယ်များ၊ အလုပ်ရုံဆွေးနွေးပွဲများ အစရှိသည့် နေရာများတွင် နိုင်ငံတကာ အဆင့်မီ ဝိုင်ဖိုင်စနစ် တပ်ဆင်လိုပါက ဆောင်ရွက်ပေးနေကြောင်း Frontiir ကုမ္ပဏီ၏ Vice President ဦးမင်းသိန်းက ပြောသည်။

တပ်ဆင်ထားသော အင်တာနက်စနစ်နှင့် ချိတ်ဆက်ကာ ဝိုင်ဖိုင်စနစ်အသုံးပြု၍ ရရှိအောင် ဆောင်ရွက်ခြင်း ဖြစ်ကြောင်း၊ မြန်နှုန်းမြင့် Device များ အသုံးပြုကာ ဝိုင်ဖိုင်ကွန်ရက် လွှမ်းခြုံစေခြင်းဖြစ်ကြောင်း သိရသည်။ “ကျွန်တော်တို့က အင်တာနက်ဝန်ဆောင်မှု ပေးတာမဟုတ်ဘူး၊ ဝိုင်ဖိုင် Access Network ပေးတာဖြစ်ပါတယ်။ ဟိုဖက်ကရှိတဲ့ အင်တာနက်နဲ့ ဝိုင်ဖိုင် ပေါင်းလိုက်တာ ဖြစ်ပါတယ်၊ ဝိုင်ဖိုင်ဆိုတာကတော့ ပစ္စည်းတစ်ခု တပ်လိုက်ရင်တော့ ရနေတာပေါ့။ ဒါပေမဲ့ ကွန်ရက်ကောင်းကောင်း ရဖို့အတွက်တော့ စနစ်တကျလုပ်ဖို့လိုတယ် အဲ့အတွက် ဝန်ဆောင်မှုပေးတာဖြစ်ပါတယ်” ဟု ဦးမင်းသိန်းကပြောသည်။

တပ်ဆင်မည့်နေရာအတွက် မြန်မာ့ဆက်သွယ်ရေး၊ Red Link ၊ ရတနာပုံ စသည့်နေရာများမှ အင်တာနက်ကွန်ရက် ရှိရမည်ဖြစ်သည်။ တပ်ဆင်မည်ဆိုပါက တပ်ဆင်မည့်နေရာ၏ Floor Plan ကို ပထမဦးဆုံးအနေဖြင့် ယူမည်ဖြစ်ပြီး Destop Survey လုပ်မည်ဖြစ်ကြောင်း၊ လိုအပ်ပါက Field Survey လုပ်မည်ဖြစ်ကြောင်း၊ ယင်းနောက် တပ်ဆင်မည့်နေရာအတွက် ပဏာမဒီဇိုင်းထွက်လာကာ နောက် အဆင့်များကို ဆောင်ရွက်သွားမည် ဖြစ်ကြောင်း သိရသည်။