၉၉ ကျပ်ဖြင့် ရက် ၃၀ ကြာ အကန့်သတ်မရှိ အသုံးပြုနိုင်မည့် Facebook ညသုံး အစီအစဉ်ကို မိတ်ဆက်

ပြည်တွင်းမှာ လူသုံးများတဲ့ လူမှုကွန်ရက်တစ်ခုဖြစ်တဲ့ Facebook ကို ၉၉ ကျပ်ဖြင့် ရက် ၃၀ ကြာ အကန့်သတ်မရှိ အသုံးပြုနိုင်မယ့် Facebook ညသုံးအစီအစဉ်ကို တယ်လီနော မိတ်ဆက်လိုက်တယ်လို့ သိရပါတယ်။

Facebook အက်ပလီကေးရှင်း၊ ဝက်ဆိုက်နဲ့ Messenger တို့မှတစ်ဆင့် Facebook ညလုံးပေါက်အစီအစဉ်ကို သုံးစွဲသူတွေအနေနဲ့ ည ၁၁ နာရီမှ နောက်နေ့ နံနက် ၇ နာရီအတွင်း အကန့်အသတ်မဲ့ စိတ်ကြိုက်အသုံးပြုနိုင်မှာဖြစ်ပြီး ယခုအစီအစဉ်တွင် Messenger မှတစ်ဆင့် ဗီဒီယိုခေါ်ဆိုခြင်း၊ ဖုန်းခေါ်ဆိုခြင်းများ အကျုံးမဝင်သဖြင့် သုံးစွဲသူတွေအနေနဲ့ Messenger မှတစ်ဆင့် ဗီဒီယိုခေါ်ဆိုခြင်း၊ ဖုန်းခေါ်ဆိုခြင်းများအတွက် ဝယ်ယူထားတဲ့ ဒေတာပက်ကေ့ခ်ျ သို့မဟုတ် သုံးသလောက်ပေး အင်တာနက်နှုန်းထားနဲ့ ခေါ်ဆိုနိုင်မှာဖြစ်တယ်လို့ သိရပါတယ်။

တယ်လီနောသုံးစွဲသူတွေအနေနဲ့ ယခု အစီအစဉ်သစ်ကို MyTelenor အက်ပလီကေးရှင်းမှတစ်ဆင့် သို့မဟုတ် *8099# သို့ ဖုန်းခေါ်ဆိုကာ ရယူအသုံးပြုနိုင်ပြီး တစ်ခါရယူထားရုံနဲ့ ရက် ၃၀ ကြာ နေ့စဉ် ည ၁၁ နာရီ မှ နောက်နေ့ နံနက် ၇ နာရီအထိ အကန့်အသတ်မရှိ စိတ်ကြိုက်သုံးစွဲနိုင်မှာဖြစ်ပါတယ်။ ၎င်း Facebook ညလုံးပေါက်အစီအစဉ်ကို ဇွန်လ ၄ ရက် ၂၀၂၀ ခုနှစ်မှ ဇွန်လ ၃၀ ရက် ၂၀၂၀ ခုနှစ်ထိ ပရိုမိုးရှင်းအစီအစဉ်တစ်ခု အနေနဲ့ ပြုလုပ်သွားမှာဖြစ်ပြီး အပြောင်းအလဲများရှိပါက ထပ်မံ အသိပေးကြေညာပေးသွားမယ်လို့ သိရပါတယ်။

-ရဲထွဋ်ဝင်း