၂၀၁၉ ထုတ် iPhone တွေမှာ R1 Sensor Coprocessor အသစ်ပါဝင်လာနိုင်

Apple ဟာ အင်္ဂါနေ့ညမှာ မိတ်ဆက်မယ့် iPhone တွေရဲ့ A13 စီးရီးချစ်ပ်တွေမှာ Rose နဲ့ R1 လို့ နာမည်လွှဲပေးထားတဲ့ coprocessor သစ်ကို ထည့်သွင်းဖို့ စီစဉ်နေပါတယ်။ Apple အနေနဲ့ coprocessor ကို Rose နဲ့ R1 အမည်တွေနဲ့ ဈေးကွက်ထဲ တင်သွင်းမလားဆိုတာ မသိသေးပါဘူး။ ဒါမှမဟုတ် A စီးရီးချစ်ပ်နံပါတ်နဲ့ ကိုက်ညီပြီး ပထမဆုံး Rose coprocessor ကို R13 အဖြစ်ဖြန့်နိုင်ပါတယ်။

iOS 13 ရဲ့အတွင်းပိုင်း build အရ Rose coprocessor ရဲ့ပထမမျိုးဆက် R1 (t2006) ဟာ Apple ရဲ့ M စီးရီး motion coprocessor နဲ့ဆင်ပါတယ်။ M စီးရီး motion processor ဟာဖုန်းရှိနေတဲ့ နေရာလွတ်နဲ့ပတ်သက်ပြီး iOS ကိုသတင်းပို့ပေးပြီး အဓိကစနစ် ပရိုဆက်ဆာကနေ sensor အချက်အလက်တွေကို ပို့ပေးမှာ ဖြစ်ပါတယ်။

R1 ဟာ motion coprocessor ထက် sensor များစွာကို ပေါင်းစပ်နိုင်ကာ ထုတ်ကုန်ရှိရာအရပ်ကို ကောင်းစွာ ဖော်ပြပေးနိုင်ပါတယ်။ အခု motion coprocessor က compass, gyroscope, accelerometer, barometer နဲ့ မိုက်ကရိုဖုန်းတွေက အချက်အလက်ကို ပေါင်းစပ်ပေးပါတယ်။

Rose coprocessor မှာ inertial measurement unit (IMU), Bluetooth 5.1 feature တွေ, ultra-wideband (UWB) နဲ့ ကင်မရာ (motion capture နဲ့ optical tracking) sensor အချက်အလက်ကို ထုတ်ကုန်တည်နေရာအပြင် အခြား feature အတွက် ထောက်ပံ့မှုထည့်သွင်းမယ်လို့ သိရပါတယ်။

စိုးထက်
Ref: MacRumors