မြန်မာ-ဂျပန် လူ့စွမ်းအားအရင်းအမြစ်ဖွံ့ဖြိုးမှု ဗဟိုဌာနမှ စီးပွားရေးစီမံခန့်ခွဲမှုသင်တန်းများ ဖွင့်မည်

မြန်မာ-ဂျပန် လူ့စွမ်းအားအရင်းအမြစ်ဖွံ့ဖြိုးမှု ဗဟိုဌာန (MJC) မှ စီးပွားရေး စီမံခန့်ခွဲမှုသင်တန်းတွေကို ဇန်နဝါရီလနဲ့ ဖေဖော်ဝါရီလတွေမှာ ရန်ကုန်နဲ့ မန္တလေးမြို့တွေမှာ ဖွင့်လှစ်သွားမယ်လို့ သိရပါတယ်။

ရန်ကုန်ရုံးမှာ Business Plan Development, Strategic Managment, Managment With Thinking တွေကို တက်ရောက်နိုင်ပြီး မန္တလေးရုံးမှာတော့ Managment With Thinking နဲ့ Knowledge Management သင်တန်းတွေကို တက်ရောက်နိုင်မှာဖြစ်ပါတယ်။

သင်တန်းတစ်ခုချင်းစီအတွက် သင်တန်းကြေး ၇၀,၀၀၀ ကျပ် ကျသင့်မှာဖြစ်ပြီး လျှောက်ထားလိုသူတွေ အနေနဲ့ ဓာတ်ပုံ ၃ ပုံစီနဲ့ လျှောက်ထားရမှာဖြစ်ပါတယ်။ MJC မှ လုပ်ငန်းတစ်ခုချင်းစီအလိုက် စီးပွားရေးစီမံခန့်ခွဲမှုနဲ့ သက်ဆိုင်တဲ့ Trailor Made Program တွေကိုလဲ ဆောင်ရွက်ပေးတယ်လို့ သိရပါတယ်။

သင်တန်းတက်ရောက် လိုသူတွေအတွက် Sharing Business Value to Myanmar Society ဆွေးနွေးပွဲကို ဇန်န၀ါရီလ ၁၆ ရက် ညနေ ၅ နာရီခွဲမှ ည ၇ နာရီခွဲထိ မြန်မာ-ဂျပန်စင်တာ (ရန်ကုန်ရုံး) မှာ ပြုလုပ်သွားမှာဖြစ်ပြီး မည်သူမဆို အခမဲ့ တက်ရောက်နိုင်မှာ ဖြစ်ပါတယ်။

တက်ရောက်လိုသူတွေအနေနဲ့ အသေးစိတ်အချက်အလက်တွေကို မြန်မာ-ဂျပန်စင်တာ (ရန်ကုန်ရုံး) ဖုန်း-၀၁-၂၃၀၁၆၆၂၊ ၀၉၂၅၀၁၈၅၄၅၅ (မန္တလေးရုံး) – ဖုန်း-၀၉၄၂၈၅၅၄၅၇၁၊ ၀၉၄၂၅၅၅၇၄၃၄ ကို ဆက်သွယ်မေးမြန်းနိုင်ပါတယ်။

-သန္တာ